Homa 13:7 - Deoso-ka Yama Hani

⁷ “Yinero‑ya mai haana, mai ati dai tokadabahi.” Deoso ati ne. Mai ati dai tokadabahi. Mai dai kasomabone mai ati na, mai dai kasoma, mai tamine amosa dai kamina dai nahi.

Homa 13:7 ပူးပေါင်းရင်းမြစ်များ

Mateo 17:25

“Yinero‑ya daatene.” Bedoro ati nemarine. Yobe‑ya Bedoro tokomakiya, Yeso haane, “Simaho, tiwati omitaboneni. Ebeni‑ke‑ka yinero‑ya hidi webote mai haatiti? Bidi‑ka yinero‑ya haaterene. Mai one mai‑ka yinero‑ya haanibisatene.” Yeso ati nemarine.

Mateo 22:21

“I‑di Sesa korimari, oni ne, yinero bako‑ya waane.” Mai ati namaroni. “Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine.

Maroko 12:17

“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nemarine. Yeso ati‑ya mai mita, “Ka! Yeso yama‑ya watone.” Mai atibodi ati namaroni.

Roka 20:22

Ai‑ka yinero‑ya Sesa haaneya, yinero ai daanibaraniha?” Mai ati nameteni.

Roka 20:25

“Sesa‑ka yama‑ya Sesa‑ya dai daatonama, Deoso‑ka yama‑ya Deoso‑ya dai daatonamahari, dai nahi.” Yeso ati nematane.

Roka 23:2

Yeso tamine‑ya keyehe‑ya mai hirina, “Yeso ene ai one dama kofeno ati‑ya mai nofamarani. ‘Sesa‑ka yinero‑bona dai daariyahi.’ Yeso ati nihi, ‘Deoso‑ka Ka‑kadika ama·oni. Hidi webote ama·oni.’ Yeso ati nihi tene.” Mai ati nameteni.

Homa 12:10

Yeso‑ka dai toha dai‑ka soho dai nofi‑nima dai ibi nofa, mai ihi amosa mai dai kahiyarahi.

Homa 13:6

Kofeno‑ka yinero‑bona‑ya mai haana, mai‑ya yinero dai daanahi. Deoso ene yama‑ya mai anina, yinero‑ya mai kayafa, dai‑ya mai kasomaboneni.

Efesiyo 5:33

Makidi dai toha dai‑ka yibote mai dai nofahi. Dai‑ya dai nofi‑nima dai‑ka yibote mai dai nofahi. Fana dai toha dai‑ka yobote mai ati dai tokadabahi.

Efesiyo 6:5

Dai‑ya mai kanikamaro, owati dai mitahi. Dai‑ka hidi mai ati dai tokadabahi. Mai‑ya dai ya‑yainihebone, yama anini dai kitahi. Yama dai aniniya, dai atibodi yawariyahi. Yeso Kirisito ati‑ya dai tokadabi‑nima dai‑ya mai kanikamaro, mai ati dai tokadabahari nahi.

Timoti daidi 5:13

Deoso‑ka yinero kote‑ya mai tikasomiya, yama‑ya mai anini awiraboneni. Hini mai one tabori‑ya mai one tamine‑mone‑ya mai hiyaraboneni. Mai ati towe tohawahaboneni.

Timoti daidi 5:17

Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Timoti daidi 6:1

Dai‑ya mai kanikamaro, dai‑ka hidi dai nofiyahi. Dai‑ka hidi ati dai tokadaba ene Deoso‑ya mai kakorabone, Deoso‑ka yama hani tamine‑ya mai kakoraboneni.

Bedoro daidi 3:7

Mai makidi dai toha, owati dai mitahi. Dai faniya, dai‑ka yibote mai dai kasomiyahi. Yama‑ya mai weyeniya, mai‑ka yama kote dai weyekana, yama‑ya mai anina, mai dai kasoma nahi. Dai‑ka yibote mai dai weera, mai tamine dai hiyara, mai dai kahiyarabisahi. Dai kiti na‑nafi na, mai fanawi kiti bi‑bidi na, mai dai kasomahi. Mai dai kasomara, Deoso‑ya yama‑ya dai haaniya, dai ati‑ya mitarebonane. Deoso‑ka dai toha, Deoso‑ka dai‑ka yibote toha nineni.