Homa 15:30 - Deoso-ka Yama Hani

³⁰ Oka soho dai toha, Yeso Kirisito ai‑ka ayo toha ne, Deoso‑ka Doni ene ai ibi nofa, owa‑ya dai kasoma, owa tamine Deoso‑ya dai hiyarahi.

Homa 15:30 ပူးပေါင်းရင်းမြစ်များ

Korito yoto‑ke 1:11

Deoso‑ya oda tamine dai hiyarahi, Deoso oda‑ya kasomebonaha. Dai ati ene Deoso oda‑ya kasomeya, mai dami ya‑yaina, Deoso‑ya mai kahiyaraboneni.

Korito yoto‑ke 12:10

Kirisito ene‑ya mai awabone, ya‑yai·oteni. Owa eme koma, ya‑yai·ona, owa‑ya mai weena, ya‑yai·ona, oka yama wadara, ya‑yai·ona, owa‑ya mai bisina, ya‑yai·ona, oteni. Owa eme kitara, Kirisito owa‑ya kasome ene, owa ene kitateni.

Korito yoto‑ke 4:11

Yeso ati oda kamina, mahi‑nima oda‑ya mai ati nanahabateni. Yeso oda‑ya kasome, oda‑ya mai nanahabi awisarineni. Yeso ene‑ya mai awiya, Yeso kitame oda‑ya kasome‑ya mai watowahaboneni.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Firibo 2:1

Kirisito‑ka dai toha, Kirisito dai‑ya kasome, dai ya‑yainabone, Yeso dai‑ya nofe, dai atibodi koma‑ya nasomawama tene. Deoso‑ka Doni dai‑ya sawi, dai ibi nofiya, dai owa atibodi kome, dai atibodi komahari nani.

Koroso 1:8

Dai tabaro‑ya toke, kame, dai tamine‑ya kaminawahene. “Koroso‑ya mai wi‑wina Deoso‑ka Doni mai‑ya sawi, mai ibi nofawahineni.” Ati nerine.

Koroso 2:1

Owati dai mitahi. Koroso‑ya dai wi‑wina, Raodiseya‑ya dai wi‑wina, owa noko dai awatera, dai tamine omita, dai tamine ohiyariteni, Deoso dai‑ya kasomebonaha.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 5:25

Oda tamine Deoso‑ya dai hiyarahi.

Tesaronika yoto‑ke 3:1

Oda tamine‑ya dai hiyarahi Deoso‑ya. “Abi Deoso, ai‑ka Ayo i‑di Yeso ati‑ya i‑di Baoro mai hiyara, mai ati‑ya mai one nofiyahi, Yeso‑ya mai kahiyarabonehe.” Dai ati nahi. Deoso Ati Amosabote dai‑ya oda kaminamaro, Yeso ati dai nofamaro‑nima Yeso ati‑ya mai nofawaha, Yeso‑ya mai kahiyaraboneni.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.