Homa 12:2 - Deoso-ka Yama Hani

² Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 12:2 ပူးပေါင်းရင်းမြစ်များ

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Maroko 4:19

makobote yamataha, bora, yinero, yama dama toha na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 15:19

Bofe‑ka dai toha‑mani, dai‑ya mai nofa neni. Hini mai one‑ya mai nofateni. Dai okadikamaro, bofe‑ka dai tohamara, dai‑ya mai kakoteni.

Yowaho 17:14

Mai‑ya tiwati okaminamaroni. Bofe‑ka mai toha oka mai‑ya mai kakoteni. Bofe‑ka mai‑ka owa ama·ora, oka mai toha bofe‑ka mai‑ka mai tohaharirani.

Yowaho 7:7

Dai‑ya mai kakoterani. ‘Mai ihi amosarani.’ Ona, owa‑ya mai kakoteni.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Homa 7:12

Mose‑ka yama hani ati amosa, Deoso ati yokana amane. Ati tosawariterene, ati amosatene.

Homa 7:14

Deoso‑ka Doni ene Deoso ati‑ya Mose kanahanomata, ati amosane, owatibodi bote Deoso ati‑ya tokadabi nofara, owatibodi bote towe owa‑ya yose, ati okadabanasa oneni.

Homa 7:22

Deoso ati owatibodi yati nofi nafineni.

Korito daidi 3:19

Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Korito yoto‑ke 5:17

Yeso Kirisito‑ka ai toha, ai yati tohawaha, hibati‑ka ai ene amosaramaro, ai ene amosa yanarabateni.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Efesiyo 1:18

Deoso‑ya dai tamine ohiyarateni, dai atibodi yama‑ya watabonehe. Hibati‑ya Deoso dai‑ya kadikematane, Hika dai tohabonehe. Deoso tabaro‑ya dai winabone yama dai nimaniya, dai ya‑yainahi. Deoso tabaro‑ya dai koboniya, dai‑ya Deoso kayafebona, dai wehene nafiwahaboneni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Efesiyo 5:17

Dai ene towe tohariyahi. Deoso yama hinofa dai wata, fara ati‑nima dai nahi.

Koroso 1:9

Dai tamine oda mita, Deoso‑ya dai tamine oda kaminateni. “Koroso‑ya mai wi‑wina mai tikanawatohi. Yama amosa‑ya mai watoyahi, tiwati‑nima mai nawahabonehe.” Oda ati teni.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Tesaronika daidi 4:3

Dai ene amosabone Deoso ati ne, dai ene amosiyahi. Tika yibote dai famabisahi. Fana mai one‑ya dai famawahariyahi. Mai‑ya dai siwakariyahi.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro daidi 1:18

Dai‑ka idi mai ihi‑nima dai ene namaro, dai ene amosara dai manakone wada, dai manakone‑ya Kirisito nanahabemarine. Oro, barata yama na‑ya dai manakone‑ya nanahabi awiremarine.

Bedoro daidi 2:3

Ai‑ka Hidi amose tohe dai watoya, Deoso ati dai nokotonihi.

Bedoro daidi 4:2

Ai‑ya mai bisina, ai ene amosaramaro ai nofamarabone, Deoso yama‑ya nofe‑nima ai nofabisaboneni.

Bedoro yoto‑ke 1:4

Deoso ati amosabote tohe, ati‑nima yama naboneni, ai ene amosawamabonehe. Deoso atibodi ati‑nima ai atibodi ati nawahabone, Satanasi ati‑ya mai no‑nofa mai ihi‑nima ai ene raboneni.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.

Yowaho daidi 3:13

Dai‑ya Satanasi‑ka mai kaka, dai korikasariyahi.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.