Homa 14:14 - Deoso-ka Yama Hani

¹⁴ Yeso ene yama‑ya owatoneni. Yama owatibodi hikaba, okobiya, Deoso owa‑ya weerebonane. Yama tiwatibodi hikaba, tikabiya, sibaraboneni. Deoso ene yama‑ya tikabarabone tiwatibodi ati na, tikabariyahi. Tikabiya, Deoso ene tiwatibodi tiwa‑ya weenaboneni.

Homa 14:14 ပူးပေါင်းရင်းမြစ်များ

Maroko 7:2

Yeso‑ya mai da‑daba mai tafabone, mai yahi‑ya mai sorokarira, mai‑ya mai awa, mai ati yanana, “Mai yahi towe tafineni.” Mai ati namaroni.

Yeso‑ka yo‑yose mai tamine 10:28

“Yama‑ya dai wata awineni. Bara mai tabori‑ya Yodeo oda toha, oda tokaterani. Bara mai tabori‑ya oda toka, ‘Towe dai amani.’ Mai ati teni. Deoso owa‑ya kanawatowahe, mai nafi sibarani. Mai‑ya oda daba, oda sibarineni, oda towe toharani.

Homa 14:2

Yama nafi‑ya ai one kaba, ai one bani‑ya kabarihi teni.

Homa 14:20

Deoso ene‑mona bani‑ya mai kabara mai noki‑kaya bani tikabariyahi. Mai noki‑kaya bani tikabiya, mai‑ya taratikaniheba awineni. Bani ai kaba, ai ati kasiroterani. Ai owa ai taratokanihe, ai ati kasirobisateni.

Homa 14:23

Deoso ene yama dai kabarabone dai atibodi ati na, yama dai kabariyahi. Yama dai kaba, dai ene towe tohani. Deoso ati‑nima ai ni awira, ai ene amosaterani.

Korito daidi 10:25

Bara mai‑ka bani dai kanike, dai kaba, sibarini. Mai‑ka deoso bare‑ka bani‑bona tamine dai miti awiriya, dai atibodi dai‑ya weeraboneni.

Korito daidi 8:10

Yama‑ya mai wato bi‑bidi na, yama dai wato ba‑basi na, mai noki‑ya deoso bare‑ka bani‑bona‑ya dai kaba, dai‑ya mai awiya, dai ene deoso bare‑ka bani‑ya mai kabamakeba awineni.

Korito daidi 8:7

Deoso oharibise‑ya ai one watora, deoso mai dama‑mone mai atibodi ati na, Bara mai‑ka deoso‑mona‑ka bani‑ya mai kaba, hini mai‑ya mai atibodi weeteni.

Timoti daidi 4:4

Yama nafi wamahinamete amosa‑ya dai ati towe toniriyahi. Yama tamine Deoso‑ya dai kahiyara, dai kaba sibaraboneni.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.