Homa 2:17 - Deoso-ka Yama Hani

¹⁷ Yodeo dai toha, Deoso dai‑ya hiyaremata, Deoso ati i‑di Mose dai‑ya daanemata ene Deoso‑ka dai tohamone, dai‑ya yawamaterebona dai ati na awineni.

Homa 2:17 ပူးပေါင်းရင်းမြစ်များ

Mateo 3:9

‘Abaraho‑ka nodi oda amani. Deoso oda‑ya sarikiterebonane.’ Dai ati riyahi. Owati dai mitahi. Abaraho‑ka nodi mai one‑bone‑ya Deoso ati wamane‑mana, yati‑ya mai‑ya wamane nane.

Roka 10:28

“Fara amani. Tiwati‑nima tiniya, ai abaterabone‑kaya tisaweboneni.” Yeso ati nematane.

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yowaho 5:45

Okobi‑ya dai‑ya okahabanaraboneni. Mose‑ka yama hani dai‑ya kasomabone dai ati na, Mose‑ka yama hani ati dai tokadabara, Mose‑ka yama hani dai‑ya kahabanabisaboneni.

Yowaho 7:19

Deoso‑ka yama hani‑ya i‑di Mose kanahanomata ati‑nima dai ene ra, hiniya owa‑ya dai ati nanahabineni.” Yeso ati nemarine.

Yowaho 8:33

Mai ati yanana, “Abaraho‑ka nodi oda amani. Oda‑ya mai kanikaterani. Hini yamata‑nima yama na oda‑ya seekibati?” Mai ati namaroni.

Yowaho 8:41

Dai‑ka idi yokana ene‑nima dai ene nibisineni.” Yeso ati nemarine. “Oda‑ka ami maki mai one‑ya mai siwakiterani. I‑di Abaraho‑ka nodi yokana oda amani. Oda‑ka Abi yokana Deoso amane.” Mai ati namaroni.

Homa 2:23

“Mose ati oda watoneni.” Dai ati na, ati dai tokadabare, dai ene Deoso‑ya mai one hahakanineni.

Homa 3:27

“Owa ene amosa, owa ene Deoso ati somawamane.” Dai ati riyahi. Dai ene Deoso ati somawami awirane. Dai‑ya dai kahiyarariyahi. “Mose ati okadaba, Mose ati ene Deoso owa‑ya ati somawamane.” Dai ati riyahi. Mose ati ene tohi awire. Yeso ati‑ta ai nofa, Deoso ati somawamabisatene.

Homa 9:32

Isara·eo‑ka mai‑ya Deoso nofe, Yeso abe, mai manakone‑ya nanahabane. Yeso ati‑ya mai nofa‑mani, mai manakone wadara neni. Ati mai hinofare, “Hini oda ene Deoso tabaro‑ya oda kobonibisaboneni.” Isara·eo‑ka mai atibodi ati na, “Owa tabaro‑ya dai kobonabone Yeso ati dai nofamatahi.” Deoso ati ne. Deoso‑ka yati‑nima‑ya mai taratokana, Deoso tabaro‑ya mai koboraboneni.

Korito yoto‑ke 11:22

Ebereo mai toha, fara ebereo ama·oni. Isara·eo‑ka nodi mai toha, fara Isara·eo‑ka nodi ama·oni. Abaraho‑ka nodi mai toha, fara Abaraho‑ka nodi ama·oni.

Karatiya 2:15

Ai wada, Yodeo ai toha, Bara ai tohi awirani, yama ai watoneni.

Efesiyo 2:11

Bara dai tohamaro, yama‑ya dai atibodi kadamowamariyahi. Hibati‑ya dai sowiri tati ataro‑ya mai wisinakosara, dai‑ya Yodeo mai nofaramaroni. Yodeo mai sowiri tati atori mai wisihinakosa, Deoso‑ka mai tohabone mai ati teni. Mai sowiri tati atori abara, towe mai‑mone Yodeo mai ati namaroni.

Yeso Kirisito ene‑bona 2:9

Dai ene nafi owatoneni. Deoso‑ya mai nofara, dai‑ya mai weenineni. Dai‑ka yinero nafire, neme‑ya dai‑ka yama dama tohabisineni. ‘Deoso‑ka dai tohi awirini. Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani.

Yeso Kirisito ene‑bona 3:1

“Yama hani tikanahanohi. Deoso‑ya mai hi‑hiyara‑ke yobe Sadisi‑ya wai, yobe hidi‑ya daatinahi. Deoso‑ka doni mai 7 kana owa‑ya mai sawi, fara amowa mai 7 kana mai dama·okana, fara owati amani. Dai ene nafi owatoneni. ‘Deoso‑ka hawi‑ya dai sawi amosa, dai tosawari awirini.’ Mai one ati na, dai atibodi‑ya mai watora, dai‑ta dai tosawaribisineni.

Yeso Kirisito ene‑bona 3:9

‘Deoso bidi oda amani.’ Yodeo mai one ati na, keyehe‑ya mai hirineni. Satanasi‑ka mai amani. Owati dai mitahi. Dai yowi‑ya mai yobati‑kaya mai waakeboneni, dai‑ya mai kahiyarabonehe. ‘Deoso dai‑ya nofane.’ Mai ati naboneni.