Homa 14:19 - Deoso-ka Yama Hani

¹⁹ Ai ene mai ibi nofi nafe, mai ibi kasomiyahi.

Homa 14:19 ပူးပေါင်းရင်းမြစ်များ

Efesiyo 4:29

Dai ibi hiyara, dai ati towe tohariyahi. Dai ati amosa, dai one‑ya dai kasomaboneni, mai ya‑yainabonehe.

Homa 12:18

Dai ati soma, dai‑ya mai weena, mai dai weeriyahi.

Homa 15:2

Ai owa mai ai kasoma, mai ai ya‑yainihe, Deoso ati‑ya mai wato ba‑basi namakeboneni.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Maroko 9:50

Sao amosa. Faha ihi abiya, sao kabi‑nima kabinamaterani. Sao‑nima dai nahi. Dai ene amosahi. Dai ibi nofahi.” Yeso ati nemarine.

Mateo 5:9

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Bedoro daidi 3:11

Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito daidi 10:33

Owa‑nima dai nahi. Mai nafi onofa, owa ene‑ya mai awiya, mai ya‑yainiya, Deoso ati‑ya mai nofawahaba awineni. Owa‑ya onofi bi‑bidi ona, mai‑ya onofi nafi neni.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito daidi 7:15

Deoso ati‑ya tika yibote nofara, tiwa‑ya wahakana, honita wahawamiya, sibaraboneni. Tiwa‑ya tika yibote wahakana, Deoso tiwa‑ya weerebona, “Tiwati somahi.” Deoso ati nane.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 10:23

Deoso ai ene‑ya barire, ai ene one mai‑ya kasomarihi, ai ene one mai‑ya ya‑yaini awirihi nani.

Korito daidi 14:3

Deoso ati dai kamina dai ati‑ya mai mita, mai dai kasomaboneni. Dai ati ene yama‑ya Deoso nofe‑ya mai wata, ati‑nima mai ihi nabone, mai nofaboneni. Mai atibodi koma Deoso ati‑ya mai mita, mai atibodi kome fawanaboneni.

Korito daidi 14:4

Mai one ati‑ya dai hiyara, hini dai‑ya dai ya‑yainibisa, mai dai kasomi awiraboneni. Deoso ati‑ya dai kamina, Kirisito‑ka mai dai kasomaboneni.

Korito daidi 14:5

Mai one ati‑ya dai ati toha, dai sibarineni. Owatibodi ati nineni. Mai one ati‑ya tiwati yanani dai toha, makobote ai ati‑ya tiwati yananamatasiya, ai‑ya tikasomaba awineni. Deoso ati tikamine, ai nafi‑ya kasomatene.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.