Homa 12:18 - Deoso-ka Yama Hani

¹⁸ Dai ati soma, dai‑ya mai weena, mai dai weeriyahi.

Homa 12:18 ပူးပေါင်းရင်းမြစ်များ

Mateo 5:24

Deoso‑ka yama‑bone tinawadakosiya, tikiya, ‘Naki, towebisa ama·oni. Owa‑ya tiwati somawamahi. Tiwa onofini.’ Tiniya. Makobote Deoso‑ka yama‑bone daatibisahi.

Mateo 5:5

‘Yama owato nafira, Deoso‑ta yama nafi‑ya watotene.’ Dai atibodi ati na, Deoso dai‑ya kasomebona, wami nafi‑ya dai kayafaboneni.

Mateo 5:9

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Maroko 9:50

Sao amosa. Faha ihi abiya, sao kabi‑nima kabinamaterani. Sao‑nima dai nahi. Dai ene amosahi. Dai ibi nofahi.” Yeso ati nemarine.

Homa 1:15

Mai dami‑ya Yeso ati okaminabone Deoso ati ne. Homa‑ya okiya, dai‑ya Yeso Ati Amosabote okaminabone owatibodi ati nani.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 14:19

Ai ene mai ibi nofi nafe, mai ibi kasomiyahi.

Korito daidi 7:15

Deoso ati‑ya tika yibote nofara, tiwa‑ya wahakana, honita wahawamiya, sibaraboneni. Tiwa‑ya tika yibote wahakana, Deoso tiwa‑ya weerebona, “Tiwati somahi.” Deoso ati nane.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Efesiyo 4:3

Deoso‑ka Doni dai‑ya sawi, fara dai hinama toha, dai ibi nofa, dai atibodi ati somahi.

Tesaronika daidi 5:13

Dai‑ya mai ka‑kanawato mai ihi mai‑ya dai nofi nafiyahi. Dai narabo hawihi, mai ati dai mitabonehe. Dai ibi weeriyahi.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Bedoro daidi 3:11

Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.