Homa 14:18 - Deoso-ka Yama Hani

¹⁸ Fara haa‑nima ai toha, Kirisito‑ka yama anini‑ya ai anina, Deoso ai‑ya kayafebona, ai‑ya mai one nofaboneni.

Homa 14:18 ပူးပေါင်းရင်းမြစ်များ

Maroko 13:34

Mai‑ka hidi kobonamebona‑ya mai nimana mai‑nima dai‑ka Ayo neme‑ke‑ya dai nimanahi. Yama yaki‑ya maki tokebona, hika fai‑ya mai na‑narifa mai‑ya yosene. Hika yo‑yose owa nokobi‑ya waibona‑ya yosenane, maki kamataseya, nokobi‑ya seekana kanibote nebonaha.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yeso‑ka yo‑yose mai tamine 10:35

Tabora dami‑kaya Deoso ati‑ya mai nofa, Deoso ati‑nima mai na, mai‑ya Deoso ati somawamatene.

Homa 12:11

Deoso ati‑ya dai nofa dai refo tohariyahi. Dai hawihi. Deoso‑ka yama anini dai kitahi.

Homa 14:4

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.

Homa 16:18

Dai‑ya mai ebekanabone, ai‑ka hidi i‑di Yeso Kirisito mai hiyosera, hiniya mai dai kahiyarabone mai ati amani. Mai ati amosaya, dai‑ya keyehe‑ya mai hirikana, mai ati amosa ihi yama‑ya mai wato bi‑bidi na, mai ati mai hinofateni.

Homa 6:22

Dai ene‑maro dai‑ya yaditonamara, dai manakone abawaha, hibayata Deoso‑ka dai toha, dai ene amosawama, dai manakone amosawamahari na, makobote Deoso tabaro‑ya dai winaboneni.

Korito daidi 7:22

Mai mai hikanikamaro Deoso ati‑ya mai nofawaha, Deoso‑ka se‑seekana mai tohawahani. Mai mai hikanikaramaro Deoso ati‑ya mai nofawaha, Kirisito‑ka ka‑kanika mai tohawahani.

Korito yoto‑ke 4:2

Deoso ati‑ya mai one kaminamone mai ati na, Deoso ati‑nima mai ihi ra. Deoso ati kote‑ya mai kema, ati yokana‑ya mai kaminara. Hini yama miti mai hinofa‑nima mai ati na, mai ati‑ya mai nofabonehe. Mai‑nima oda ni awira. Deoso ati yokana oda kamine, ati mai himite, Deoso ati‑ya mai atibodi nofaboneni. Deoso oda ene‑ya awe, ati‑nima ati oda kaminatene.

Korito yoto‑ke 5:11

Yeso Kirisito ene kite, ati dai tokadabare, yofinatene. “Yeso ati dai nofa, ati dai tokadaba, dai naho.” Oda ati teni. Ai atibodi ati‑ya Deoso wato, oda ene amosa dai atibodi wata awineni.

Korito yoto‑ke 5:9

Bofe‑ya ai winasa niya, yama ai aniteni, ai ene Kirisito ya‑yainebonaha. Neme‑ya ai kobona, ai ene ya‑yainebona ai nokotoniheboneni.

Korito yoto‑ke 6:4

Deoso‑ka oda toha Deoso ati yokana oda kamine‑ya mai watabone, oda ene amosateni. Oda‑ka yamata wadara, oda ati yawara. Oda‑ya mai bisina, mai oda weera. Oda atibodi koma, oda ati yawa kanibote ra. Oda ene amosa‑ya mai awa, Deoso‑ka oda toha, Deoso ati yokana oda kamine oda‑ya mai wataboneni.

Korito yoto‑ke 8:21

Ai‑ka Hidi i‑di Yeso ai ene amosa‑ya awa, mai one hiawa hinabone oda ati nofani.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Koroso 3:24

Hibayata yama‑ya mai anina, makobote neme‑ya mai koboniya, mai manakone wadaboneni. Yama‑ya mai anina, mai‑ka Hidi, i‑di Yeso Kirisito mai‑ka yama anini‑ya awe, mai‑ka yama anini manakone‑ya daanebonane.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Timoti daidi 5:4

Mai fanawi one kahiwa, mai‑ka ewe hasine, yobote‑ta abemari, ami‑ya ewe mai kasomahi. Fana‑ka nodi mai toha, aki‑ya mai kasomahi. Ai‑ka ami mai‑ya ai kasoma Deoso nofatene. Hibati‑ya ai‑ya mai kasoma, ai‑ya mai nayana, mai bote toha mai ai kasomiya, Deoso ya‑yainebonane.

Bedoro daidi 2:12

Bara mai‑ya dai sawiya, dai ene amosahi. Dai ene towe‑mone mai ati na, dai ene‑ya mai awiya, dai ene amosa‑ya mai atibodi watowaha, Yeso kamataseya, dai ene Deoso‑ya mai kahiyaraboneni.

Bedoro daidi 2:20

Dai ene amosariya, dai‑ka hidi dai‑ya bisineya, dai manakone amosa wadaraboneni. Dai ene amosa, dai‑ka hidi dai‑ya bisineya, dai yawariya, dai manakone wadaboneni, Deoso dai‑ya kasomeya.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.

Bedoro daidi 3:16

Dai ati yananiya, dai ati yawara, dai ati somabisahi, dai atibodi dai‑ya weerabonehe. “Yeso Kirisito‑ka mai‑mone mai ati kasiroteni.” Mai ati na, Dai ene‑ya mai awiya, mai ati fawanabone, hini mai atibodi mai‑ya weenaboneni.