Homa 15:16 - Deoso-ka Yama Hani

¹⁶ Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:16 ပူးပေါင်းရင်းမြစ်များ

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 11:13

Bara dai toha, dai‑ya ohiyarabone, Deoso owa‑ya yosemarine. Yeso Ati Amosabote dai‑ya okaminabone ati ne, ati ene ya‑yai·oneni.

Homa 15:18

Kirisito ene Bara dai‑ya ohiyara, owa ene dai awa, Yeso ati dai nofawaha, fare tamine okamini oharibonane.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Homa 15:20

Yeso Kirisito ati‑ya mai mitaramaro mai‑ya ohiyarabisabone owatibodi ati nineni, Yeso Kirisito ati‑ya mai one kaminamete, mai nowati‑kaya owatibodi tokomaki nofarineni.

Homa 15:29

Dai tabaro‑ya kobo·oniya, Kirisito ai‑ya kasomi ba‑basi nebona owatibodi ati nineni.

Homa 5:5

Deoso tabaro‑ya ai winabone yama ai nimana, Deoso‑ka Doni ai atibodi‑ya wine ene Deoso ai‑ya nofi nafi ai wato, ai‑ya nofi fawaterebonane.

Korito daidi 3:5

I‑di Aboro oda fama, amosabote oda tohara, Yeso oda‑ya yosebise, Deoso ati oda kamine, ati dai nofamaro, ai‑ka Hidi ati‑nima oda nineni.

Korito daidi 4:1

Owa, i‑di Aboro, i‑di Bedoro oda na, oda tamine dai kadika, haa‑nima dai atibodi ati nibisahi. “Yeso Kirisito‑ka yo‑yose i‑di Baoro, i‑di Aboro, i‑di Bedoro mai toha, Deoso ati ene Yeso ati‑ya mai hiyarateni. Deoso tamine ai mitaremata, tamine mai himitawahe, tamine‑ya ai‑ya mai kaminateni.” Dai atibodi ati nahi.

Korito daidi 6:19

Ai abano Deoso‑ka Doni tabaro toha, ai‑ya Deoso hika Doni‑ya nawine, tika hidi tihara, Deoso tika hidi tohabisane.

Korito yoto‑ke 11:23

Yeso Kirisito mai‑ya yosemona mai ati na, owa‑ya yoseharimarine. Ka‑kana mai ati‑nima owati namatasaboneni. Mai ihi‑ya owa ene fiyakana, owa‑ya mai bisini fiyakana, owa‑ya mai kosini fiyakana, owa‑ya kadeya‑ya mai nafoyi fiyakana, owa abi yanatoni fiyakana nineni.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Korito yoto‑ke 8:5

“Yama bide‑ya mai daanaba amanikani.” Oda ati na, oda ati‑ya mai fiyakana, yama nafi‑ya mai daanineni. Deoso‑ya mai‑ya mai daani baha, Deoso ati ene oda ati‑ya mai tokadababone mai ati nineni.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Efesiyo 2:18

Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.

Efesiyo 2:22

Bara dai tohamara, Deoso‑ka Doni dai‑ya sawi, Deoso‑ka yobe amosabote kote dai toha, kote oda toha nineni.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Tesaronika daidi 2:2

Firibo‑ya oda winiya, Deoso Ati Amosabote oda kamina, oda‑ya mai bisina, makobote dai tabaro‑ya oda kobona, Deoso Ati Amosabote oda kamina, oda‑ya mai ati bisi, oda‑ya mai wee, mai na, Deoso ene oda habo siitoni awiramaroni.

Tesaronika daidi 2:9

Oda‑ka soho dai toha, oda ene‑maro‑ya dai ati kadamowamariyahi. Deoso Ati Amosabote dai‑ya oda kamina, dai‑ya oda kanawata, oda na, oda ene‑ya dai awamaroni. Yama oda anina, yama soki‑ya yama oda ani, yama tehe‑ya yama oda ani, oda namaroni. Dai‑ka yinero oda haara, oda‑ka yinero‑ya oda‑ka yamata‑bone oda kanikabisamaroni.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Timoti daidi 1:11

Hibati‑ya Deoso owa‑ya yosemarine, Ati Amosabote ohiyarebonaha. Deoso Ati Amosabote‑ya mai tokadabara, Mose‑ka yama hani ati‑nima Deoso mai‑ya bisinebonane.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:11

Fara ihi Deoso ati ene Yeso owa‑ya yose, Bara mai tabori‑ya oka, Deoso Ati Amosabote okamina, mai okanawatoneni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.