Homa 12:3 - Deoso-ka Yama Hani

³ Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Homa 12:3 ပူးပေါင်းရင်းမြစ်များ

Roka 18:11

Fariseo wai, hini tamine‑ya hiyare, ‘Deoso, owati amosabisa, ya‑yai·onineni. Mai one‑ta yama‑ya mai ka‑kahidina mai toha, mai ihi amosara mai toha, mai one‑ka yibote mai‑ya mai a‑aha mai toha, mai na, mai ihi‑nima owa ene terani. Ahiyata‑ya wai kofeno‑ka yinero‑bona‑ya ha‑haa toha, fare ene‑nima owa ene terani.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 11:20

Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 7:17

Deoso‑ya mai hiyarabone, mai yorotokana, mai‑ya ohiyariya, haa‑nima owati teni. “Hibati‑ya Deoso ati dai nofawahiya, hini dai abano tohamaro, tohasa niya, dai sibaraboneni.” Oteni.

Korito yoto‑ke 10:13

Oda ene‑ya oda ati fiyakani awirini. Deoso oda‑ya yosemari, ati‑nima oda ene nabone oda nofineni. Dai‑ya oda kasomabone ati ne, dai‑ya oda kasomaboneni.

Korito yoto‑ke 12:13

Mai one tabori‑ya Deoso ati okamini‑nima dai tabaro‑ya owina, Deoso ati dai‑ya okamina, hiniya dai tabaro‑ya owa tefe‑ba haa·orihi, amo·obone‑ka yama haarihi, onamaro, fara ihi dai ati yawa awineni. Owa‑ya dai ati somawamahi.

Korito yoto‑ke 12:7

Yama amosa dama‑ya Deoso owa‑ya yofikanemarine. Owa onofi ba‑basi oni awirihi, owa‑ya mai nofi na‑nafi ni awirihi nabone, atiwa komene‑nima Satanasi ene owa abano komawahateni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Efesiyo 3:2

Bara dai toha, Deoso dai‑ya nofe‑ya dai watabone, owa‑ya yosemarine, Yeso tamine dai‑ya okaminabonehe. Owa tamine dai mitamete awineni.

Efesiyo 3:4

Oka yama hani dai kadikahi. Kirisito tamine mai hiwatoremata tamine Deoso owa hikamine dai watomakeboneni.

Efesiyo 4:16

Ai abano kobobona, hini ihi‑ya anina, ai abano nafi‑ya kasoma, ai yana, ai hawa toha, ai teni. Fara‑nima Yeso Kirisito‑ka ai toha ai ene‑bone‑ya ai anina, ai nafi‑ya ai nofa, ai nafi‑ya ai kasoma, Yeso ene‑nima ai ene nawaha, ai hawa toha, ai teboneni.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Koroso 2:13

Hibati‑ya dai ene amosara, hini dai ene dai aba‑nima dai namaro, Yeso ene Deoso dai‑ya ati somawami, Yeso eyehe dai kitawahani. Deoso dai‑ya ati somawamanane

Timoti daidi 1:14

Yeso ene sibare, hibati‑ya mai bisi·ona, Yeso onofara, Yeso owa‑ya nofe, ati ene Deoso ati‑ya onofawaha, hika mai onofawahineni.

Timoti daidi 2:15

Yeso ati‑ya mai fanawi nofa, mai ihi amosa, Yeso‑ka mai‑ya mai nofa na, Deoso tabaro‑ya mai winawahaboneni. Mai‑ka ewe wade, abarebonane.

Timoti daidi 2:9

Fana dai toha, owati dai mitahi. Dai‑ka bora dai sakona i‑isi riyahi. Dai‑ka bora, dai‑ka ato, dai‑ka tati kone na‑ya, mai makidi awa, dai tamine‑ya mai atibodi kadikarabonehe.

Tito 2:12

Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tito 2:2

Maki bote mai tikanawatohi. Mai ihi amosa, mai ati amosawama, kawi ihi mai towe toharihi na, Deoso ati‑ya mai nofa, mai one‑ya mai nofa nabone, mai‑ya tikanawatohi. Mai ihi amosa, mai ihi‑ya mai one awiya, fara mai ihi amosa, mai ihi‑nima mai one ihi naboneni.

Tito 2:4

Mai fanawi bote mai fanawi atona‑ya kanawatoya, mai ati haa‑nima nahi. “Tika yibote tinofa, tika madehe tinofa, titeboneni.

Tito 2:6

Yetene mai‑ya tihiyariya, “Dai ene amosahi. Yama towe‑ya dai atibodi kadikariyahi.” Tinahi.

Tiyako 4:6

Deoso ai‑ya kasomemarine, ati ai tokadabebonaha. “Hini mai‑ya mai nokotonihe, Deoso mai‑ya kasomi awirebonane. Ai‑ya ai tonanafira, Deoso ai‑ya kasomatebonane.” Deoso‑ka yama hani ati nineni.

Bedoro daidi 1:13

Yeso Kirisito kamatasebona dai atibodi dai hawa tonihi. Yama amosa‑ya dai kadikabisahi. Dai atibodi noko wadahi. Dai‑ka yama amosabote‑bone‑ya Deoso daanebona dai nimanahi.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro daidi 5:5

Yetene dai toha, owati dai mitahi. Bote mai toha mai ati dai nofa, “Owa‑ta amosabote ama·oni.” Dai ati riyahi. Hiniya dai ibi kasomahi. “Hini mai‑ya mai kahiyara, mai‑ya Deoso kakotene. Hini mai‑ya mai kahiyarara, mai‑ya Deoso kasomatene.” Deoso‑ka yama hani ati teni.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Yowaho faina 1:9

Deoso ati‑ya mai no‑nofa, dai tabaro‑ya mai wi‑wina, mai‑ka yama hani‑bone okanahanamaroni. I‑di Di·oterefesi hini‑ya kahiyare, “Deoso‑ka mai‑ka hidi ama·oni.” Ati ne, oka yama hani‑ya nofaremarine.