Homa 14:1 - Deoso-ka Yama Hani

¹ Yeso ati‑ya mai nofa, Yeso ati‑ya mai wato bi‑bidi na mai dai nofa, dai‑ya mai dabiya, yama mai hiwatora tamine‑ya mai dai weeriyahi.

Homa 14:1 ပူးပေါင်းရင်းမြစ်များ

Mateo 12:20

Mai kiyana mai‑ya kasomebonane. Mai ohini kita mai‑ya weeterebonane. Mai kitara mai‑ya kasomeya, mai nafi ihi‑nima mai manakone na‑ya daanebonane.

Mateo 14:31

Yeso yehe‑ya daatowiti, Bedoro‑ya waratone, “Owati tinofara, hini yamata ihi tiwa kakomeheti?” Yeso ati nemarine.

Mateo 18:10

“Owati dai mitahi. ‘Madehe towe hini tohiya.’ Dai atibodi ati riyahi. Okobi tabaro‑ya Deoso‑ka yo‑yose madehe‑ya mai kayawateni.

Maroko 7:19

Ai tefe nafi sibara tamine‑ya Yeso hiyare, “Ai atibodi‑ya ai tefe tokaterani. Ai tafiya, ai nabadi‑ya tokabisa, makobote ai miiniya, abateni.

Roka 17:2

Hini ene towe tohi awisareya, yati webote‑ya namidi mai yadihineya, faha webote‑ya mai korohifiya, komene bi‑bidi nibisebonane. Ati ene owati‑ya ewe nofamareya, hini ene komene nafibisebonane.

Yowaho 13:20

Owati amosabote dai mitahi. Hiyose ati mai hinofeya, owati‑ya mai nofahariteni. Owati‑ya mai nofiya, owa‑ya yose‑mari ati‑ya mai nofahariteni.” Yeso ati nemarine.

Yeso‑ka yo‑yose mai tamine 28:2

Maota‑ya mai wi‑wina mai ati soma, oda‑ya mai kasoma, faha bofe‑ya yifo‑ya mai afokanamaroni, yifo oda hiwanabonehe. Yama siri kitamaroni.

Homa 11:15

Yodeo mai‑ya Deoso saatokase ene Yeso ati‑ya Bara mai dami mitawahiya. Fara Yodeo mai‑ya kayafamataseya, mai abamaro mai kitama, mai‑nima mai nawahaboneni.

Homa 14:2

Yama nafi‑ya ai one kaba, ai one bani‑ya kabarihi teni.

Homa 14:21

Yama dai kaba, yama dai fawa na ihi dai owa taratokarayaho.

Homa 14:3

Bani dai ati kaba, sibarihi, bani‑ya mai kabara mai‑ya dai weeriyahi, bani‑ya dai ati kabara, sibarihi, bani‑ya mai kabiya, mai‑ya dai weeriyahi, dai nahi. Mai‑ya Deoso kayafemari, mai dai weeriyahi.

Homa 15:1

Deoso ati‑ya ai wato ba‑basi na, Deoso ati‑ya mai wato bi‑bidi na, mai dai kasomahi. Hini yama tiwa‑ya kasomi ohare‑bone‑ya nokotiniriyahi. Yama‑ya mai wato bi‑bidi na mai tikasomaharebone, nokotiniharihi.

Homa 15:7

Hibati‑ya Yeso Kirisito dai‑ya kayafemari, dai ibi kayafiya, dai ene‑ya mai awiya, Deoso‑ya mai kahiyarawahaboneni.

Homa 4:19

Abaraho‑ka ano 100 toha, 100 yakari‑ya i‑di Sara‑ka ano toha na, Abaraho hini‑ya atibodi hiyare, “Sara ai bote tohikima, sibarini. Ai‑ka ewe wadebona Deoso ati ne, Deoso kitabote ati‑nima yama naboneni.” Abaraho atibodi ati nematane. Sara atona tohiya, kahiwara, kahiwaterabone mai one ati nameteni. Sara kahiwabone Deoso ati ne, ati‑ya Abaraho mite, Deoso ati‑ya nofe, habo kitematane.

Korito daidi 9:22

Yama‑ya mai watora mai‑ya osawe, mai‑nima onihi ona, owati ihi Kirisito ati‑ya mai watowahaba awineni. Mai nafi‑ya osawe, mai‑nima onihi ona, owa‑ya mai nofiya, Kirisito ati‑ya mai nofawahaba awineni.

Firibo 2:29

Bafodito dai tabaro‑ya koboneya, dai ya‑yainahi. Bafodito ene‑nima mai ihi na, mai dai nofi ba‑basi nahi.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Ebereo 5:14

Bani kite‑ya dai kaba, ai hawa toha‑nima dai na, yama amosa dai wato, yama towe dai wato dai nineni.

Yowaho yoto‑ke 1:10

Tika yobe‑ya mai kake, Deoso ati‑mari‑nima mai ati ni awiriya, tika yobe‑ya mai tokiyomarihi, mai tafe‑ba daatirihi, tinahi.