Homa 14:7 - Deoso-ka Yama Hani

⁷ Kirisito‑ka ai toha hini ai ene ai hasira, Deoso ene ai hasinibisineni, mai ai kasomabonehe. Ai ababone, hini ai ene ai abara, Deoso ene ai aba, Deoso ai kahiyaraboneni.

Homa 14:7 ပူးပေါင်းရင်းမြစ်များ

Homa 14:9

Hibati‑ya Yeso Kirisito abe, kitamematane, ai hasi, ai aba na, ai nafi‑ka hidi tohebonaha.

Homa 8:38

Yama ai watowaha, Deoso ai‑ya nofe, ai nofi‑ya fawaterebonane. Ai aba, ai‑ya sawi, ai hasina, ai‑ya sawitene. Deoso‑ka yo‑yose mai ati ihi ai‑ya kanakiterene, Satanasi‑ka madi mai kiti bi‑bidi na mai toha, hika madi mai kiti ba‑basi na mai toha mai na, mai ihi Deoso ai‑ya kanakiterene. Hibayata yama toha, makobote yama toha na ihi Deoso ai‑ya kanakiterene. Ai‑ya nofi fawaterebonane.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Tesaronika daidi 5:10

Hibati‑ya Yeso abe, ai manakone‑ya nanahabane. Ai aba, ai hasina, ai sibaraboneni. Yeso kameya, Yeso‑ya ai tosawimiya, ai winawahaboneni Deoso tabaro‑ya.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.