Homa 15:19 - Deoso-ka Yama Hani

¹⁹ Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Homa 15:19 ပူးပေါင်းရင်းမြစ်များ

Mateo 12:28

Deoso‑ka Doni ati ene madi towe mai kana·onihe, dai ati na, Deoso ai nafi‑ka hidi kitabote tohawahebona dai‑ya sawine.

Yowaho 4:48

Yeso ati yanane, “Owa ene kitabote dai awara, owati‑ya dai nofarani.” Yeso ati nemarine.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 13:14

Beki‑ya mai fiyakana, Bisidiya‑ka Atioki‑ya mai kobokana, Sabado‑ya Yodeo mai hi‑hiyara‑ke yobe‑ya mai towakiyoma, mai demenarineni.

Yeso‑ka yo‑yose mai tamine 13:51

Baoro mai tame mekori‑ya mai nanahaba, “Oda teme mekori oda nanahabi‑nima dai abawahaboneni, Deoso ati dai nofararo.” Mai ati na. Ikoniyo‑ya mai towakawahamoneni.

Yeso‑ka yo‑yose mai tamine 14:10

Baoro ati mai himitebona ati yanane ati kite, “Tiwaamisiya, tiwa teme‑kaya tiwaawahi.” Baoro ati ne. Ka‑kakone yoranimise, waane, yakatere yakanawahemonane.

Yeso‑ka yo‑yose mai tamine 14:20

Yeso ati‑ya mai no‑nofa Baoro home‑ya mai kakatoma, mai yorona, Baoro kitame waamisame, mai tabori‑kaya mai‑ya tosawime, mahi owa‑ya Banabe eyehe Derebi‑kaya mai towakamamoneni.

Yeso‑ka yo‑yose mai tamine 14:25

Banafiriya‑ka tabora bide oni Beki toha‑ya, Yeso tamine‑ya mai hiyara, mai hiyari hawa toha, mai towakamatasa, tabora bide one oni Atariya toha‑kaya mai towakama,

Yeso‑ka yo‑yose mai tamine 14:6

Mai tamine‑ya i‑di Baoro mai mita, tabora webote oni Rika·oni‑kaya mai kanani towaka, Rika·oni‑ka tabora bi‑bidi na oni Derebi toha, Risita toha na‑ya mai towakani.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Yeso‑ka yo‑yose mai tamine 16:18

Mahi‑nima fana ati yanani dama ihi Baoro ati yawe, kiinawame, madi towe‑ya hiyare, “Yeso ati ene tikahi. Fana atibodi‑ya tifoyamariyahi.” Ati ne, ati ene madi towe toke, ene fana yama nabone‑ya watomara, hikaminamaramaroni.

Yeso‑ka yo‑yose mai tamine 17:10

Yama soki‑ya Yeso ati‑ya mai no‑nofa Baoro, Sira mai fama mai‑ya mai yose, “Bereya‑ya dai towakahi.” Mai ati na. Mai ati ihi Bereya‑ya mai towaka, mai kobokana, Yodeo mai hi‑hiyara‑ke yobe‑ya mai towakiyomineni, mai‑ya mai hiyarabonehe.

Yeso‑ka yo‑yose mai tamine 17:15

Bereya‑ka mai one Baoro‑ya sawe, Atena‑kaya mai towaka, Atena‑ya mai kobona, Baoro‑ta towitakose, mai winikanamabone, mai‑ya Baoro hiyare, “Dai kobotokanamiya, i‑di Sira, Timoti mai fama, mai dai yosemiya, mai kakama kanibote niyahi.” Baoro ati nemonane.

Yeso‑ka yo‑yose mai tamine 18:1

Makobote i‑di Baoro toke, Korito‑ka mai tabori‑ya kobone,

Yeso‑ka yo‑yose mai tamine 18:19

Efesiyo‑ya mai kobona, Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya kanawatone. I‑di Birisira, i‑di Akira mai winabisaboneni. Baoro‑ta tokebona ati ne.

Yeso‑ka yo‑yose mai tamine 19:1

Korito‑ya Aboro wineya, Efesiyo‑ya Baoro toke, kobone, Yeso‑ka mai one‑ya hiyare,

Yeso‑ka yo‑yose mai tamine 20:20

Deoso ati‑ya dai ohiyara, dai okanawata, dai okasoma, onamaroni. Dai yo‑yorotokana‑kaya dai ohiyara, dai tabaro‑ya ohiyara onamaroni.

Yeso‑ka yo‑yose mai tamine 20:6

Firibo‑ya oda marina, baho kita kabi oda hawa toha, maboro‑ya oda foya, oda towaka, oda amoni ai yehe kahare‑nima na‑ya, Torowadi‑ya oda kobokana, oda fidotona, mai tabori‑ya oda kobona, Torowadi‑ya oda amona, oda amoni 7 toha.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:24

Esibaniya‑ya okabone, dai tabaro‑ya kobo·oniya, dai‑ya ohiyaraboneni. Ai ibi hiyaranadiya, Esibaniya‑ya okabone, owa dai kasomaba awineni.

Korito daidi 2:4

Deoso ati dai‑ya ohiyara, owati amosi nafira, “Baoro yama nafi‑ya watone.” Dai ati ramaroni. Owati‑ya dai mita, “Se! Deoso‑ka Doni kitabote i‑di Baoro‑ya sawine.” Dai ati nibisamaroni.

Korito yoto‑ke 12:12

Dai tabaro‑ya owina, Deoso ene dame‑ya dai awa, dai habo siitona, “Ka! Haa‑nima ai ene na, oda awaterani. Deoso ene amosabote amane.” Dai ati namaroni. Yeso‑ka yo‑yose ohara‑mani, Deoso ene‑ya dai awara neni.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Koroso 1:25

Deoso owa‑ya yose, “Oka mai‑ya tihiyarahi. Mai tabori dami‑ya owa tamine nafi mai‑ya tihiyarahi. Mai‑ya tikasomahi.” Ati nemarine.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Timoti yoto‑ke 4:17

Ai‑ka Ayo i‑di Yeso ohari owa‑ya sawi, owa habo siitorani. Deoso Ati Amosabote‑ya Bara mai dama mai mitani. Iriyaho mai‑ya owa‑ya mai daanabone mai ati na, Yeso owa‑ya kasome, iriyaho mai‑ya owa‑ya mai daani awirani.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.