Homa 12:8 - Deoso-ka Yama Hani

⁸ Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Homa 12:8 ပူးပေါင်းရင်းမြစ်များ

Mateo 25:40

Hidi webote mai‑ya hiyarebona, ‘Owati amosa dai mitahi. Oka mai one dai kasoma, owa‑ya dai kasomaharemaroni.’ Ati nebonane.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 13:12

Baoro ene‑ya mai‑ka hidi i‑di Seoso Baoro awe, Yeso ati‑ya nofawahe, “Deoso ene sibabisarane.” Ati nemonane.

Yeso‑ka yo‑yose mai tamine 13:15

Mose‑ka yama hani‑ya yobe hidi kadike, Deoso ati‑ya mai mi‑mita‑mete mai‑ka yama hani‑ya kadikamaki ne, yama hani kadiki‑ya hawa tohe, Baoro mai‑ya haane, “Ayo, mai dai ati hiyariya, mai dai hiyarahi. Dai ati ene mai ya‑yainaboneni.” Yobe hidi ati ne.

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 20:2

Masedoni‑kaya kobone, yakane, mai nafi‑ya hiyare, ati ene mai ya‑yaina, makobote Kereko mai tabori‑ya tokawahane.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Homa 12:13

Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Homa 13:6

Kofeno‑ka yinero‑bona‑ya mai haana, mai‑ya yinero dai daanahi. Deoso ene yama‑ya mai anina, yinero‑ya mai kayafa, dai‑ya mai kasomaboneni.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 14:3

Deoso ati dai kamina dai ati‑ya mai mita, mai dai kasomaboneni. Dai ati ene yama‑ya Deoso nofe‑ya mai wata, ati‑nima mai ihi nabone, mai nofaboneni. Mai atibodi koma Deoso ati‑ya mai mita, mai atibodi kome fawanaboneni.

Korito yoto‑ke 1:12

Oda atibodi oda‑ya weera, oda ene amosamone oda atibodi ati na, oda ya‑yaiteni. Mai tabori‑ya oda ene amosa, dai tabaro‑ya oda ene amosa na, yama nafi oda watora, Deoso oda‑ya kasome ene oda ene amosani.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Korito yoto‑ke 8:12

Ai nafi‑ya Deoso wato, yama ai kiha‑ya wato, ai owa yama dama‑ya kihe‑ya wato, ai owa yama damara‑ya kihe‑ya wato nane. Yama daani‑ya ai atibodi nofa, yama bide‑ta ai kiha, kote ai daana, ai atibodi‑ya awe, ya‑yaitene. Yama dama ai kiha, kote ai atibodi daani nofara, mai one ati ihi yama ai daanibisa, ai atibodi‑ya awe, ya‑yaiterene. Yama ai daana‑ya Deoso nokotoni awire, ai atibodi‑ya nokotonibisa tene.

Korito yoto‑ke 9:11

Yama dai daana, oda towakama, mai‑ya kasomaboneni. Dai ene Deoso‑ya mai kahiyaraboneni. Deoso dai‑ya kasome, mai dami‑ya dai kasomamakeboneni.

Korito yoto‑ke 9:13

Yama dai daana, dai ene mai ya‑yaina, Deoso‑ya mai kahiyarabone, “Abi Deoso, amosabote amatini. Korito‑ya mai wi‑wina yama dama‑ya mai kihara, mai ihi amosa, oda‑ka yamata‑bone‑ya mai daana, tika dao i‑di Yeso Kirisito ene‑nima mai ihi na, oda‑ya mai kasoma, mai‑ka yamata‑ya mai daanineni.” Mai ati naboneni.

Korito yoto‑ke 9:7

Ai owa ati ene yama dai daariyahi. Yama dai atibodi daara, dai daarihi. Hini dai atibodi daahina, dai daanahi. Yama ai atibodi daani nofa, Deoso ya‑yaitene.

Efesiyo 6:5

Dai‑ya mai kanikamaro, owati dai mitahi. Dai‑ka hidi mai ati dai tokadabahi. Mai‑ya dai ya‑yainihebone, yama anini dai kitahi. Yama dai aniniya, dai atibodi yawariyahi. Yeso Kirisito ati‑ya dai tokadabi‑nima dai‑ya mai kanikamaro, mai ati dai tokadabahari nahi.

Koroso 3:22

Mai mai hikanikamaro, mai‑ka hidi ati‑ya mai nofiyahi. Ati mai hikadaba hiyaho. Mai‑ka hidi noko‑ya yama mai ani, mai‑ka hidi noko beheri‑kaya yama‑ya mai ani nahi. Yeso ati‑ya mai no‑nofa mai‑ka hidi ati‑ya mai tokadabiyahi, Yeso ya‑yainebonaha.

Tesaronika daidi 2:3

Dai‑ya oda hiyara, keyehe‑ya oda hiriterani. Dai‑ka mai fanawi oda siwakarihi, dai‑ka yamata oda botirihi, oda teni. Oda ene amosa, Deoso ati‑ya dai‑ya oda kamina, yama manakone oda haani awiramaroni.

Tesaronika daidi 2:8

Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.

Timoti daidi 4:13

Okomakebani. Owa nimatiyahi. Owa nimatiniya, Deoso‑ka yama hani tikadikiyahi. Mai narabi‑ya Deoso‑ka yama hani tikadikiyahi. Mai‑ya tikanawata, mai ihi amosara, mai weetiyahi.

Timoti daidi 5:17

Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Timoti daidi 6:18

“Dai ene amosa damahi. Mai‑ka yamata wadara, mai‑ka yamata dai daa, mai‑ka bora wadara bora dai daa dai nahi.” Tinahi.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Ebereo 13:24

Dai‑ka webote mai toha, Deoso‑ka mai one toha na, mai‑ya oda tamine dai hiyarahi. Itariya‑ya mai wi‑wina dai tamine‑ya mai hiyarateni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.