Homa 2:8 - Deoso-ka Yama Hani

⁸ Mai one hini mai‑ya mai nofabisa, Deoso ati‑ya mai nofara, Satanasi ati‑ya mai nofa, hini mahi‑nima mai ihi towe toha, mai ihi Deoso yawi kiteya, mai‑ya nakomeya, Deoso yawe‑ya mai watowahaboneni.

Homa 2:8 ပူးပေါင်းရင်းမြစ်များ

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 10:16

Deoso Ati Amosabote‑ya mai kamina, mai ati‑ya mai dami nofara. “Deoso, tiwati oda kamina, oda ati‑ya mai nofarani.” Isa·iya ati ne, Deoso‑ka yama hani‑ya.

Homa 15:18

Kirisito ene Bara dai‑ya ohiyara, owa ene dai awa, Yeso ati dai nofawaha, fare tamine okamini oharibonane.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Homa 9:22

Fare‑nima Deoso ene ne, ai nafi‑ya wamanematane. Mai one ihi amosarabone‑ya watonemata, mai ihi amosawamabone mai‑ya nimane. Mai ihi amosawami awiriya, Deoso yawi kite‑ya mai awabone ati nematane. Deoso yawe‑ya mai awa, mai‑ya nanahabe, sibarane.

Korito daidi 11:16

Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Karatiya 5:20

Mai‑ka deoso bare‑ya mai kahiyara, madi mai‑ya mai hiyara, mai ibi wee, mai ati yawa, mai ibi kaka, mai yorotokaterani. Hini mai‑ya mai nofabisineni.

Firibo 1:17

Owa‑ya mai nofara, owa ene‑ya mai ihi fiyakanabone mai atibodi ati na, Kirisito ati‑ya mai kamina, “Kirisito ati oda kamina, kadeya‑ya Baoro wai, oda tamine‑ya miteya, yawabake amane.” Mai ati neni.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Tesaronika yoto‑ke 1:8

Yeso kameya, mai ihi amosara mai manakone‑ya daaneya, yifo hirina‑nima yama kome na‑ya mai kayafaboneni. Deoso‑ya mai watora, Yeso Kirisito Ati Amosabote‑ya mai nofara, haa‑nima mai manakone tohaboneni.

Tito 3:9

Yama one tamine‑ya mai hiyara, mai ibi weena, mai‑ya tisawiriyahi. Yama ai watora tamine‑ya ai ibi weerihi, Mose‑ka yama hani tamine‑ya ai ibi weerihi, ai nahi. Yama one tamine‑ya ai ibi weeniya, ai ati‑ya mai one mita, Deoso ati‑ya mai nofaraba awineni.

Ebereo 10:27

Hini mai ihi‑ya mai kadika, mai habi siitoteni. Mai ihi‑ya Deoso kadikebona‑ya mai wata, Deoso‑ya mai ka‑kako mai‑nima mai na, mai‑ya Deoso wara hirini‑kaya mai‑ya weretowitibona‑ya mai wato na, fara mai habi siitoteni.

Ebereo 11:8

Abaraho‑ya Deoso hiyare, ati‑ya i‑di Abaraho nofe, “Abaraho, tabora bara‑ya tikahi. Tabora tiwa‑ya daa·onabone, yofi·okanaboneni.” Deoso ati nematane. Deoso ati‑ya Abaraho atibodi nofe, toke, “Deoso ati okadababoneni. Tabora iti oawara‑ya Deoso owa‑ya yofikanebona, owa‑ya daahinaboneni.” Abaraho atibodi ati nematane.

Ebereo 5:9

Deoso ati hinama‑ya tokadabi hawa tohe, ati ai tokadabeya, Deoso‑ka ai tohawaha, Deoso tabaro‑ya ai winamakeboneni.

Tiyako 3:14

Yama dai atibodi hikayaha‑ya mai one kayafa, mai‑ya dai atibodi kako, yama dai nokotonihe dai kayafabone, mai one dai tai na, haa‑nima dai atibodi na, dai tamine dai kahiyarariyahi. Dai‑ya dai kahiyara, keyehe‑ya dai hiriteni.

Tiyako 3:16

Yama‑ya mai one kayafa mai ihi mai‑ya dai atibodi kaka, dai one‑ya dai taina, dai ene amosara hinama toha, dai ibi kakaboneni dai nafi.

Bedoro daidi 3:1

Mai fanawi, owati dai mitahi. Dai faniya, dai‑ka yibote mai ati dai tokadabahi. Deoso ati‑ya dai‑ka yibote nofare, Deoso ati dai tokadaba, Deoso ati‑ya mai nofaba awineni. Dai ati ene toharaboneni. Dai ene amosa‑ya mai awa, Deoso ati‑ya mai nofawahaba awineni.

Bedoro daidi 4:17

Hibayata Deoso ati ai no‑nofa ai ene‑ya Deoso kadikeya, ai manakone‑ya daanebonane. Deoso ati‑ya mai nofara, mai ihi Deoso kadikeya, hini yamata‑ya mai kayafiboneti?

Yeso Kirisito ene‑bona 14:10

mai‑ya Deoso weeni kiteya, mai‑ya sarikanebonane. Deoso‑ka yo‑yose mai toha, Kaneiro Bidi toha ne, mai noki‑ya mai‑ya sarikanebonane. Yifo hirini yati hirini fama‑ya mai‑ya sarikanebonane.

Yeso Kirisito ene‑bona 16:19

Sidadi wamanamete wakakana ihi 3 kana tohawama, yodeo mai tohara mai‑ka sidadi dama‑ya mai‑ka yobe abawahane. Babironi kitamaro Deoso wee kanibote re, hibayata Babironi‑ya weeni kitawahane.