Homa 2:7 - Deoso-ka Yama Hani

⁷ Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 2:7 ပူးပေါင်းရင်းမြစ်များ

Mateo 25:46

Mai ihi amosara mai toka, mai kome fawateraboneni. Mai atibodi amosa mai abaterabone‑kaya mai tokaboneni.” Yeso ati nemarine.

Roka 21:19

Owa oni dai saatonakosi awiriya, ai abarabone‑kaya dai saweboneni.

Roka 8:15

Bodo‑ya yamata noki sona, Deoso ati‑ya mai mita, Deoso ati‑ya mai atibodi nofi kita, mai atibodi amosa, mai maakarani. Mai ihi amosani.

Yowaho 4:36

Yamata‑ya mai kakama, mai ihi amosa manakone wadateni. Mai ihi ai one abateraboneni. Yamata noki‑ya mai werena, yamata‑ya mai kakama, mai na, mai nafi ya‑yainaboneni.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Homa 2:10

Mai one ihi amosa, mai manakone amosa‑ya Deoso daanebonane. Hini tabaro amosabote‑ya mai‑ya nawiniya, mai‑ya kasomebona, mai‑ya kahiyarebona, mai atibodi mai‑ya ati somaboneni. Yodeo mai toha, Bara mai toha na, Deoso eyehe mai winiya, mai ya‑yainaboneni.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 15:42

Deoso ai‑ya nakitameya, ai bara tohawahaboneni. Ai aba, ai abano batateni. Ai kitamiya, ai abamarihi, ai batamarihi teboneni.

Korito daidi 15:50

Soho, dai okanawatabone, owati dai mitahi. Bofe‑ke abano ai weyeniya, neme‑ya ai tokaraboneni. Bofe‑ke abano fawaneya, neme‑ke abano ai weyeniya, neme‑ya ai tokaboneni. Neme‑ke Hidi Deoso tohe, yama ababone neme‑ya koboteraboneni. Ai abano neme‑ke abaterebonane.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Karatiya 6:9

Deoso ene mai ai kasoma, mai kasomi ai fawani awiriya, ai manakone wadaboneni. Ai‑ka yama amosabote‑bone‑ya Deoso daanebonane.

Efesiyo 6:24

Deoso‑ya ohiyara, “Abi Deoso, mai‑ya tikasoma, mai‑ya tiwakasomi fawateriyahi. Tika dao, i‑di Yeso Kirisito‑ya mai nofi nafe, mai tikasoma, mai abateraboneni.” Oteni. Feye amani.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti yoto‑ke 1:10

I‑di Yeso kame, ai manakone‑ya nanahabane. Yeso ai manakone‑ya nanahabe ene Deoso ai‑ya nofe‑ya ai watowahineni. Yeso abe, kitame ene Deoso tabaro hawine seekane. Yeso ati ai nofiya, ai abiya, ai atibodi abi awiraboneni. Deoso tabaro‑ya ai atibodi winawahaboneni.

Ebereo 2:7

Hibati‑ya bofe‑ya ai‑ka Ayo wineya, Deoso ene ai‑ka Ayo kiti bi‑bidi, amosi bi‑bidi noko wehene bi‑bidi nematane. Makobote Deoso‑ka yo‑yose mai kiti‑ya kiti fiyakana, mai amosi‑ya amosi fiyakana, mai noki wahi‑ya noko wehene fiyakana nane.’ Ai owa ati ne, ati‑ya kanahanomatane.

Ebereo 6:12

Dai refo tohariyahi. Deoso ati‑ya mai nofamete, Deoso mai‑ya kasomebona ati ne, Deoso‑ya mai nimanameteni. Mai ihi amosamete mai ihi‑nima dai ene niya, yama amosa‑ya Deoso dai‑ya daanebonane. Yama amosa dai kayafabone, dai ene amosahi.

Ebereo 6:15

Abaraho amoni dameya, Deoso ati‑mata‑nima bidi wadawahematane. Hibati‑ya Abaraho Deoso ati‑ya mite, “Oka dao‑bona‑ya Deoso daanebona ati ne, daahinebonane.” Abaraho atibodi ati ne. Deoso ati‑nima yama nabone‑ya Abaraho nimane, ati‑nima nawahematane.

Yowaho daidi 2:25

Deoso Bidi i‑di Kirisito ai‑ya sawi, ai abaterabone ati nane.