Homa 3:20 - Deoso-ka Yama Hani

²⁰ Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 3:20 ပူးပေါင်းရင်းမြစ်များ

Yeso‑ka yo‑yose mai tamine 13:39

Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Homa 2:13

Mose ati‑ya mai mita, ati mai hikadabare, hiniya ati mai himite, mai‑ya Deoso ati somawamarene. Mose ati nafi‑ya mai tokadababisa, mai‑ya Deoso ati somawamane.

Homa 3:28

Yeso ati‑ta ai nofa, Deoso ati somawamatene. Ai ene amosa ene tohi awirihi, Mose ati ene tohi awirihi nane.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 5:13

Hibati‑ya Deoso ati‑ya i‑di Mose kanahano awisareya, mai nafi ihi amosaramete. Mai ihi‑ya Deoso kadiki awisarematane.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 7:11

Owatibodi bote owa‑ya keyeheteni. Mose‑ka yama hani‑ya tokadababone ati na, Mose ati‑ya tokadabara ihi o·ababone owatowahani.

Homa 9:32

Isara·eo‑ka mai‑ya Deoso nofe, Yeso abe, mai manakone‑ya nanahabane. Yeso ati‑ya mai nofa‑mani, mai manakone wadara neni. Ati mai hinofare, “Hini oda ene Deoso tabaro‑ya oda kobonibisaboneni.” Isara·eo‑ka mai atibodi ati na, “Owa tabaro‑ya dai kobonabone Yeso ati dai nofamatahi.” Deoso ati ne. Deoso‑ka yati‑nima‑ya mai taratokana, Deoso tabaro‑ya mai koboraboneni.

Korito daidi 15:56

Hibayata Deoso ati hinama mai tokadabariya, mai ihi amosara manakone ababone, fara mai korikasateni.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Karatiya 5:4

Yeso dai manakone nafi‑ya nanahabare‑mana, dai sowiri tati ataro‑ya dai manakone kote dai nanahababone dai ati na, Yeso Kirisito‑ka dai toharamone owatibodi ati ni neni.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.