Homa 13:13 - Deoso-ka Yama Hani

¹³ Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Homa 13:13 ပူးပေါင်းရင်းမြစ်များ

Roka 1:6

Sakariya fadi‑ya fame mai ihi amosa, Deoso ati‑nima mai ihi nameteni.

Roka 16:19

Yeso mai‑ya kanawatobona mai‑ya hiyare, “Ai owa‑ka yinero dame, bora amosabote‑ya sakone, mahi‑nima marina‑ya hirinematane.

Roka 21:34

“Dai noko wadahi. Dai siwariyahi. Kawi dai fawariyahi. Yinero dai nokotoniriyahi. Yama dama dai nokoniya, yama yanani kanibote na ihi yama we‑wee‑kaya dai saweboneni.

Yeso‑ka yo‑yose mai tamine 2:15

Kawi ihi oda towe toha‑mone dai ati na, mahi kaki dai awahi. Mahi kaki‑ya kawi ihi ai towe tohaterani.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Karatiya 5:19

Mai atibodi bote ati‑ya mai tokadaba, eya mai ihi teni. Mai ihi amosara, mai one‑ka yibote mai‑ya mai kayafa, mai makidi one‑ya mai aha teni.

Karatiya 5:21

Mai one‑ka yama‑ya mai ati kobo, kawi ihi mai towe toha, mai dami ibi aha na, mai tamine owati dai mitahi. Hibati‑ya dai‑ya okaminamaro, okaminamatasaboneni. Haa‑nima mai ihi na, Deoso tabaro‑ya mai winateraboneni.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Efesiyo 5:15

Dai noko wadahi, dai ene amosabonehe. Yama‑ya mai watora mai ihi‑nima dai ene riyahi. Deoso ati‑ya mai wa‑wato mai ihi‑nima dai ene nibisahi.

Efesiyo 5:18

Kawi ihi dai towe tohariyahi. Dai towe tohiya, dai ene amosaraboneni. Deoso‑ka Doni dai‑ya sawi, ati dai tokadabeya, dai ene amosaboneni.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 2:3

Dai ati dai kahiyarariyahi. Mai ati dai mita, “Yama‑ya mai wato ba‑basi na, ai‑ta yama ai wato bi‑bidi nibisineni.” Dai atibodi ati nahi.

Koroso 1:10

Yeso‑ya dai ya‑yainihebone, dai ene amosiyahi. Awa bono ade amosa, bona ihi ai ya‑yaiteni. Fara‑nima dai ene amosa, ai‑ka Ayo i‑di Yeso ya‑yainebonane. Deoso‑ya dai wato ba‑basi naboneni.

Koroso 3:5

Dai atibodi bote dai‑ya keyehe, ati dai nanahabahi. Mai fanawi one‑ya dai aharihi, mai makidi one‑ya mai fanawi dakorarihi. Mai tamine‑ya dai atibodi kadikarihi. Mai one‑ka yama‑ya dai nokotonirihi. Mai‑ka yama‑ya dai nokotoniya, deoso bare‑ya dai kahiyara‑nima dai nineni.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika daidi 4:12

Yeso ati‑ya mai nofara dai‑ka yama anini‑ya mai awa, dai ene amosa‑ya mai watowahaboneni. Oda ati‑nima dai niya, dai‑ka yama anini kita, dai‑ka yamata tosiyoteraboneni. Hasinaboneni.

Tesaronika daidi 5:17

Deoso‑ya dai hiyara, dai hiyari fawariyahi.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.

Yowaho yoto‑ke 1:4

Ai‑ka Abi i‑di Deoso ati‑ya mai kaminamaro, mai ati‑ya tika madehe tokadaba mai ihi ya‑yai·oneni.

Yoda‑ka yama hani 1:23

Yeso ati‑ya mai nofara mai abiya, mai hateboneni. Mai dai kasomiya, Yeso ati‑ya mai nofawaha, mai aba, mai hatiraboneni. Mai dai kasoma, dai noko wadahi. Mai aboni‑ta dai kasoma, mai ihi‑ta dai kakohi, mai ihi‑nima dai ene rabonehe.