14 Dai‑ya mai bisina, mai dai kasoma, dai ati ene Deoso mai‑ya kasomabise, mai‑ya nakomarayaho.
Owati dai mitahi. Dai‑ya mai nofara mai dai nofiyahi. Dai‑ya mai bisina mai tamine dai hiyarahi, Deoso mai‑ya kasomebonaha.
“Abi Deoso, yama‑ya mai watorini. Mai‑ya weetiriyahi. Mai‑ya tiwati somahi.” Yeso ati nematane. Yeso borone‑ya sodado mai‑ka owa kayafebona, yati bide‑ya mai werenameteni.
Dai‑ya mai yoko mai‑ya dai kasomiyahi. Dai‑ya mai bisina mai tamine dai hiyarahi, Deoso mai‑ya kasomebonaha.
Yobati‑kaya ite, “Ayo, owa‑ya mai nanahaba, mai‑ya tiwati somawamahi.” Ati ne, ati kite, Ati fawane, abawahematane.
Dai‑ya mai ihi amosara mai ihi‑nima dai ene riyahi. Hiniya mai dai kasomiya, Deoso ati‑ya mai nofawahaba awineni.
Dai‑ya mai nofara, mai‑ya dai nofaba nahi. Mai ihi amosara, dai ene‑ta amosabisiyahi. Dai ibi kasomiyahi.
Ai ebene ohare‑ya ai one ai kahiyara, ai one ai towe tonihi teni. Soho, haa‑nima dai ati riyahi.
Dai‑ya mai we‑wee mai dai weerihi, dai‑ya mai ka‑kako mai dai kakorihi na, hiniya mai dai kasomahi. Haa‑nima dai nabone Deoso ati ne, dai‑ya haanemarine. Haa‑nima dai niya, Deoso dai‑ya kasomebonane.