Homa 16:7 - Deoso-ka Yama Hani

⁷ I‑di Anidironiko, fadi i‑di Yoniya‑ya fame, mai dai hiyarahi, oka mai amani. Owa eyehe kadeya‑ya mai foyamaroni. Yeso ati‑ya mai nofi baha, ati onofamakimarine. Yeso‑ka yo‑yose mai mai hinofa hineni.

Homa 16:7 ပူးပေါင်းရင်းမြစ်များ

Yowaho 14:20

Okobi oda famini, oka dai toha ai ohariwamabone, fara okitamiya dai wataboneni.

Yowaho 15:2

Ofa mate‑ya mohi yanamake, bonora‑ya Deoso tiinakose, ini yaba kote‑ya Deoso tiinakosaharitene, ofa boni damawahabonehe.

Yowaho 6:56

Owa eme‑ya mai kaba, owa emene‑ya mai fawa na, oka mai toha, mai‑ya osawiteboneni.

Homa 16:10

I‑di Aberesi ene‑ya Kirisito nofe, Aberesi‑ya dai hiyara, i‑di Arisitaboro‑ka mai dai hiyara, dai nahi.

Homa 16:11

Oka owa i‑di Erodiaho dai hiyara, Narasiso‑ka mai one Yeso ati‑ya mai no‑nofa mai dai hiyara, dai nahi.

Homa 16:21

I‑di Timoti oda fama Yeso Kirisito‑ka yama oda anina, dai tamine‑ya i‑di Timoti hiyara, i‑di Rosiyo, i‑di Yasoho, i‑di Sosibataro mai na, oka mai toha, dai tamine‑ya mai hiyarateni. Dai‑ya mai nofineni.

Homa 16:3

I‑di Birisira, maki i‑di Akira‑ya fama Yeso Kirisito‑ka yama oda anina mai dai hiyarahi.

Homa 16:6

Mariya dai‑ya kasomi na‑nafi dai hiyarahi.

Homa 16:8

I‑di Abiriato onofi nafi, dai hiyarahi. Ai‑ka hidi i‑di Yeso Kirisito‑ya i‑di Abiriato nofane.

Homa 16:9

I‑di Oribano Yeso Kirisito‑ka yama‑ya anine, dai hiyara, i‑di Esitaki onofe, dai hiyara dai nahi.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:11

Deoso‑ka Doni dai atibodi yati‑ya sawi, Yeso Kirisito‑ya Deoso nakitamemata, fare dai‑ya nakitamaharibonane. Deoso‑ka Doni dai‑ya sawi ene dai abano kitamaboneni.

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Korito yoto‑ke 12:2

Hibati‑ya faha fowe 14 tohi‑ya Kirisito ene neme‑ya maki tokemari owato, korimari toha, abano toha ne awane. Yama owatora, Deoso‑ta hiwatobisane.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 1:22

Yodeya‑kaya i‑di Bedoro‑ka yobe waari, owa nowati‑ya Yodeya‑kaya Yeso Kirisito ati‑ya mai no‑nofa mai one mai yorotokana, mai ibi hiyara, “I‑di Baoro oda awi awisarani.” Mai ati nineni.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 2:6

Yerosare‑ya mai wi‑wina Yeso ati‑ya mai no‑nofa mai‑ka webote owa‑ya mai weeni awirani. Owati‑nima mai ati namaroni. Ai‑ka webote mai‑mone mai ati na, hini ai owa mai amani. Deoso‑ka ai nafi toha, Deoso ai‑ya nofi nafitene.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Karatiya 6:15

Yeso Kirisito ati ai tokadaba, ai sowiri tati ataro aba, sibarihi, ai sowiri tati ataro abara, sibarihi nineni. Ai atibodi yati tohawaha‑ya Deoso nofabisane.

Efesiyo 2:10

Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.

Koroso 4:10

I‑di Aritako oda fama kadeya‑ya oda‑ya mai nawaamaro, oda yoronasa neni. Dai‑ya Aritako ati foyene, Banabe‑ka naki i‑di Maroko dai‑ya ati foyaharine. I‑di Maroko tamine hibati‑ya okanahanomari, dai tabaro‑ya tokeya, dai ya‑yainahi. Dai ene i‑di Maroko ya‑yainaharibonane.

Firimo 1:23

Yeso Kirisito ati‑ya Ebafarasi kamine ene kadeya‑ya foyahari, dai‑ya ati foyahari nane.

Yowaho daidi 4:13

Deoso ene hika Doni ai atibodi‑ya sawi ene Deoso‑ka ai toha ai watone.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.