Homa 16:17 - Deoso-ka Yama Hani

¹⁷ Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Homa 16:17 ပူးပေါင်းရင်းမြစ်များ

Mateo 18:17

Dai ati‑ya nofare, Deoso‑ka dai toha dai yorotokaniya, mai‑ya dai hiyarahi. Makobote, dai dama dai ati yananahi. Dai nafi ati‑ya nofareya, dai owa tohamare‑nima nebonane.

Mateo 18:7

Ka! Bofe‑ya mai wi‑wina mai one ati ihi owati‑ya mai one tokadabara, mai ihi manakone wadani.

Mateo 7:15

“Dai noko wadahi. ‘Deoso ati‑ya mi‑mita oda amani.’ Mai one ati naboneni. Deoso ati‑mona mai ati na, keyehe‑ya mai hirina, Satanasi ati‑ya mai kaminabisateni.

Roka 17:1

Yeso hika mai da‑daba mai‑ya hiyare, “Mai one ati ihi owati‑ya mai one tokadabaraboneni. Ka! Hini mai ihi tohiya, mai manakone wadaboneni.

Yeso‑ka yo‑yose mai tamine 15:24

Oda tabaro‑ya mai sa‑sawi dai tabaro‑ya mai toka, keyehe‑ya mai hirina, mai ati ihi dai atibodi komamoneni. Mai oda yose awiraroni.

Korito daidi 11:18

Dai yorotokana, fara hinama dai tohabone Deoso ati ne. Dai‑ya dai ebenawahamone mai ati na, mai ati omitani.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Karatiya 2:4

Makobote Yodeo mai one mai kobona, Yeso‑ka mai toha‑mone mai ati na, Yeso‑ka mai tohi awiramaroni. I‑di Tito tamine‑ya mai mita, mai ati yawawahamaroni. Oda ati‑ya mai kamita, oda‑ya mai kakatomamaroni. Oda‑ya mai ati barinabone, oda‑ya mai hiyaramaroni. “I‑di Tito sowiri tati ataro abaho. Yeso‑ka ai tohabone, ai sowiri tati ataro abateboneni. I‑di Mose ati‑nima dai ni awiriya, Deoso‑ka dai tohateraboneni.” Mai ati namaroni. Ai yaditona‑nima ai‑ya mai nihebone mai ati amani. Keyehe‑ya ai‑ya mai hirikanaro, Yeso ati‑ya mai nofarani.

Firibo 3:17

Oka soho dai toha, owa ene‑nima dai ene nahi. Owa ene‑nima mai ihi na dai kakatoma, mai ihi‑nima dai ene naboneni.

Koroso 2:8

Dai noko wadahi, dai‑ya keyehe‑ya mai hirikarabonehe. Keyehe‑ya mai hi‑hiri mai ati dai nofa‑mani, dai yaditona‑nima dai na neni. Keyehe‑ya mai hirina, Deoso ati‑mona mai ati na, hini mai ati toha awineni, madi mai ati toha awineni. Yeso Kirisito ene tohi awire, hini mai ihi keyehe‑ya mai hirinineni.

Tesaronika yoto‑ke 3:6

Oka soho dai toha, owati dai mitamakihi. Yeso ati‑ya mai nofa‑mone mai ati na, Yeso ati‑ya mai tokadabara, refo ihi yama‑ya mai anira, mai‑ya dai dabariyahi. Ai‑ka Ayo i‑di Yeso Kirisito ati nemarine.

Timoti daidi 1:3

Masedoni‑kaya okabone, tiwa ohiyara, “Efesiyo‑ya tiwina, mai tikanawatoyahi, Yeso ati‑ya mai nofabonehe. Mai ati bara‑ya mai‑ya mai kanawata, mai‑ya tiwati barinahi.” Onamaroni. Owati‑maro‑nima tinahi.

Timoti yoto‑ke 3:5

“Deoso‑ka ama·oni.” Mai ati na, Mai ihi amosawamara. Timoti, mai‑ya tisawiriyahi.

Tito 3:10

Mai ihi amosara, mai ati ihi mai ibi nofara, mai‑ya weetinahi. Mai‑ya tihiyari famiya, tiwati‑ya mai nofariya, mai‑ya didabamariyahi.

Yowaho daidi 2:19

Mai one Yeso‑ka mai‑mone mai ati na, Yeso‑ka mai tohaterani. Oda‑ya mai sawemaro, oda‑ya mai sawimi awira, Yeso‑ka mai toha‑mani, oda‑ya mai sawe neni. Yeso‑ka mai‑ya mai sawira, Yeso‑ka mai tohara, mai‑ya mai dami watowahaboneni.

Yoda‑ka yama hani 1:19

Deoso ati‑ya mai nofara, Deoso‑ka Doni mai‑ya sawire, mai ihi Deoso‑ka ai toha, ai‑ya mai ebekanaboneni, ai ibi dabamarabonehe.