Homa 2:20 - Deoso-ka Yama Hani

²⁰ “Deoso ati nafi‑ya oda watoneni.” Dai ati na, “Yama‑ya mai watora, madehe‑nima mai na, mai oda kanawataboneni.” Dai ati teni.

Homa 2:20 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Homa 2:19

Deoso ati‑ya dai watamone, yama‑ya mai watora mai‑ya dai kanawatabone dai ati nineni. Yama wahi‑nima dai namone, Deoso hawine‑ya mai awara, mai‑ya dai kanawatoya, Deoso hawine‑ya mai awawahabone dai ati nineni.

Homa 3:31

“Yeso Kirisito ati ai nofiya, Deoso ai‑ya ati somawameya, Mose ati fawanebonane.” Dai ati na awineni. Mose ati fawani awirebonane. Deoso ati Mose hikanahanomata, ati‑nima yama nabone ai watoneni.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito daidi 3:1

Soho, ai hawa toha‑nima dai ra, madehe borehe‑nima dai na, Deoso ati dai wato nafirani.

Timoti yoto‑ke 1:13

Tiwa okanawato‑nima mai tikanawatohi. Deoso ati‑nima owati toha, fara owati‑nima tinahi. Mai tihiyariya, mai tinofiyahi. Yeso Kirisito ati ai nofa nafiyahi.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Tito 1:16

“Deoso ati oda nofini.” Mai ati na, Deoso ati‑nima mai ni awira, mai ihi towe hinama yama amosa‑ya mai watoteraboneni. Mai atibodi towe, mai ihi amosaterani.

Ebereo 5:13

Yoha fahi‑ta dai fawa, madehe‑nima dai na, dai ene amosa ba‑basi ni awisarani.

Tiyako 3:1

Oka soho dai toha, owati dai mitahi. Dai ene amosara mai‑ya dai kanawatoriyahi. Mai‑ya oda ka‑kanawato oda ene‑ya Deoso kakatomi ba‑basi ne. Oda ene amosara, oda‑ya weeni ba‑basi nebonane.

Bedoro daidi 2:2

Madehe borehe madi yohari fahi‑ya mai nokotoniteni, mai yanabonehe. Fara‑nima ai‑ka Abi i‑di Deoso ati ai nokotonihe, ai ene amosawama, neme‑ya ai winawahaboneni.