Homa 15:26 - Deoso-ka Yama Hani

²⁶ Masedoni‑ya mai wi‑wina, Akaiya‑ya mai wi‑wina mai na, yinero‑ya mai daanineni. Yerosare‑ya Yeso ati‑ya mai no‑nofa mai‑ka yamata tosiyo yanana, mai‑ya mai kasomabonehe.

Homa 15:26 ပူးပေါင်းရင်းမြစ်များ

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Mateo 26:11

Yamata mai kihara dai‑ya mai sawiteni. Dai‑ya mai sawe, mai sawi fawateraboneni. Owa‑ta owa sawi yaboraboneni.

Roka 14:13

Mai‑ya tinatafabone, mai‑ka yama wadara mai toha, mai hi‑hiyana mai toha, mai ka‑kana mai toha, mai noki wadara mai toha, mai na, mai tinatafabisahi.

Roka 6:20

Yeso hika mai da‑daba mai‑ya kiine, mai‑ya hiyare, “Yama dama dai nokotonira Deoso dai‑ya kasomebona, Deoso ai nafi‑ka hidi kitabote tohawahe‑ya dai sawiwahaboneni.

Yeso‑ka yo‑yose mai tamine 16:12

Ni·abori‑ya oda fidotona, tabora webote oni Masedoni‑ka tabora ba‑basi na oni Firibo toha‑ya oda tokawaha, Firibo‑ya homano mai dama mai wina, mai tabori‑ya oda winawahani.

Yeso‑ka yo‑yose mai tamine 16:9

Torowadi‑ya Baoro wada‑ya awe, Masedoni‑ke ai owa ati wadarine‑ya mitane, “Masedoni‑kaya dai kakihi, oda dai kasomabonehe.” Ati wadari ati ne.

Yeso‑ka yo‑yose mai tamine 18:12

Makobote i‑di Kariyo, Akaiya‑ya mai wi‑wina mai‑ka hidi toheya, Yodeo mai yawawaha, Baoro‑ya mai waratona, i‑di Kariyo‑ya mai hiwakamane.

Yeso‑ka yo‑yose mai tamine 19:21

Baoro atibodi yama‑ya kadike, “Yerosare‑ya okaboneni. Yerosare‑ya okomabone, Masedoni‑ka mai ohiyara, Akaiya‑ka mai‑ya ohiyara oniya, Yerosare‑ya okomaboneni. Yerosare kobo·oniya, makobote Homa‑ya okomabone owatibodi ati nineni.” Atibodi ati ne.

Yeso‑ka yo‑yose mai tamine 9:13

“Ayo Yeso, Saoro tamine omitani. Yerosare‑ya tika mai dami‑ya i‑di Saoro ene amosarene.

Korito daidi 16:15

I‑di Tefanasi hika mai eyehe dai watoneni. Akaiya‑ya dai wi‑wina‑ya i‑di Tefanasi hika mai eyehe Deoso ati‑ya mai nofi baha, i‑di Tefanasi nowati‑ya Deoso ati‑ya dai owa nofamaki, Deoso ati‑ya dai no‑nofa, Tefanasi dai‑ya mai kasomateni.

Korito daidi 16:5

Masedoni‑kaya oki bahiya, mai tabori‑ya owiniya, owa amoni fa‑famaraba niya, dai tabaro‑ya okomakebani.

Korito yoto‑ke 1:16

Masedoni‑ya okiya, dai tabaro‑ya maa·onakosamabone owatibodi ati na, dai‑ya owati wee nofara, dai tabaro‑ya oki awiramaroni. Makobote yana·oniya, dai tabaro‑ya okabone, kobo·oniya, Yodeya‑ya okomakebone ona, owa dai kasomaba awineni.

Korito yoto‑ke 11:9

Dai tabaro‑ya owina, oka yamata tosiya, dai‑ka yamata haa·ora, Masedoni‑ka oka yamata kaniki‑bone‑ka oka yinero‑bona‑ya mai kakamakemaroni. Dai‑ka yamata haa·orihi, dai‑ka yinero haa·orihi onabone, dai‑ka yinero haa·oteraboneni.

Korito yoto‑ke 2:13

Owati‑ya mai mitamatasabone mai ati na, oka soho, i‑di Tito‑ya owatibodi watinawaha, Torowadi‑ya i‑di Tito kobo·onabone ona, i‑di Tito kobo·ora, owatibodi i‑di Tito tamine‑ya kadikanade, Masedoni‑kaya okawahamaroni, i‑di Tito owasebonehe.

Korito yoto‑ke 7:5

Masedoni‑kaya oda kobona, oda maa toha, oda hasinabone oda ati na, oda hasini awira, hiniya oda‑ya mai wee, oda‑ya mai bisi na, oda habo siitonamaroni.

Korito yoto‑ke 9:12

Yamata‑ya Deoso‑ka mai one kihara, dai ene yamata‑ya mai kihawahabone, dai ene Deoso‑ya mai kahiyarahareboneni.

Korito yoto‑ke 9:2

Hibati‑ya faha fowe one‑ya dai tabaro‑ya oka, yama dai daanabone dai ati na, Masedoni‑kaya okomake, dai tamine okamina, dai ati tamine‑ya mai mita, mai dami yama‑ya daanaharebone mai ati namaroni.

Korito yoto‑ke 9:4

Masedoni‑ya mai wi‑wina owa‑ya mai saweba awineni. Owa‑ya mai sawiya, yinero dai hawa toniriya, oda‑ya mai hahakana, dai‑ya mai hahakana niya, dai habo siitonaba awineni.

Firibo 4:15

Hibati‑ya dai‑ya Deoso tamine ohiyari baha, owa dai kasoma, mai one owa‑ya kasomi awirani. Dai‑ta owa‑ya dai kasomabisa, Masedoni‑kaya yana·ona, oka yinero‑bona‑ya dai daanamaroni. Mai one yinero‑ya daaterani. Dai‑ta yinero‑ya dai daanibisineni.

Tesaronika daidi 1:7

Masedoni‑ya mai wi‑wina, Akaiya‑ya mai wi‑wina mai na, Yeso ati‑ya mai no‑nofa dai ene‑ya mai awa, hini dai‑nima mai nawahabone mai ati nineni.

Tesaronika daidi 1:8

Mai tabori one‑ka dai ene Deoso ati‑ya mai mita, Deoso ati‑ya dai no‑nofa dai ene amosa tamine‑ya mai mita, dai ene tamine‑ya mai kamina, dai ene Masedoni‑ka tabora toha, Akaiya‑ka tabora toha na, mai tabori one toha na, dai tamine‑ya mai wata, dai tamine oda kaminara, dai tamine oda‑ya mai kaminabisani.

Tesaronika daidi 4:10

Masedoni‑kaya dai wi‑wina Deoso ati‑ya mai no‑nofa, mai nafi dai nofa, mai dai nofi ba‑basi nahi.

Timoti daidi 1:3

Masedoni‑kaya okabone, tiwa ohiyara, “Efesiyo‑ya tiwina, mai tikanawatoyahi, Yeso ati‑ya mai nofabonehe. Mai ati bara‑ya mai‑ya mai kanawata, mai‑ya tiwati barinahi.” Onamaroni. Owati‑maro‑nima tinahi.

Firimo 1:5

Yeso Kirisito ati tinofi nafe, Deoso‑ka mai tinofamone, tiwa tamine omita ya‑yai·oneni.