Homa 3:5 - Deoso-ka Yama Hani

⁵ Mai atibodi honara eya mai ati nineni. “Oda ene amosara‑ya mai one awiya, oda‑ya mai nofaraboneni. Deoso‑ta ohari ene amose hinama tohe‑ya mai watoya, fara Deoso ati‑ya mai nofawahaboneni. Oda ene Deoso ati‑ya mai nofiya, Deoso oda‑ya yawaterebonane. Oda‑ya yawe‑mana, ati kasiro nane.” Mai atibodi honara mai ati teni.

Homa 3:5 ပူးပေါင်းရင်းမြစ်များ

Homa 12:19

Oka soho dai toha, dai‑ya onofi nafe, dai‑ya mai ihi amosara, mai‑ya dai ene amosabisahi. Deoso‑ka yama hani ati dai awahi. “Mai manakone amosara‑ya daa·onaboneni.” Deoso ati ne, fare mai manakone‑ya daanebonane.

Homa 2:5

Dai narabo hawira, dai‑ya dai kaminara, dai ene towe‑ya dai fawanira, dai manakone amosara tonafe. Makobote Deoso yaweya, mai ihi towe‑ya kadikeya, dai ene‑ya kadika neya, Deoso yawe ene dai awaboneni. Dai manakone amosara‑ya dai‑ya daatonameya, tosawari awirebonane.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Homa 3:7

Dai owa atibodi honare ati, “Keyehe hiri·oniya, owati‑ya mai mita, owati‑ya mai nofara, Deoso‑ta keyehe‑ya hiritere‑ya mai kahiyarabisaboneni. Owa ene Deoso‑ya mai kahiyariya, owa‑ya Deoso yawaterebonane.” Dai owa atibodi honare ati nane.

Homa 4:1

Yodeo ai‑ka idi i‑di Abaraho tohemata tamine‑ya dai atibodi kadikahi. Hibati‑ya i‑di Abaraho‑ya Deoso ati somawamematane. Hini yamata ihi Deoso ati somawamamatati?

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 6:1

Dai one Deoso ati‑ya mai tokadabi nofara, eya mai ati na awineni. “Ai ene amosaramaro, ai‑ya Deoso ati somawame, hibayata ai ene towe ba‑basi niya, ai‑ya Deoso ati somawamatasebona, ai ene towe ba‑basi nahi.” Mai ati na awineni.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 7:7

“Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Homa 8:31

Ai atibodi yama‑ya kadika, “Deoso kitabote ai‑ya nofe, ai‑ya kasome, ai‑ya nawade, ai‑ya mai ka‑kako mai kiti bi‑bidi na, mai ihi ai korikasariyahi.” Ai atibodi ati teni.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Korito daidi 15:32

Ai aba, ai kitamarabone‑mani, Deoso‑ka yama ai nokotonira neni. Ai kitamabone, Deoso‑ka yama ai nokotonihe, ai aba nowati‑ya manakone ai kayafaboneni. Efesiyo‑ya Deoso‑ka yama noko·onihe, yama‑ka bani mai hama‑nima Efesiyo‑ka mai hama mai na, owa‑ya mai nanahabi yanatoneni. Okitamarabone‑mani, owa manakone wadara neni. Ai kitamarabone‑mani, hiniya ai tafa, faha ai fawa, ai aba niya, ai wadamara neni.

Korito daidi 9:8

Hiniya owati yanani awirani. Deoso‑ka yama hani ati‑nima owati nineni.

Korito yoto‑ke 6:4

Deoso‑ka oda toha Deoso ati yokana oda kamine‑ya mai watabone, oda ene amosateni. Oda‑ka yamata wadara, oda ati yawara. Oda‑ya mai bisina, mai oda weera. Oda atibodi koma, oda ati yawa kanibote ra. Oda ene amosa‑ya mai awa, Deoso‑ka oda toha, Deoso ati yokana oda kamine oda‑ya mai wataboneni.

Korito yoto‑ke 7:11

Oka yama hani dai kadikamaro, Deoso ene dai atibodi komamaro, dai ene dai awahi. Dai ene amosawamabone dai nokotoniwaha, dai owa ene‑nima dai ene ra oda watabone dai nofamone, dai owa‑ya dai yawa, dai owa ene‑nima dai one ene namakitasaba awineni dai ati na, dai habo siitona, dai owa ene amosare manakone hikayahabone dai atibodi ati nawaha, dai owa ene‑nima dai ene ra dai oda awawahani.

Karatiya 2:18

Mose ati ai tokadababone, Deoso tabaro‑ya ai kobonabonehe ai ati namaroni. Makobote Yeso ai manakone‑ya nanahabe tamine ai mita, Yeso ai nofawaha, makobote Mose ati ene Deoso tabaro‑ya ai kobonabone ai ati na‑mani, towe ai tohamatasa neni.

Karatiya 3:15

Soho, owati dai mitahi. Yama ai kanika, manakone nafi abi awisariya, yama hani‑ya ai oni‑ya ai kanahano, makobote yama hani ati‑nima ai teni. Yama hani kote ai kanahanomakitera, ati kote ai nanahabateni.

Yeso Kirisito ene‑bona 15:3

I‑di Mose i‑di Deoso‑ya na‑narifa amane. Mose‑ka wayoma, Kaneiro Bidi‑ka wayoma na‑ya mai wayoma, “Deoso, oda‑ka hidi webote amatini. Kitabote amatini. Tiwa ene amosa hinama amani. Tiwa ene kitabote amani. Tiwa ene oda awa, keyehe‑ya hirititerani. Bofe‑ka mai nafi‑ka hidi webote amatini.

Yeso Kirisito ene‑bona 18:20

Neme‑ya dai wi‑wina dai toha, Deoso‑ka dai toha, Yeso‑ka yo‑yose dai toha, Deoso ati‑ya dai ka‑kamina dai toha, dai na, dai ya‑yainahi. Hibati‑ya Babironi‑ka mai ihi dai‑ya mai weenamaro, mai ihi manakone‑ya Deoso daanawahene. Fara ihi dai ya‑yainahi.” Neme‑ya ati kaki, ati nene.