Homa 15:8 - Deoso-ka Yama Hani

⁸ Hibati‑ya oda‑ka idi mai‑ya Deoso hiyare, “Kirisito kobonebonane, Yodeo mai‑ya kasomebonaha.” Deoso ati nemata. Fare ati‑nima yama nawaha ai watoneni.

Homa 15:8 ပူးပေါင်းရင်းမြစ်များ

Mateo 15:24

“Yara mai‑ya Deoso owa‑ya yosere, Yodeo, Deoso ati‑ya mai watora mai‑ya Deoso owa‑ya yosebisemarine.” Yeso ati nemarine.

Mateo 20:28

Dai‑ka Ayo neme‑ke‑nima dai nahi. Owa dai narifara, dai‑ya onarifabisateni. Mai dama mai ihi manakone‑ya onahababone, o·ababoneni.” Ati nemarine.

Yowaho 1:11

Hini hika mai‑ya kobone, mai hinofaremarine.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Homa 11:22

Deoso ene ai one ya‑yai, ai one ohiteni. Orifera ede amose‑ya dai‑ya nawaane ene dai ya‑yainineni. Orifera amose ede‑ya Yodeo mai waanamaro, Deoso mai‑ya bakanakose, mai ya‑yainamara, mai ohinibisaboneni. Fara‑nima Yeso ati‑ya dai nofami awiriya, dai‑ya bakanakosamakibonane.

Homa 11:30

Hibati‑ya Deoso ati dai tokadabaramaro, Isara·eo‑ka nodi mai ihi amosara, mai ihi Deoso Ati Amosabote dai mita, ati dai nofe, Deoso dai‑ya kasome, dai‑ya ati somawamane.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Homa 3:3

Deoso ati‑ya Yodeo mai one nofara, ati mai hikadabarihi hine, Deoso ati‑nima yama ni awirabone dai ati na awineni.

Homa 4:16

Fare Deoso ati‑nima yama nabone ai watowahineni. Deoso ati‑ya Abaraho nofemata, fare‑nima Deoso ati ai nofe, ati‑nima yama ai kayafaboneni. Ai ene tohi awirini. Deoso hini ene ai‑ya kasome, ai‑ya ati somawamebonane. Yodeo oda toha, Deoso ati oda nofiya, Deoso ati‑nima yama na oda kayafaboneni. Abaraho‑ka nodi yokana oda amani. Fara‑nima Bara dai toha, Deoso ati dai nofiya, Abaraho‑ka nodi yokana dai tohahare, Deoso dai‑ya ati somawamaharibonane. Deoso ati ai no‑nofa ai nafi‑ka idi i‑di Abaraho toha tene.

Korito daidi 1:12

“I‑di Baoro‑ka oda amani.” Dai one ati nihi, “I‑di Aboro‑ka oda amani.” Dai one ati nihi, “I‑di Bedoro‑ka oda amani.” Dai one ati nihi, “I‑di Kirisito‑ka oda amani.” Dai one ati nihi namone, i‑di Korowe‑ka mai ati naroni.

Korito daidi 10:19

Owati dai mitahi. Yama‑ya dai watowahaboneni. Mai‑ka deoso bare wadaterene. Mai‑ka deoso hiniya wamane‑ka bani‑bona mai daahineya, towe tonire, hika bani kote ai kabiya, ai‑ya nakomaterene.

Korito daidi 10:29

“Bani‑ya ai owa ati kabi nofare, hini yamata ihi owa‑ya ati barinati?” Dai ati na awineni. Ai ene mai atibodi mai‑ya weeriyahi.

Korito daidi 15:50

Soho, dai okanawatabone, owati dai mitahi. Bofe‑ke abano ai weyeniya, neme‑ya ai tokaraboneni. Bofe‑ke abano fawaneya, neme‑ke abano ai weyeniya, neme‑ya ai tokaboneni. Neme‑ke Hidi Deoso tohe, yama ababone neme‑ya koboteraboneni. Ai abano neme‑ke abaterebonane.

Korito yoto‑ke 1:20

Yama nabone Deoso ati nemata, fara‑nima yama naboneni. Deoso ati‑nima Yeso Kirisito ne ati‑nima oda na, fare dai kahiyaraho.

Efesiyo 2:12

Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.