Homa 15:1 - Deoso-ka Yama Hani

¹ Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Homa 15:1 ပူးပေါင်းရင်းမြစ်များ

Homa 14:1

Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Homa 14:2

Yama nafi‑ya ai one kaba, ai one bani‑ya kabarihi teni.

Homa 4:20

Deoso ati‑nima yama kanibote ra, Deoso ati‑ya i‑di Abaraho nofe. Deoso‑ya kahiyare, Deoso ati‑ya nofi ba‑basi nematane.

Korito daidi 4:10

Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.

Korito daidi 9:22

Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Korito yoto‑ke 12:10

Kirisito ene‑ya mai awabone, ya‑yai·oteni. Owa eme koma, ya‑yai·ona, owa‑ya mai weena, ya‑yai·ona, oka yama wadara, ya‑yai·ona, owa‑ya mai bisina, ya‑yai·ona, oteni. Owa eme kitara, Kirisito owa‑ya kasome ene, owa ene kitateni.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 2:4

Dai‑ka yama anini‑ya dai ohaririyahi. Yama‑ya mai anina, mai dai kasoma nahi.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Timoti yoto‑ke 2:1

Timoti, oka dao amatini. Tiwa eme kitahi. Deoso ene Yeso Kirisito ai‑ya kasome, ai eme kitateni.

Yowaho daidi 2:14

Bote dai toha, dai‑ka yama hani‑bone okanahano, Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahano, dai kita, Deoso ati‑ya dai wata, Satanasi ati‑ya dai nofarani.