Homa 16:25 - Deoso-ka Yama Hani

²⁵ Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Homa 16:25 ပူးပေါင်းရင်းမြစ်များ

Mateo 13:17

Owati amosa dai mitahi. Hibati‑ya Deoso ati‑ya mai mi‑mita‑mete mai toha, Deoso ati‑ya mai no‑nofa‑mete mai toha, mai na, owa‑ya mai awabone mai ati namete, owa‑ya mai awi awirameteni. Owati‑ya mai mitabone mai ati namete, owati‑ya mai miti awirameteni.

Mateo 13:35

Hibati‑ya Deoso ati‑ya mi‑mita‑mata i‑di Yeso tamine‑ya kanahanomata, “Hiyara bara‑ya mai‑ya hiyarebona, hibati‑ya yama‑ya mai watora yama tamine‑ya mai‑ya kanawatobonane.” Deoso‑ka yama hani ati nineni.

Mateo 20:7

‘Oda‑ya mai yose awirani.’ Mai ati na, mai‑ya yose, ‘Oka ofa dai batanahi.’ Ati nane.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 14:4

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.

Homa 16:24

Ai‑ka Ayo i‑di Yeso Kirisito dai‑ya sawi, dai‑ya kasomaho.

Homa 2:16

Ai ene ai kema‑ya ai one watoterani. Deoso‑ta ai ene‑ya watotene. Ai atibodi ati ai one himitara‑ya Deoso mitatene. Makobote yama ai kemamaro‑ya Deoso kadika, ai atibodi ati‑ya kadika nebonane. Deoso ene Yeso Kirisito ai ene‑ya kadikebona tamine okaminateni.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Korito daidi 2:7

Hibati‑ya Deoso ati‑ya mai mitaramete, ati ohiyarawahene. Ai‑ka idi‑bona‑ya Deoso wamani awisareya, hini‑ya hiyare, “Oka dao oyoseboneni. Oka dao oyose, ati‑ya mai nofiya, owa tabaro‑ya mai winawahaboneni.” Deoso ati nematane.

Korito daidi 4:1

Owa, i‑di Aboro, i‑di Bedoro oda na, oda tamine dai kadika, haa‑nima dai atibodi ati nibisahi. “Yeso Kirisito‑ka yo‑yose i‑di Baoro, i‑di Aboro, i‑di Bedoro mai toha, Deoso ati ene Yeso ati‑ya mai hiyarateni. Deoso tamine ai mitaremata, tamine mai himitawahe, tamine‑ya ai‑ya mai kaminateni.” Dai atibodi ati nahi.

Korito yoto‑ke 4:3

Deoso ati‑ya mai nofa oda ati‑ya mai mita, oda ati‑ya mai watoneni. Deoso ati‑ya mai nofara oda ati‑ya mai mita, mai atibodi barikana oda ati‑ya mai watora, mai abiya, madi mai‑ya mai dabawahaboneni.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Efesiyo 1:9

Hibati‑ya Deoso atibodi yama kobohina‑ya mai watoramete, Kirisito ene Deoso ai‑ya kanawatowahe, yama Deoso hinofa ai watowahineni.

Efesiyo 3:11

Yama nafi‑ya wamani awireya, Yeso‑ka ai tohabone, ai tamine nafi‑ya Deoso wato, ai‑ka Hidi Yeso Kirisito tohebona‑ya wato, ai hinama tohabone, ai tamine‑ya wato nematane.

Efesiyo 3:9

Hibati‑ya yama‑ya mai watoramete, owati ihi yama‑ya ai nafi watowahaboneni. Yama nafi‑ya Deoso wamanemata, ai hinama tohabone tamine‑ya mai‑ya kamini awiremata, fara tamine‑ya ai nafi watowahaboneni.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Koroso 2:2

Dai atibodi ya‑yainabone, dai ibi nofi nafi nabone, Deoso‑ka yama nafi dai watabone, Kirisito tamine mai hiwatoremari dai watowahebonane.

Koroso 4:3

Deoso‑ya dai hiyariya, oda tamine dai hiyara, “Abi Deoso, Baoro mai tikasomahi, tiwati‑ya mai kaminabonehe, mai dami‑ya. Yeso Kirisito tamine‑ya mai kaminabone, mai tikasomahi.” Dai ati nahi. Yeso Kirisito tamine ohiyaranadi ene kadeya‑ya owa‑ya mai nawaani.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika yoto‑ke 2:14

Hibati‑ya Deoso Ati Amosabote dai‑ya oda kamina, oda ati‑ya dai nofamaro, makobote ai‑ka Ayo i‑di Yeso Kirisito tabaro amosabote‑ya ai winawahaboneni.

Tesaronika yoto‑ke 3:3

Ai‑ka Ayo i‑di Yeso kitabote tohe, ati‑nima yama naboneni. Yeso dai‑ya nawadebonane, Satanasi ati dai nofarabonehe.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:8

Yeso Kirisito i‑di Dafi‑ka nodi tohe, abe, Deoso hinakitamemari tamine ohiyaratene, Deoso Ati Amosabote amane. Ati tiwatibodi hikadikayaho.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yeso Kirisito ene‑bona 10:7

‘Deoso‑ka yo‑yose owa torobeta faina‑ya afoni yanatoneya, yama hawa tohaboneni. Hibati‑ya Deoso‑ya mai na‑narifa, fara Deoso ati‑ya mai mi‑mita mai toha, mai‑ya Deoso hiyaremarine. Deoso ati owa‑ya mai watoramaro, fara yama hawa tohaboneni.’” Yehe kanika‑ya daatomise ati nene.