Homa 3:4 - Deoso-ka Yama Hani

⁴ Deoso ati‑nima yama nasa naboneni. Ati fawaterebonane. Ai nafi‑ta keyehe‑ya ai hirina awineni. Deoso‑ta keyehe‑ya hiriterene. Deoso ati‑nima yama na dai awaboneni. Deoso ati ai kadika, “Deoso ati tosawariterene. Hini ati‑nima yama teni. Deoso ati‑ya mai nofara, Deoso ati‑nima yama nasa nineni.” Deoso‑ka yama hani ati nineni.

Homa 3:4 ပူးပေါင်းရင်းမြစ်များ

Mateo 11:19

Dai‑ka Ayo neme‑ke tafi ba‑basi ne, fino‑ya fawane, ‘Yeso towe amane. Tafi nafi, fino‑ya fawa, kofeno‑ka yinero‑bona‑ya mai ha‑haa mai toha, mai ihi amosara mai toha, mai na, mai‑ya Yeso nofatene.’ Dai ati teni. Yama‑ya mai wa‑wato mai ihi ai awa, mai ai watoteni.” Yeso ati nemarine.

Roka 20:16

Kamakiya, hika ofa‑ya mai na‑nawada‑maro mai‑ya nanahabeya, ai one‑ya awa‑ya hidi daanawahebonane, mai hinawadawahabonehe.” Yeso ati nematane. “Ka! Haa‑nima yama riyahi.” Mai ati nameteni.

Yowaho 3:33

Neme‑ke ati mai one hinofe, ‘Deoso ati amose, keyehe‑ya hirirene.’ Mai ati neni.

Homa 11:1

Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Homa 11:11

“Yeso abeya, Yodeo mai manakone‑ya nanahabebona tamine‑ya mai mita, mai taratokana, mai ihi Deoso mai‑ya kakane, mai‑ya kasomarebonane.” Dai ati na awineni. Deoso mai‑ya kanakare, Bara mai‑ya kasomeya, Deoso ene‑ya Isara·eo‑ka mai awiya, Deoso‑ya mai kayawabone Deoso atibodi ati nane.

Homa 3:31

“Yeso Kirisito ati ai nofiya, Deoso ai‑ya ati somawameya, Mose ati fawanebonane.” Dai ati na awineni. Mose ati fawani awirebonane. Deoso ati Mose hikanahanomata, ati‑nima yama nabone ai watoneni.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 6:2

Haa‑nima dai ati riyahi, dai ene towe tohamarabonehe. Deoso ene ai atibodi yati toha, ai atibodi bote ai‑ka hidi tohamara, ai atibodi bote ati‑ya ai tokadabamariyahi.

Homa 7:13

Yama hani ati amosa ihi o·ababone dai ati na awineni. Yama hani ati ihi tohi awirini. Yama hani ati amosabisa, owa ene‑ta amosara, hini owa ene o·ababoneni. Owa ene amosara owatowaha, Mose‑ka yama hani ati ihi owa ene towe na‑nafi tohamaro owatowahineni.

Homa 7:7

“Deoso ati‑ya i‑di Mose kanahano ati kasirone.” Onamone dai ati na. Ati kasiro awire, ati amosabisane. Deoso ati i‑di Mose hikanahanomata ai kadikiya, ai ene amosara ai watoteni. Hibati‑ya mai‑ka yama‑ya owatibodi ati kayafa, “Yama sibarini.” Owatibodi ati na, owa‑ya weeramaroni. Makobote Deoso ati okadika, “Mai‑ka yama‑ya dai atibodi ati kayafariyahi.” Deoso‑ka yama hani ati na. Okadika, owa‑ya owatibodi weenawahateni.

Homa 9:14

“Deoso ati kasirone.” Dai atibodi ati na awineni. Deoso ati kasiro awirane.

Korito daidi 6:15

Yeso Kirisito abano kobobone‑nima ai na, ai‑ya kobobona ai ati‑ya tokadaba‑nima Yeso Kirisito ati ai tokadabahi. Kirisito kobobone mai fanawi towe‑ya ai famateriyahi.

Korito yoto‑ke 1:18

Deoso keyehe‑ya hirire, hini ati‑nima tene. Dai‑ya okayehera. Dai tabaro‑ya okabone ona, owatibodi ati‑nima owati namaroni.

Karatiya 2:17

Yeso ati‑ya ai no‑nofa Deoso ai‑ya ati somawamare‑mana, Yeso keyehe‑ya hirine nane. Keyehe‑ya Yeso hiriterene.

Karatiya 2:21

I‑di Mose ati nafi ai tokadabara, ai manakone tohani. Hini ai ene ai manakone ai nanahaba‑mani, Yeso abare nane. Ai manakone ai nanahabaterani. Yeso Kirisito abare‑mana, Deoso ai‑ya ati somawamare nane. Deoso tabaro‑ya ai winara neni.

Karatiya 6:14

Owa okahiyari awiraboneni. Ai‑ka Ayo, Yeso, awa‑ya waane, ai manakone‑ya nanahabemari, Yeso‑ta okahiyarabisaboneni. Yeso ati‑ya mai nofara, owa‑ya mai nofaharira, mai ihi‑nima owa ene teraboneni.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Yowaho daidi 5:10

Yeso ati ai nofa, ai atibodi‑ya Deoso‑ka Doni hiyare, Deoso Bidi i‑di Yeso amane, ati tene. Yeso ati‑ya mai nofara, “Yeso Deoso Bidi tohaterene keyehe‑ya Deoso hirinane.” Mai atibodi ati teni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 3:7

“Yama hani tikanahanohi. Deoso‑ya mai hi‑hiyara‑ke yobe Firadefia‑ya wai, yobe hidi‑ya daatinahi. Amosabotebisa ama·oni. Keyehe‑ya hiri·oterani. I‑di Dafi‑ka safi owa‑ya sawe, yama see·okani‑ya mai barihikaraboneni. Yama bari·okani‑ya mai seehikani awiraboneni. Fara owati amani.