Homa 2:12 - Deoso-ka Yama Hani

¹² Mose ati‑ya Bara mai watora, mai ihi amosara, mai ihi‑ya Deoso kadikeya, hini mai ihi‑nima mai manakone na, Deoso tabaro‑ya mai winateraboneni. Mai‑ya Deoso yawi fawaterebonane. I‑di Mose ati‑ya Yodeo mai watobisa, Mose ati‑ya mai tokadabara, mai ihi amosara mai manakone‑ya Deoso daaneya, Deoso tabaro‑ya mai winateraboneni. Mai‑ya Deoso yawi fawaterebonane.

Homa 2:12 ပူးပေါင်းရင်းမြစ်များ

Mateo 11:22

Owati dai mitahi. Hibati‑ya Tiro‑ya mai wi‑wina‑mete, Sidoho‑ya mai wi‑wina‑mete, mai na, ai nafi ene‑ya Deoso kadikeya, mai‑ya weenamataseya, mai‑ya weeni bi‑bidi nebona, dai‑ya weeni kitabisebonane.

Mateo 11:24

Ai nafi ene‑ya Deoso kadikeya, dai‑ya weeni kitebonane. Ai nafi ene‑ya Deoso kadikeya, hibati‑ya Sodoma‑ya mai wi‑wina‑mete mai‑ya weenamataseya, mai‑ya weeni bi‑bidi nebona, dai‑ya weeni kitabisebonane.” Yeso ati nemarine. Dai maa toha owa‑kaya dai kamiyahi

Yowaho 19:11

“Deoso ati ene tohare‑mana, tiwati kitara neni. Tiwa ene towe bi‑bidi neni. Tiwa‑ya owa‑ya mai daana mai ihi towe nafibisineni.” Yeso ati nemarine.

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Homa 1:32

Mai ihi amosara‑ya mai nokotonihe, hini mai ihi‑ya mai saatonakosara. Deoso mai hinahababone, hini mai‑ya mai watobisa, mai korikasara, mai ihi‑nima mai one ihi namakitasa, mai ya‑yainibisineni.

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Korito daidi 9:21

Mose ati‑ya mai tokadabara mai‑ya osawe, mai‑nima onihi, Deoso ati‑ya mai nofawahabonehe. Deoso ati‑nima onasa onihi, Yeso Kirisito ati‑nima onasa onihi, oteni.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Tiyako 2:10

Deoso ati ba‑basi ne‑ya dai tokadaba, ati ohari dai tokadabare, dai ene towe tohasa nineni.