Homa 14:13 - Deoso-ka Yama Hani

¹³ Deoso mai ihi hikadikabone, mai ihi dai kadikariyahi. Yeso hawine‑ya mai yakana, dai ene‑ya mai awiya, dai ene amosara‑mone mai ati na, dai ene mai taratokanaba awineni. Dai ene mai taratokariyahi.

Homa 14:13 ပူးပေါင်းရင်းမြစ်များ

Mateo 16:23

Bedoro‑ya Yeso hiyarebona, tonokowame, ati yanane, “Satanasi ati‑nima tiwati nineni. Owa‑ya tiwati baririyahi. Deoso‑ka yama nokotini awira, hini tiwatibodi ati‑ya nokotinibisineni.” Yeso ati nemarine.

Mateo 18:7

Ka! Bofe‑ya mai wi‑wina mai one ati ihi owati‑ya mai one tokadabara, mai ihi manakone wadani.

Mateo 7:1

“Mai‑ya dai kakoriyahi. Mai dai nofiya, dai‑ya mai kakoraboneni.

Roka 12:57

Deoso yama hinofa dai sibara, dai sibanahi.

Roka 17:2

Hini ene towe tohi awisareya, yati webote‑ya namidi mai yadihineya, faha webote‑ya mai korohifiya, komene bi‑bidi nibisebonane. Ati ene owati‑ya ewe nofamareya, hini ene komene nafibisebonane.

Homa 11:9

Mai atibodi kita mai tamine‑ya Deoso‑ya i‑di Dafi hiyare, “Mai ihi amosara mai mariniya, mai noki wadariyahi. Mai‑ya mai ka‑kako mai kakiya, mai‑ya mai watiya, mai manakone amosara‑ya mai kayafiyahi.

Homa 14:10

Dai ene‑nima dai owa mai ihi ra, mai dai tairiyahi, mai ihi‑ya dai kadikariyahi, dai nahi. Ai nafi Deoso noko‑kaya ai nahoya, ai ene‑ya Deoso kadikebonane.

Homa 14:3

Bani dai ati kaba, sibarihi, bani‑ya mai kabara mai‑ya dai weeriyahi, bani‑ya dai ati kabara, sibarihi, bani‑ya mai kabiya, mai‑ya dai weeriyahi, dai nahi. Mai‑ya Deoso kayafemari, mai dai weeriyahi.

Homa 14:4

Yeso ati‑ya mai nofa, ati mai hiwato bi‑bidi hine, Yeso Kirisito‑ya mai na‑narifa mai amani. Ai owa‑ya mai na‑narifa mai ihi ai kadikara, mai‑ka hidi mai ihi‑ya kadikabisatene. Kirisito‑ya mai na‑narifa mai ihi hikadikabone, mai hikasomaboneni, mai ihi amosabonehe.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 11:13

Hini yamata‑nima dai atibodi ati niti? Deoso‑ya mai fanawi hiyarabone, mai tati bori‑ya mai sakonabone ona, mai tati bori‑ya mai sakokaribana?

Korito yoto‑ke 5:14

Yeso Kirisito ai‑ya nofi nafi ene dai‑ya oda kaminamaroni. Ai nafi manakone‑ya nanahabebona, abematane. Ai manakone aba ene ai abamete‑nima ai nawaha, ai manakone wadamarani.

Korito yoto‑ke 6:3

Oda ene amosini, Deoso tabaro hawine‑ya mai yakana, oda ene‑ya mai awa, mai taratokarihi, oda ene‑ya mai one awa, Deoso‑ya mai weerihi nabone oda ati teni.

Firibo 1:10

Yama Deoso atibodi kobohina‑nima dai atibodi koboniya, dai ene amosaboneni. Yeso Kirisito kameya, dai‑ya weeterebonane. “Dai ene amosini.” Ati neya, dai ya‑yainaboneni.

Timoti daidi 5:14

Owati timitamatasahi. Mai fanawi fanamaro, mai‑ka yibote mai abamaro, mai bote tohi awira, mai fanamiya, mai‑ka madehe‑ya mai nayaniya, mai‑ka madehe‑ya mai kanawatoyahi. Haa‑nima mai niya, mai ihi amosaboneni. Yeso ati‑ya mai nofara ai‑ya mai weeni awiraboneni.

Tiyako 2:4

Mai mese‑ta dai kadika, mai atibodi dai awara, haa‑nima dai ene na, dai ati kasironeni.

Tiyako 4:11

Oka soho dai toha, owati dai mitahi. Dai owa ene dai kadikariyahi. Dai owa atibodi dai watora, Deoso‑ta hiwatobisane. Dai owa ene dai kadikarabone Deoso ati ne. Dai owa ene dai kadika‑mani, Deoso ati dai tokadabara, Deoso yama‑ya wato awire, dai‑ta, dai watobisa‑mone dai atibodi ati neni.

Yowaho daidi 2:10

Yama tehe‑ya ai wina, ai ibi nofa, ai ene amosa, ai ene mai taratokaraboneni.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.