Homa 3:27 - Deoso-ka Yama Hani

²⁷ “Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Homa 3:27 ပူးပေါင်းရင်းမြစ်များ

Maroko 16:16

Deoso ati amosabote ati‑ya mai nofa, mai dai habanirisiya, Deoso tabaro‑ya mai saweboneni. Deoso ati amosabote ati‑ya mai nofara, wara hirini‑ya mai‑ya weenebonane.

Yowaho 3:36

Deoso Bidi ati ai nofa ai abateraboneni. Deoso Bidi ati‑ya mai nofara Deoso tabaro‑ya mai sawirabone, mai ihi manakone hasinasa nineni.” Yowaho ati nematane.

Homa 10:5

“Owati hinama dai tokadabiya, dai‑ya Deoso ati somawamebonane.” Mose ati nematane.

Homa 11:6

Hibati‑ya Deoso ai‑ya nofe, ai‑ya kadikematane. Deoso hini ene amane. Ai ene ai‑ya kadike‑mana, hini ene tohare nane.

Homa 2:17

Yodeo dai toha, Deoso dai‑ya hiyaremata, Deoso ati i‑di Mose dai‑ya daanemata ene Deoso‑ka dai tohamone, dai‑ya yawamaterebona dai ati na awineni.

Homa 2:23

“Mose ati oda watoneni.” Dai ati na, ati dai tokadabare, dai ene Deoso‑ya mai one hahakanineni.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Homa 4:2

“Abaraho‑ka yama anini amosa ihi Deoso ati somawame awane.” Dai ati na awineni. Abaraho‑ka yama anini amosa ihi tohi awirini. I‑di Abaraho‑ka yama anini manakone‑mani, hini‑ya kahiyare nane. Deoso hini ene i‑di Abaraho‑ya ati somawamematane.

Homa 7:21

Yama amosa onofa‑ya owatibodi bote nofara. Yama amosa onofabone ona, owatibodi bote ene yama amosa oni awirani.

Homa 7:23

Owatibodi bote owa‑ya foyasa na, owatibodi yati‑ya weeteni, owatibodi bote ati‑nima onabonehe.

Homa 7:25

Ai‑ka Ayo i‑di Yeso Kirisito owa‑ya kasomebonane. Yeso ene owatibodi yati tohawaha, Deoso‑ya owatibodi yati nokotoni teni. Deoso ene ya‑yai·oneni. Owatibodi yati‑ya Deoso ati okadaba, owatibodi bote yama towe‑ya nofasa nineni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Homa 9:11

Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Homa 9:31

Isara·eo‑ka nodi Deoso ati‑ya mai kayafameteni, mai ihi amosabonehe. Mose ati‑ya mai tokadababone mai ati na, ati mai hikadabarene. Mai ati‑nima mai ni awira, mai ihi Deoso mai‑ya ati somawami awire, Deoso‑ka mai tohi awirani.

Homa 9:32

Isara·eo‑ka mai‑ya Deoso nofe, Yeso abe, mai manakone‑ya nanahabane. Yeso ati‑ya mai nofa‑mani, mai manakone wadara neni. Ati mai hinofare, “Hini oda ene Deoso tabaro‑ya oda kobonibisaboneni.” Isara·eo‑ka mai atibodi ati na, “Owa tabaro‑ya dai kobonabone Yeso ati dai nofamatahi.” Deoso ati ne. Deoso‑ka yati‑nima‑ya mai taratokana, Deoso tabaro‑ya mai koboraboneni.

Korito daidi 4:7

Yama dai kiha Deoso dai‑ya daanemarine. Hiniya honita‑ya dai‑ya daane. Hini yamata ihi dai‑ya dai kahiyariti? Dai ene tohi awirini.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.