Homa 13:11 - Deoso-ka Yama Hani

¹¹ Owati‑nima dai na, dai dodafi, mai a‑amo‑nima dai riyahi. Hibati‑ya Yeso ati‑ya ai nofa yati tohiya, Yeso ai awabone nahorebona, hibayata ai amoni fa‑famaraba nibisa, Yeso ai awaboneni.

Homa 13:11 ပူးပေါင်းရင်းမြစ်များ

Mateo 16:3

Yama wahabisari‑ya neme‑ya dai kiina, neme mawa, neme sabi soki na, ‘Faha kakeboneni.’ Dai ati teni. Neme‑ka yama kiini dai wata, Deoso ene‑ya dai awa, yama‑ya dai watorani.

Roka 21:28

Haa‑nima yama na dai awiya, dai ya‑yainahi. Deoso dai‑ya kasoma kanibote nebonane.” Yeso ati nematane.

Korito daidi 10:11

Deoso ai‑ya kanawatobona, ati ene mai tamine‑ya mai kanahanameteni, mai‑nima ai rabonehe. Yeso koboni nahorebonane.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Tiyako 5:8

Fara‑nima yama dai nimana, dai‑ya mai kaka, dai habo siitoriyahi. Yeso kamebona kami nahorebona, dai nimanahi.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro yoto‑ke 3:11

Yama nafi hirinabone, dai ene amosiyahi, dai hatirabonehe. Deoso ati‑ya dai tokadabiyahi.

Bedoro yoto‑ke 3:9

Deoso hini ati‑nima nebona dai atibodi kadamowamariyahi. Mai ihi amosara mai ababone ati nemata, ati‑nima nebonane. Mai ihi amosara, mai‑ya nanahaba kanibote ni awire, mai ihi amosawamaba awineni. Mai abiya, Deoso nofare mai ihi‑ya mai kaminabone‑ya nofabisane.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yeso Kirisito ene‑bona 1:3

Yeso Kirisito‑ka yama hani ati mai himitabone, tikadikiya, tisibabisaraboneni. Yama hani ati dai mitiya, ati dai tokadabiya, dai sibabisaraboneni. Fara yama kobonabone yama hani ati na, yama kobo kanibote naboneni.

Yeso Kirisito ene‑bona 22:10

Ati yananamatase, “Yama hani ati tikahemoriyahi. Fara yama tamine dama hibayata timita, fara yama yanani yanatonineni.

Yeso Kirisito ene‑bona 22:12

Ati yanane, “Kiki, kobo kanibote onaboneni. Mai ihi amosa manakone dama·okana, daa·onabonehe. Hini mai ihi‑nima manakone na daa·onaboneni.

Yeso Kirisito ene‑bona 22:20

Yama hani hidi ati, “Hehe, kobo kanibote onaboneni.” Ati nene. Ayo Yeso, fara amani. Kobo kanibote tinahi.