Homa 3:11 - Deoso-ka Yama Hani

¹¹ Bofe‑ya dai wi‑wina yama amosa‑ya dai watora, Owa‑ya dai atibodi nokotoniterani.

Homa 3:11 ပူးပေါင်းရင်းမြစ်များ

Mateo 13:19

Fadara‑ka wami ai atibodi tamine amani. Neme‑ke ai nafi‑ka hidi kitabote tohawahebona tamine‑ya mai mita, ati mai hiwato awireya, mai ati kadamowama kanibote na. Hawi fowari‑ya yamata noki sona‑nima mai na, Satanasi ati ene Deoso ati‑ya mai ati kadamowamani.

Homa 1:22

Yama nafi‑ya mai watamone mai ati na, mai atibodi honita toha, hiniya mai ka‑kana nawawahani.

Homa 1:28

Deoso ati‑ya mai nofara, Deoso mai‑ya saatokase, hini mai ihi Deoso mai‑ya hiyarami awirane. Mai atibodi yama towe kobohina, hini mai atibodi ati‑nima mai ihi nawahani. Haa‑nima mai ihi rabone Deoso ati ne, haa‑nima mai ihi teni.

Homa 3:10

Deoso‑ka yama hani ati dai mitahi. “Bofe‑ya dai wi‑wina dai ene amosa hinama tohaterani. Dai owa ohari ene amose‑ba wadarene.

Homa 3:12

Owa hawine‑ya dai sawimara, Dai ati kasira, Owa noko‑ka dai ene amosara hinama dai toha, Dai owa ohari ene amose‑ba wadarene.”

Homa 8:7

Mai atibodi bote ati‑ya mai tokadaba, Deoso ati‑ya mai kaka, ati mai hikadabaterene. Mai atibodi bote Deoso ati‑ya tokadabaterani.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.