Homa 12:9 - Deoso-ka Yama Hani

⁹ Mai‑ya dai ati nofa, mai‑ya dai nofi yokana tohahi. Yama towe‑ya dai kaka, yama amosa‑ta dai nokotonibisahi.

Homa 12:9 ပူးပေါင်းရင်းမြစ်များ

Mateo 26:49

Yeso‑ya Yoda kame, “Ayo, kobo·onamini.” Ati ne, fai‑ya tomanemarine.

Yowaho 12:6

Yoda yama‑ya bo‑boti amane. Oda‑ka yinero‑ya Yoda damane, oda‑ka yinero kote‑ya botimarine. Yama mahi amosa‑ya ati daane, hiniya yinero‑ya atibodi kayafabisemarine, mai one‑ya kasomi awirebonane.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Korito yoto‑ke 6:6

Oda ene amosa dai awa, Deoso ene yama oda wata, oda yawa kanibote ra, oda‑ya mai kaka mai oda kasomabisa, Deoso‑ka Doni oda‑ya sawi, dai‑ya oda nofi nafineni. Deoso ati yokana oda kamina, oda‑ya dai watowahaboneni.

Korito yoto‑ke 8:8

Owati ihi yama dai daariyahi. Hini dai ati daahina, dai daanibisahi. Mai one ihi tamine dai mita, mai one‑ya mai nofa‑nima mai dai nofahare awineni. Yama dai daana dai awa, mai dai nofa dai watowahaboneni.

Tesaronika daidi 2:3

Dai‑ya oda hiyara, keyehe‑ya oda hiriterani. Dai‑ka mai fanawi oda siwakarihi, dai‑ka yamata oda botirihi, oda teni. Oda ene amosa, Deoso ati‑ya dai‑ya oda kamina, yama manakone oda haani awiramaroni.

Tesaronika daidi 5:15

Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.

Tesaronika daidi 5:21

Deoso‑ka yama hani ati‑nima mai ati ni awira, mai ati dai nofariyahi.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Ebereo 1:9

Mai ihi amosa, mai ihi ya‑yaitina, mai ihi amosara, mai ihi tiyawa titeni. Tiwa ene Deoso tiwa‑ya kadike, tika mai one‑ka hidi tihawahani, tiwa ya‑yaini ba‑basi naboneni.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Tiyako 3:17

Deoso ene yama‑ya mai wato yokana toha, mai ihi amosa mai ibi weerihi, mai ati kitarihi, mai one ati‑ya mai mita, mai one tosaware, mai‑ya mai ati somawamateni. Mai ihi amosa dama, mai dami‑ya mai nofa, mai atibodi ati‑nima mai ihi teni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.