Homa 16:13 - Deoso-ka Yama Hani

¹³ I‑di Hofo, madi‑ya fame, mai dai hiyarahi. I‑di Hofo‑ya Deoso kayafematane. Okomi‑nima i‑di Hofo madi na, owa‑ya kasomamaroni.

Homa 16:13 ပူးပေါင်းရင်းမြစ်များ

Mateo 20:16

Bofe‑ya mai yota Deoso tabaro‑ya mai dai tohaba awineni. Bofe‑ka mai dai toha Deoso tabaro‑ya mai yotaba awineni.” Yeso ati nemarine.

Maroko 15:21

Simaho Sireni‑ke kabani‑kaya yanane, kame, mai‑ya kobonemarine. I‑di Aresadiri i‑di Hofo mai fama mai‑ka abi i‑di Simaho amane. Simaho‑ya sodado mai awa, Simaho‑ya mai haanamaroni, Yeso ewene‑bona‑ya diwanebonaha.

Maroko 3:35

Deoso ati‑nima mai niya, okomi mai toha, oka soho mai toha, oka asima mai toha, mai nineni.” Yeso ati nemarine.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 19:27

Owa‑ya hiyare, “Tika ami amani, haro.” Ati nemarine. Oka yobe‑ya Yeso madi sawiwahamaroni.

Homa 16:12

Ai‑ka Ayo i‑di Yeso‑ka yama‑ya mai anina, i‑di Tirifena, hika kasima i‑di Tirifosa‑ya fama i‑di Bereside ohari na, ai‑ka Ayo‑ka yama‑ya mai anini kita, fara mai onofa, mai dai hiyara, dai nahi.

Homa 16:14

I‑di Asinikirito, i‑di Ferekonite, i‑di Eremesi, i‑di Batiroba, i‑di Eremasi, mai na, mai onofa, mai‑ya owa tamine dai hiyara, mai‑ya mai sawe, Yeso‑ka mai toha, mai‑ya dai hiyarahari, dai nahi.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Tesaronika yoto‑ke 2:13

Dai tamine oda hiyarateni, Deoso‑ya. Dai ene oda ya‑yaineni. Deoso dai‑ya nofe, dai‑ya kadike, yama‑ya wamani awisareya, dai‑ya kadikematane. Deoso tabaro‑ya dai winawahaboneni. Yeso ati dai no‑nofa, Deoso‑ka Doni dai‑ya sawi, dai ene namosebonaha.

Timoti daidi 5:2

Ami tihiyari‑nima mai fanawi bote tihiyarahi. Asima tihiyari‑nima atona mai tihiyarahi. Mai nokotiniriyahi.

Yowaho yoto‑ke 1:1

Yowaho bote ama·oni. Deoso‑ka mai‑ya ka‑kasoma ama·oni. Fana, owati tikadikiyahi. Hibati‑ya Deoso tiwa‑ya kadikemarine, Yeso ati‑ya tinofabonehe. Tiwa onofa, tika dao, tikoto mai na mai onofa, Deoso ati‑ya mai no‑nofa tiwa‑ya mai nofahari neni.