Homa 15:13 - Deoso-ka Yama Hani

¹³ Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:13 ပူးပေါင်းရင်းမြစ်များ

Yowaho 14:1

“Dai atibodi yama‑ya dikariyahi. Deoso ati dai nofiyahi. Owati‑ya dai nofahari, dai nahi.

Yowaho 14:27

Dai habo siitoni awiraboneni. Bofe‑ka dai‑ya mai ati kasomabone mai kitara, mai ati‑nima owati ni awirini, owati ihi dai habo siitoraboneni. Dai atibodi yama‑ya dikariyahi. Dai habo siitoriyahi.

Homa 12:12

Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Homa 15:5

Dai tamine‑ya Deoso‑ya ohiyara, Deoso dai‑ya kasome ene dai atibodi ati fara hinama toha, Yeso Kirisito ati‑mata‑nima dai nabone, oteni.

Korito daidi 2:4

Deoso ati dai‑ya ohiyara, owati amosi nafira, “Baoro yama nafi‑ya watone.” Dai ati ramaroni. Owati‑ya dai mita, “Se! Deoso‑ka Doni kitabote i‑di Baoro‑ya sawine.” Dai ati nibisamaroni.

Korito yoto‑ke 9:8

Deoso kitabote tohe, dai kasomi‑ya fawaterebona, dai‑ka yama tosiyoteraboneni, mai dami‑ya dai kasomabonehe.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 1:2

Ai‑ka Abi i‑di Deoso, ai‑ka Ayo i‑di Yeso Kirisito ne, dai‑ya mai kasoma, dai atibodi ati dai‑ya somateni.

Tesaronika daidi 1:5

Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Bedoro daidi 1:8

Yeso Kirisito dai awaremari, dai nofi neni. Hibayata dai aware, ati dai nofe, Deoso dai kahiyara, dai ya‑yaini ba‑basi na‑ya mai awa, yama‑ya mai watoterani.