Homa 13:12 - Deoso-ka Yama Hani

¹² Yama soki‑nima mai dama mai ihi tohasa nineni. Dai‑ta yama soki‑ya mai wi‑wina mai ihi‑nima dai ene riyahi. Dai ene amosahi. Yama wahabisari‑ya mahi kaki nahore ai wato, fare‑nima hibayata Yeso koboni nahorebona ai watoharine. Deoso‑ka bora kita dai sakona, Yeso kobonebona dai‑ya dai hawa toniheboneni. Yama wahi yanatoni‑ya Sodado mai‑ka bora kita‑ya mai sakona, mai hawa tohabone, mai‑nima Deoso‑ka bora kita dai sakonahi.

Homa 13:12 ပူးပေါင်းရင်းမြစ်များ

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Korito daidi 10:11

Deoso ai‑ya kanawatobona, ati ene mai tamine‑ya mai kanahanameteni, mai‑nima ai rabonehe. Yeso koboni nahorebonane.

Korito daidi 7:29

Yeso ati‑ya dai no‑nofa owati dai mitahi. Yeso koboni nahorebonane. Dai fana, dai‑ka yibote mai‑ya dai nokotoni ohaririyahi. Ai fanara‑nima dai nahi.

Korito yoto‑ke 10:4

Deoso ati‑ya mai nofarabone, mai atibodi‑ya keyehe‑ya Satanasi barikane, mai atibodi ba‑barikana‑ya ai ati seekiterani. Deoso ati kitabote tohe, ati oda kamine, mai atibodi ba‑barikana‑ya Deoso ati seekitine.

Korito yoto‑ke 6:7

Deoso ati oda kamina, Deoso ene kitabote tohe, sodado mai‑nima sayo‑kaya yama kita‑ya mai damana, yama koma mai‑ya koborabone, yama mai damahina, mai‑ya kasoma‑nima Deoso oda‑ya kasomatene, Satanasi‑ka yama koma oda‑ya koborabonehe. Sodado mai yahi kanika‑ya yima‑ya mai damateni, mai hama mai‑ya mai bisinabonehe. Fara mai‑nima Deoso ati oda kamina, Satanasi‑ka mai kananaboneni.

Efesiyo 4:22

Dai atibodi bote ati‑ya dai tokadabamariyahi. Dai atibodi bote, yama towe‑ya nokotonihe. Bora bisa toha, taninisa‑nima dai atibodi bote dai nihi.

Efesiyo 5:11

Mai ihi amosara yama soki‑ya mai wi‑wina, mai‑ya dai dabariyahi. Dai ene mai ihi amosara‑ya mai watomakiyahi.

Efesiyo 5:8

Hibati‑ya yama soki‑nima dai na, yama‑ya dai watoramaroni. Hibayata yama wahi‑nima dai nawaha, Deoso tamine dai watowaha, Deoso ati dai watowaha, dai na, dai ene amosahi.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Tiyako 1:21

Dai ene amosaramaro‑nima dai ene namariyahi. Dai ati yanana, dai ati amosahi. Mai ati towe, mai ati‑nima dai ati rihi, mai ihi towe, mai ihi‑nima dai ene rihi nahi. Deoso hini ati‑ya dai atibodi‑ya kanahanomata, ati dai nofe, tabaro‑ya dai winamakeboneni.

Tiyako 5:8

Fara‑nima yama dai nimana, dai‑ya mai kaka, dai habo siitoriyahi. Yeso kamebona kami nahorebona, dai nimanahi.

Bedoro daidi 2:1

Deoso ati‑nima dai na, dai ene‑maro‑nima dai ene namariyahi. Keyehe‑ya dai ibi hirikariyahi. Hini dai atibodi ati yokana‑nima dai ati nahi. Mai‑ka yama‑ya dai atibodi kayafarihi, dai ibi tairihi nahi.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro yoto‑ke 3:11

Yama nafi hirinabone, dai ene amosiyahi, dai hatirabonehe. Deoso ati‑ya dai tokadabiyahi.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yeso Kirisito ene‑bona 1:3

Yeso Kirisito‑ka yama hani ati mai himitabone, tikadikiya, tisibabisaraboneni. Yama hani ati dai mitiya, ati dai tokadabiya, dai sibabisaraboneni. Fara yama kobonabone yama hani ati na, yama kobo kanibote naboneni.

Yeso Kirisito ene‑bona 22:10

Ati yananamatase, “Yama hani ati tikahemoriyahi. Fara yama tamine dama hibayata timita, fara yama yanani yanatonineni.