Homa 2:27 - Deoso-ka Yama Hani

²⁷ Bara mai sowiri tati atori abara Deoso ati‑ya mai tokadababisa, dai ene‑ya mai awiya, dai‑ya mai kasawariya, “Ka! Yodeo dai toha, Deoso‑ka yama hani dai kayafa, Deoso ati dai tokadabamone dai ati na, dai ene amosara, Deoso dai manakone‑ya daanebonane.” Mai ati teboneni.

Homa 2:27 ပူးပေါင်းရင်းမြစ်များ

Mateo 3:15

“Sibaraboneni. Owa habatinirisiya, Deoso ati‑nima ai teni.” Yeso ati nematane. Ati ene Yowaho habahinirisematane.

Yeso‑ka yo‑yose mai tamine 13:22

I‑di Saoro‑ya Deoso nofamare, i‑di Dafi mai‑ka hidi webote tohawahebonane. ‘Dafi onofabisa, i‑di Yese bidi ene ya‑yai·ona, hini owati‑nima nebonane.’ Deoso ati nematane.

Homa 13:10

Mai dai nofa, mai atibodi dai nakomarabone, Deoso atibodi yama kobohina‑nima dai ene naboneni.

Homa 2:15

Hibati‑ya mai atibodi‑ya Deoso hini ati‑ya kanahanomatane, ati mai hikadabebonaha. Mai atibodi ati‑ya mai tokadabiya, mai ya‑yainaboneni. Mai atibodi ati‑ya mai tokadabariya, mai atibodi hini mai‑ya weenaboneni.

Homa 2:20

“Deoso ati nafi‑ya oda watoneni.” Dai ati na, “Yama‑ya mai watora, madehe‑nima mai na, mai oda kanawataboneni.” Dai ati teni.

Homa 2:25

Deoso‑ka dai tohabone, dai sowiri tati ataro‑ya mai wisinakosamaro. Deoso ati dai tokadaba‑mani, Deoso dai‑ya kasome nane. Deoso ati dai tokadabara, Deoso‑ka dai tohi awira. Mai sowiri tati atori abara mai‑nima dai nawahani.

Homa 2:26

Bara mai sowiri tati atori abara, Deoso ati‑ya mai tokadababisa‑mani, Deoso‑ka mai toha neni.

Homa 2:29

Yodeo yokana ai tohabone, ai sowiri tati ataro wisina ene tohaterani. Deoso‑ka Doni ai atibodi‑ya sawi, ai atibodi‑ya namose ene Deoso‑ka ai toha, Yodeo yokana ai toha teni. Ai atibodi‑ya mai one awara, Deoso‑ta ai atibodi‑ya awe, ai atibodi amosa ene Deoso ya‑yaitene.

Homa 3:30

Deoso ohari‑ta tohe, Yeso ati‑ya Yodeo mai nofa, mai‑ya Deoso ati somawama, Yeso ati‑ya Bara mai nofa, mai‑ya ati somawamahari tene.

Homa 8:4

Deoso ati‑nima ai nawahabone, Deoso‑ka Doni ai‑ya sawi, ai‑ya kasome, Deoso ati ai tokadababone, ai ene towe tohamaraboneni.

Korito daidi 7:19

Hibayata ai sowiri tati ataro wisina‑ya Deoso nokotoni awire, hini ati‑nima ai niya, ya‑yainebonane.

Korito yoto‑ke 3:6

Deoso ati‑ya i‑di Mose kanahanomata, ati nafi ai tokadabara, ai manakone wadateni. Ai manakone abara‑mani, ai aba neni. Deoso oda‑ya yose, ai manakone‑ya Yeso nanahabe tamine dai‑ya oda kaminaboneni. Ati ai nofe, ai manakone wadamarabone, Deoso‑ka Doni ai‑ya sawi, Deoso‑ka Doni ene Deoso‑ka ai toha ai wata, Deoso tabaro‑ya ai winaboneni.

Karatiya 5:14

Hini dai‑ya dai nofi‑nima mai‑ya dai nofiyahi. Haa‑nima dai niya, yama sibaraboneni. Fara‑nima i‑di Mose ati nane.

Efesiyo 2:11

Bara dai tohamaro, yama‑ya dai atibodi kadamowamariyahi. Hibati‑ya dai sowiri tati ataro‑ya mai wisinakosara, dai‑ya Yodeo mai nofaramaroni. Yodeo mai sowiri tati atori mai wisihinakosa, Deoso‑ka mai tohabone mai ati teni. Mai sowiri tati atori abara, towe mai‑mone Yodeo mai ati namaroni.

Timoti yoto‑ke 3:15

Madehe tiha, tiwa‑ya mai kanawatamaroni, Deoso‑ka yama hani‑ya. Deoso‑ka yama hani tinofa, Yeso ati tinofa tiniya, Deoso tabaro‑ya tiwinawahaboneni.

Ebereo 11:3

Hibati‑ya yama nafi‑ya Deoso wamanemata oda awara, Deoso ati oda mite, ati oda nofe, oda atibodi yama‑ya watowaha, “Deoso yama nafi‑ya wamane, yama ai awi awiriya, yama nafi‑ya wamanematane.” Ai atibodi ati teni.