Homa 2:5 - Deoso-ka Yama Hani

⁵ Dai narabo hawira, dai‑ya dai kaminara, dai ene towe‑ya dai fawanira, dai manakone amosara tonafe. Makobote Deoso yaweya, mai ihi towe‑ya kadikeya, dai ene‑ya kadika neya, Deoso yawe ene dai awaboneni. Dai manakone amosara‑ya dai‑ya daatonameya, tosawari awirebonane.

Homa 2:5 ပူးပေါင်းရင်းမြစ်များ

Homa 1:18

Ai one mai tamine okanahanaboneni. Mai ihi amosarihi, Deoso ati miti‑ya mai nofarihi, mai ati ihi mai one Deoso ati‑ya mitarihi, Deoso ene‑ya mai awa, Deoso‑ya mai watorihi, mai na, mai ihi amosara. Neme‑ya mai ihi‑ya Deoso awe, Deoso yawe‑ya mai awawahaboneni.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 9:22

Fare‑nima Deoso ene ne, ai nafi‑ya wamanematane. Mai one ihi amosarabone‑ya watonemata, mai ihi amosawamabone mai‑ya nimane. Mai ihi amosawami awiriya, Deoso yawi kite‑ya mai awabone ati nematane. Deoso yawe‑ya mai awa, mai‑ya nanahabe, sibarane.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Tesaronika yoto‑ke 1:5

Yeso ati dai nofa dai‑ya mai bisinamaroni. Mai ihi ai awa, mai ihi‑ya Deoso kadikebona ai watoneni. Yeso ati dai nofasa neni. Yeso ati‑ya dai nofa, dai ene Deoso ya‑yainane. Makobote Deoso tabaro‑ya dai winawahaboneni.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Ebereo 3:15

Deoso ati dai mitamatasahi. “Hibayata owati dai mitiya, dai atibodi kitariyahi. Mose‑ya mai da‑daba, mai atibodi kitamaro, mai‑nima dai riyahi.” Deoso ati nematane.

Ebereo 4:7

Makobote amoni dameya, tamine Dafi hikanahanameteni. “Hibayata Deoso ati dai mita, dai narabo hawihi. Dai atibodi tokitariyahi.” Deoso‑ka yama hani ati nineni.

Tiyako 5:3

Dai‑ka oro, dai‑ka barata ne, fehoso‑nima hikaba, dai abi yanatoniya, dai‑ka yinero‑ka fehoso‑ya Deoso aweya, dai ene‑ya kadikebona, dai ene amosara dai‑ka yinero dai eme‑ya sarikanebonane. Dai ababone, yinero dai nokotonihe Deoso‑ya dai nokotonira.

Bedoro yoto‑ke 2:9

I‑di Ro‑ya Deoso kasomemata, Deoso ati ai no‑nofa ai‑ya kasomebona ai watoharitene. Sodoma‑ya mai wi‑wina mai ihi amosara, mai manakone amosara‑ya Deoso daanemata, hibayata mai ihi amosara mai manakone amosara‑ya daani watohari, makobote mai ihi‑ya kadikebonane.

Bedoro yoto‑ke 3:7

Hibayata Deoso ene yama tohasa na, makobote mai ihi amosara mai ihi‑ya Deoso kadikeya, neme, bofe na, nafi hirinaboneni. Deoso ati‑ya mai nofaramaro, mai‑ya nahatiwahebonane.

Yoda‑ka yama hani 1:6

Hibati‑ya Deoso‑ka yo‑yose neme‑ya mai wina, neme‑ya mai ati winamara, Deoso ati‑nima mai namara, hini mai ihi Deoso mai‑ya barikane, koheti‑ya mai‑ya sokikane, yama soki‑kaya mai‑ya barikawame, mai‑ka koheti‑ya Deoso sotatokanire. Makobote Yeso kamataseya, mai ihi‑ya kadikeya, mai‑ya sarikanebonane.

Yeso Kirisito ene‑bona 2:21

Yesabeo ati‑maro‑nima ati na, fara‑ya nima·onani, ati amosawamabonehe. Yama amosawami‑ya nofarani.

Yeso Kirisito ene‑bona 6:17

Fara mai weeni‑bone‑ka mahi kobonane. Ebeni‑ke kitabonati?