Homa 15:14 - Deoso-ka Yama Hani

¹⁴ Oka soho dai toha, yama dai wata, dai ene amosa, dai ibi kanawata, dai ene ya‑yai·oneni.

Homa 15:14 ပူးပေါင်းရင်းမြစ်များ

Korito daidi 1:5

Deoso dai‑ya kanawato ene yama dai wato ba‑basi na, Deoso ati kamini dai wato, Deoso ene yama nafi‑ya dai wato neni.

Korito daidi 12:8

Deoso‑ka Doni ene dai owa Deoso ati‑ya wato ba‑basi ne, dai owa Deoso ati kanawato‑ya wato tene.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 8:10

Yama‑ya mai wato bi‑bidi na, yama dai wato ba‑basi na, mai noki‑ya deoso bare‑ka bani‑bona‑ya dai kaba, dai‑ya mai awiya, dai ene deoso bare‑ka bani‑ya mai kabamakeba awineni.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Korito yoto‑ke 8:7

Masedoni‑ka mai‑ka yama fa‑famaraba nibisa, Korito‑ya dai wi‑wina dai‑ka yama ba‑basi, Yeso ati dai nofi ba‑basi, dai ati amosi ba‑basi, yama dai wato ba‑basi, oda dai nofi ba‑basi na, yama‑ya dai daani nofamone, yama dai daana ba‑basi nahi.

Efesiyo 5:9

Deoso ene yama wahi‑ya dai wi‑wina dai ene amosa, yama amosa‑ya dai atibodi kobona, keyehe‑ya dai hiririhi, dai teni.

Firibo 1:11

Hibayata Yeso dai‑ya sawi, mahi‑nima dai ene amosi ba‑basi, mahi‑nima dai ene amosi ba‑basi niya, dai ene‑ya mai awiya, Deoso‑ya mai kahiyara, “Deoso amosabote amane.” Mai ati nawahaboneni.

Firibo 1:7

“Dai onofa, sibarineni.” Owatibodi ati na, owatibodi dai‑ya foyateni. Deoso Ati Amosabote okamina, owa dai kasoma, kadeya‑ya ofoya, owa‑ya dai kasoma, fara owa manakone kote dai kayafahareboneni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Tesaronika daidi 5:11

Dai one abamaro, ai nafi kitamabone tamine dai wata, dai ibi hiyara, dai ya‑yainahi. “Ai one aba, mai ihi ai yawi kitariyahi. Ai one Deoso tabaro‑ya toha, ai ya‑yainahi.” Dai ati nahi. Hibayata dai ene hini toha, tohaboneni. Mai‑ya dai kasoma, mai‑ya dai kasomi na‑nafi niyahi.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Tesaronika yoto‑ke 1:11

Dai tamine Deoso‑ya oda hiyara, “Tesaronika‑ya mai wi‑wina, mai ihi amosiyahi. Mai tikadikamaro, tiwa ene‑nima mai ihi nahi. Tiwati‑ya mai nofi nafiya, mai ihi amosi nafiwahaboneni.” Oda ati teni Deoso‑ya.

Timoti yoto‑ke 1:5

Tika aki i‑di Rowidi, tika ami i‑di Eonisi, mai na, Deoso ati‑ya mai nofamaro, fara mai‑nima tina, Deoso ati‑ya tinofa, tiwa‑ya owati foyani.

Firimo 1:21

Onesimo‑ya tikasomabone owatibodi ati na, tika yama hani‑bone okanahanowahani. Owati‑ya fiyatikanabone owatibodi ati nineni.

Ebereo 5:12

Hibati‑ya Deoso ati dai mita, mai one‑ya dai kanawatomakebone oda ati na, yama‑ya dai wato awisara, dai‑ya oda kanawatomatasabone dai nofabisineni. Madehe‑nima dai nasa na, yama kita kabi dai watora, yoha fahi‑ta dai ati fawabisineni,

Ebereo 6:9

Mai ati kasira mai tamine oda hiyarani. Dai‑ta dai tamine oda hiyari awirani. Dai ene amosa, dai‑ya oda atibodi watoneni. Deoso ati‑ya dai tokadabamaro, ati dai tokadabanasa nebona oda ati teni.

Bedoro yoto‑ke 1:12

Deoso ati dai wato, ati dai tokadabanane. Deoso ati dai‑ya okaminemari, okaminatase, ati dai fawaniterebonane.

Yowaho daidi 2:21

Deoso ati‑ya dai wa‑wato, dai‑ka yama hani‑bone okanahanoneni. Deoso ati‑ya dai watora‑mani, dai‑ka yama hani‑ba okanahanora neni. Deoso keyehe‑ya hiriterene. Keyehe‑ya mai hirina, Deoso ati‑ya mai hiyaraterani.