Homa 3:2 - Deoso-ka Yama Hani

² Yodeo ai toha yama dama‑ya ai kayafa, Deoso ai‑ya kasomi nafitene. Hibati‑ya ai‑ka idi mai‑ya Deoso hini ati‑ya hiyarematane. Deoso ati yokana mai hikanahano, ati‑ya ai‑ka idi mai kayafameteni.

Homa 3:2 ပူးပေါင်းရင်းမြစ်များ

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Homa 1:2

Hibati‑ya Yeso kaki awisareya, Deoso ati‑ya mai mi‑mita‑mete Deoso Ati Amosabote‑ya mai mita, Deoso‑ka yama hani‑ya ati mai hikanahanomatane.

Homa 2:18

Deoso yama ati kobohina dai wato, Deoso ati amosabote tohe dai wato na, Mose ati‑ya dai‑ya mai kanawatamaroni.

Homa 3:1

“Baoro, hini yamata ihi oda sowiri tati ataro‑ya mai wisinakositi? Yodeo ai toha hini yamata ai kayafa titi?” Dai ati na awineni.

Homa 3:3

Deoso ati‑ya Yodeo mai one nofara, ati mai hikadabarihi hine, Deoso ati‑nima yama ni awirabone dai ati na awineni.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Korito daidi 9:17

Deoso ati kamini‑ya owati nofa, ati okamine, owa manakone wadaboneni. Deoso ati kamini onofara‑mani, oka Hidi ati ene kaminanasa oneni.

Korito yoto‑ke 5:19

Deoso ati ene mai nafi manakone‑ya Yeso nanahabe, ati‑ya mai no‑nofa mai ihi‑maro‑ya kadikamaterebona oda ati nabone Deoso ati nane.

Karatiya 2:7

Fa‑fai‑ya mai‑ka webote mai yorotokana, owati‑ya mai mita, mai ibi hiyara, “Hehe, i‑di Baoro‑ya Deoso yosemarine, Bara mai‑ya Yeso Ati Amosabote‑ya kaminebonaha. I‑di Bedoro‑ya Deoso yosenemarine, Yodeo mai‑ya Deoso Ati Amosabote‑ya kaminaharibonaha.” Mai ati namaroni.

Timoti daidi 6:20

Timoti, Yeso ati nafi tinofa, Yeso ati‑nima tiyahi. Mai ati one tinofariyahi. Yama‑ya mai watora, mai ati tinofariyahi. Yama‑ya mai watamone mai ati na, yama‑ya mai watorani.

Ebereo 5:12

Hibati‑ya Deoso ati dai mita, mai one‑ya dai kanawatomakebone oda ati na, yama‑ya dai wato awisara, dai‑ya oda kanawatomatasabone dai nofabisineni. Madehe‑nima dai nasa na, yama kita kabi dai watora, yoha fahi‑ta dai ati fawabisineni,

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.

Yeso Kirisito ene‑bona 22:6

Deoso‑ka yo‑yose ati yanane, “Yama tamine tikanahana, fara amosa hinama amani. Keyehe sawi awirani. Deoso ati‑ya mai mi‑mita mai atibodi‑ya ai‑ka hidi Deoso kanawatotene. Hika yo‑yose‑ya yosene, Deoso‑ya dai na‑narifa dai toha dai‑ya yofikanebonaha. Yama yana kanibote naboneni.” Deoso‑ka yo‑yose ati nene.