Homa 3:25 - Deoso-ka Yama Hani

²⁵ Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 3:25 ပူးပေါင်းရင်းမြစ်များ

Yowaho 6:47

“Owati amosabote dai mitahi. Owati dai no‑nofa dai abateraboneni.

Yeso‑ka yo‑yose mai tamine 14:16

Hibati‑ya mai tabori dami‑ya mai wi‑wina Deoso yokana mai atibodi‑ya barikare, hini mai atibodi ati‑nima mai nineni.

Yeso‑ka yo‑yose mai tamine 15:18

Deoso ati‑ya mai mi‑mita‑mete mai hikanahanameteni.

Yeso‑ka yo‑yose mai tamine 17:30

Hibati‑ya Deoso yokana ai watore, ai‑ya weeni awire, hibayata ai watowahe, ‘Hibati‑ya dai ene towe tohamaro, dai‑ya dai kaminahi.’ Deoso ati nane.

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Yeso‑ka yo‑yose mai tamine 4:28

Tiwatomata‑nima mai ihi nawahani. Tika Dao‑ya mai weenabone tinamete, Tika Dao‑ya mai weenawahani.

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:11

Makobote Deoso tabaro‑ya ai winabone, hibayata ai‑ka Ayo i‑di Yeso Kirisito ene Deoso ai‑ya ati somawame, ai ya‑yainawahani.

Homa 5:18

I‑di Adaho ohari ene amosare, ene ai nafi ababone Deoso ati ne, Yeso Kirisito ohari ene amose, abematane, Deoso ai‑ya ati somawamabisebonaha. Ai abami awirabone, ai atibodi yati ai kayafabisamaroni.

Homa 5:9

Yeso abe, emene tokafodo ene Deoso ai‑ya ati somawame, Yeso ene Deoso ai‑ya ati yawamaterebonane.

Korito daidi 5:7

Dai owa ene amosare, hini‑ya kaminare, dai‑ya dabamarayaho, dai ene amosabonehe. Ene amosare dai‑ya dai dabareya, baho femeto kihara‑nima dai nawahaboneni. Hibati‑ya ai‑ka idi mai‑ya Deoso kakariwahemata, baho femeto kihara‑ta mai kababone Deoso ati ne, hibayata kaneiro bidi‑nima Yeso abe, ai manakone‑ya nanahabe, ai abarabonehe. Fare Deoso ai‑ya kakariwahe‑nima baho femeto kihara‑nima dai niyahi.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:13

Hibati‑ya Yeso Kirisito‑ka dai tohara, Yeso Kirisito abe, emene tokafodo, hibayata ati dai nofawahe, Yeso Kirisito‑ka dai tohawahineni.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Ebereo 10:4

Bowi mai ame, bodi mai ame na ihi mai atibodi amosawamara, mai ihi amosara manakone‑ya bani mai ame nanahabaterani.

Ebereo 11:14

Mai atibodi ati‑mete‑nima mai one atibodi ati toha, mai tabori yokanabone‑ya mai sibanasa nineni.

Ebereo 11:17

I‑di Isaki yetene toheya, Abaraho‑ya Deoso haane, “Abaraho, tika dao yokana ohari owa‑ya daatiyaho.” Deoso ati ne, Deoso ati‑ya Abaraho atibodi nofi nafi, fare Deoso‑ya Isaki‑ya daani yanatonane.

Ebereo 11:7

Hibati‑ya faha kaki awiriya, Nowe‑ya Deoso hiyare, “Nowe, faha kakeboneni. Kanawa wamatinahi.” Deoso ati ne, Deoso ati‑ya Nowe nofe, “Deoso ati okadababoneni. Kanawa wama·onaboneni, oka mai hasinabonehe.” Nowe atibodi ati ne. Nowe ene hika mai one hasi, mai one nafi aba na, “Nowe owati‑ya nofe, ene amose, atibodi onamosebonane.” Deoso ati nematane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Ebereo 9:5

Kasaho noki mese‑ya Deoso‑ka yo‑yose mai afe wadikima mai demenare, mai afe bofe‑ya Deoso ati yananane, mai‑ya ati somawamebonaha. Yama wamani tamine ohiyaramaraboneni.

Yowaho daidi 1:10

“Mai ihi amosa hinama mai tohaterani.” Deoso ati nematane. “Deoso owa‑ya watore, owa ene amosa hinama tohani.” Mai ati na, Keyehe‑ya mai hirina, Deoso ati‑ya mai nofaterani.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 20:15

Ai abarabone‑ka yama hani‑ya mai oni sawira, wara hirini‑kaya mai‑ya weretoniwahene.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.