Homa 2:4 - Deoso-ka Yama Hani

⁴ Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Homa 2:4 ပူးပေါင်းရင်းမြစ်များ

Homa 10:12

Yodeo mai‑nima Bara mai na, mai‑ka hidi i‑di Yeso Kirisito tohe‑ya mai haana, fara hinama mai‑ya kasomi nafi tene.

Homa 11:22

Deoso ene ai one ya‑yai, ai one ohiteni. Orifera ede amose‑ya dai‑ya nawaane ene dai ya‑yainineni. Orifera amose ede‑ya Yodeo mai waanamaro, Deoso mai‑ya bakanakose, mai ya‑yainamara, mai ohinibisaboneni. Fara‑nima Yeso ati‑ya dai nofami awiriya, dai‑ya bakanakosamakibonane.

Homa 11:33

Ka! Yama nafi‑ya Deoso wato, ene nafi ai watorihi, ati nafi ai watorihi ne, yama ai wata‑ya Deoso‑ka yama wato fiyakani nafineni.

Homa 3:25

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 6:1

Dai one Deoso ati‑ya mai tokadabi nofara, eya mai ati na awineni. “Ai ene amosaramaro, ai‑ya Deoso ati somawame, hibayata ai ene towe ba‑basi niya, ai‑ya Deoso ati somawamatasebona, ai ene towe ba‑basi nahi.” Mai ati na awineni.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Korito yoto‑ke 8:2

Mai mai bisihina, Deoso ati‑ya mai nofasa na, mai ya‑yainineni. Mai‑ka yama bide toha, mai atibodi ya‑yaina, mai one yama‑ya kihara mai‑ka yama bide kote‑bone ba‑basi na‑ya mai daanani.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:4

Ai‑ya yawe, ai‑ya nofi nafinasa ne, ai‑ya kasomatene.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 3:16

Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Firibo 4:19

Neme‑ya Deoso‑ka yama tosiyotera, Yeso Kirisito ai‑ya sawi, ai‑ya yama daani‑ya nofe, ati ai nofe, ai‑ka yama‑bone‑ya daanebonane.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Timoti daidi 1:16

Ai manakone nafi‑ya Yeso nanahabemari, ati ai nofeya, ai ene sibaraboneni. Owa‑ya mai awiya, Deoso yawa kanibote reya, mai watowahaboneni. Yeso ati ai nofiya, ai winawahaboneni Deoso tabaro‑ya. Deoso yawa kanibote ne‑mana, owa‑ya nanahabe namatane.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Bedoro daidi 3:20

Hibati‑ya madi mai ihi amosara mai‑ya Deoso barikanematane. I‑di Nowe kanawa‑ya wamaneya, Deoso nimane. I‑di Nowe‑ka kanawa hawa tohiya, mai‑ya Deoso barikane. Makobote Yeso abe, mai‑ya hiyare, i‑di Nowe‑ka kanawa‑ka ai 8 kana mai hasina, mai one nafi abameteni, faha ihi. Mai 8 kana kanawa dori‑ya faha mese‑ya mai kawina, mai abarameteni.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Bedoro yoto‑ke 3:15

Mai one Yeso ati‑ya nofara, Deoso mai‑ya nofe, Yeso ati‑ya mai nofabone mai‑ya Deoso nimanane, mai abarabonehe. Ai‑ka soho i‑di Baoro ai nofi nafi, dai‑ka yama hani‑bone‑ya kanahano, Deoso ati‑ya kaminemarine. Baoro ati‑nima yama nineni. I‑di Baoro‑ya Deoso kanawato, dai‑ya Baoro Deoso ati‑ya kaminawahemarine.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yeso Kirisito ene‑bona 2:21

Yesabeo ati‑maro‑nima ati na, fara‑ya nima·onani, ati amosawamabonehe. Yama amosawami‑ya nofarani.

Yeso Kirisito ene‑bona 3:20

Owati dai mitahi. Nokobi‑ya dai‑ya haa·onani. Owati dai mitiya, nokobi dai seekaniya, yobe doro‑ya okomakeboneni. Ai tafa, ai ibi hiyara naboneni.