Homa 2:29 - Deoso-ka Yama Hani

²⁹ Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 2:29 ပူးပေါင်းရင်းမြစ်များ

Roka 11:39

Yeso ati yanane, “Fariseo dai toha, keneko mese dai sorona, mai noki‑ya dai ene amosa, hiniya dai atibodi towebisa amani. Yama dai bote, dai ene towe damateni.

Roka 17:21

‘A‑ahi‑ya tohane.’ Mai ati rihi. ‘Aka‑ya tohane.’ Mai ati rihi naboneni. Deoso ai nafi‑ka hidi kitabote tohawahebona dai‑ya sawi hawa tohane.” Yeso ati nematane.

Yowaho 12:43

Ai one ati‑ya mai nofi ba‑basi na, Deoso ati‑ya mai nofi bi‑bidi neni.

Yowaho 4:23

Deoso ai nofiya, Deoso‑ya ai atibodi kahiyariya, Deoso ya‑yaitene. Fara dai watowahaboneni.

Yowaho 5:44

Hini dai hinama dai ibi kahiyarabisa, Deoso dai‑ya kahiyarebona‑ya dai nokotonirani. Fara ihi owati dai nofarani.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 2:27

Bara mai sowiri tati atori abara Deoso ati‑ya mai tokadababisa, dai ene‑ya mai awiya, dai‑ya mai kasawariya, “Ka! Yodeo dai toha, Deoso‑ka yama hani dai kayafa, Deoso ati dai tokadabamone dai ati na, dai ene amosara, Deoso dai manakone‑ya daanebonane.” Mai ati teboneni.

Homa 3:1

“Baoro, hini yamata ihi oda sowiri tati ataro‑ya mai wisinakositi? Yodeo ai toha hini yamata ai kayafa titi?” Dai ati na awineni.

Homa 7:6

Hibati‑ya Mose ati ai‑ka hidi tohemari, hibayata Yeso ati ai nofawaha, hibati‑ka ai abawaha, hibayata Deoso ai‑ka hidi tohawahe, ai atibodi yati‑ya Deoso‑ka Doni sawiwahene, ai‑ya kasomebonaha.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito daidi 7:19

Hibayata ai sowiri tati ataro wisina‑ya Deoso nokotoni awire, hini ati‑nima ai niya, ya‑yainebonane.

Korito yoto‑ke 10:18

“Amosabote oda amani.” Mai ati na, mai ati amosa awineni. “Mai ihi amosini.” Deoso ati neya, mai ihi amosateni.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Firibo 3:3

Deoso ai atibodi‑ya namose ene Deoso‑ka ai tohateni. Ai abano wisina ene tohaterani. Deoso‑ka Doni ai‑ya sawi, Deoso‑ya ai kahiyara, Yeso Kirisito ene ai ene amosawamateni. Mai sowiri tati ataro wisina ihi mai‑ya mai kahiyara, ai ataro ene ai‑ya ai kahiyaraterani.

Tesaronika daidi 2:4

Deoso oda kadikemari, Yeso Ati Amosabote oda kaminabonehe. Yeso ati ohari‑ta oda kamina, Deoso ya‑yainebonaha. Oda ati‑ya mai one nofara, sibarineni. Ai atibodi ati ai ene na‑ya Deoso kadikatene.

Bedoro daidi 3:4

Dai amosi yokana tohabone, dai atibodi amosahi. Dai mese‑ka ato bote tohawahiya, amosi fawateni. Mai dai kasoma, dai ati soma na, dai atibodi‑ya Deoso awe, dai manakone nafimone ati tene. Dai atibodi amosi fawateraboneni.