Homa 12:13 - Deoso-ka Yama Hani

¹³ Yeso ati‑ya mai no‑nofa yama‑ya mai one kihara, mai dai kasoma, mai‑ka yama‑ba dai daanahi. Mai a‑amo‑ke mai‑ka yobe awire, tika yobe‑ya mai amonahi.

Homa 12:13 ပူးပေါင်းရင်းမြစ်များ

Mateo 25:35

Hibati‑ya ofime, owa tefe‑bone‑ya dai daa, owa bako hoka, oka faha‑bone‑ya dai daana, owa‑ya dai watora, dai‑ka yobe‑ya owa‑ya dai amonihi,

Yeso‑ka yo‑yose mai tamine 10:4

Deoso‑ka yo‑yose‑ya awe, habo siitone, “Ayo, hini yamata‑ya tiwati koboniti?” Koneriyo ati ne. “Deoso tiwati‑ya mite, tiwa yehe honene mai‑ya daatina, tiwa‑ya awatene, tiwa‑ya nofe, ati somane.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 16:15

I‑di Tefanasi hika mai eyehe dai watoneni. Akaiya‑ya dai wi‑wina‑ya i‑di Tefanasi hika mai eyehe Deoso ati‑ya mai nofi baha, i‑di Tefanasi nowati‑ya Deoso ati‑ya dai owa nofamaki, Deoso ati‑ya dai no‑nofa, Tefanasi dai‑ya mai kasomateni.

Korito yoto‑ke 9:1

Yodeya‑ya mai wi‑wina mai‑ka yinero‑bona oda towakamabone tamine dai watoneni.

Korito yoto‑ke 9:12

Yamata‑ya Deoso‑ka mai one kihara, dai ene yamata‑ya mai kihawahabone, dai ene Deoso‑ya mai kahiyarahareboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Timoti daidi 3:2

Deoso‑ka mai‑ya kanawatobona, eya ene nebonane. Hika yobote ohareboneni. Mai fanawi one‑ya nokotoni awirihi tebonane. Mai one kake, ati ene hika yobe‑ya mai winateni. Ati, atibodi ati, ene ne‑ya nawadatene. Deoso ati kanawato‑ya watone.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Tito 1:8

Mai one kake, fai tabaro‑ya mai wina, mai ihi amosa, mai‑ya nofatene. Ene mai one hiawe, ene mai hinofatene. Yama amosa‑ya anitene. Deoso ati‑nima tene. “Deoso ati‑nima oteboneni.” Atibodi ati tene.

Tito 3:14

Mai one yama‑ya kihara, mai‑ka yama‑ba mai daanahi. Yama‑ya mai da‑daa mai ihi sibabisaraboneni.

Firimo 1:7

Deoso‑ka mai tinofa, mai‑ya tikasomamone, mai atibodi ya‑yainawahamoneni. Soho, tiwa ene ya‑yai·onaharineni.

Ebereo 13:16

Mai dai kasoma, mai kasomi dai fawariyahi. Dai‑ka yama mai‑ya dai ebekana, yama‑ya Deoso‑ya dai daana‑nima dai na, dai ene Deoso ya‑yainebonane.

Ebereo 13:2

Dai tabaro‑ya mai kobona, mai dai kasoma, mai tafe‑ba dai daa, mai ati amoniya, dai tabaro‑ya mai amo nahi. Mai‑ya ai owa kasome, ai owa mai amanikani ati ne, Deoso‑ka yo‑yose mai‑ya kasomematane.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Bedoro daidi 4:9

Dai‑ka yobe‑ya dai one kobona, mai naha, mai‑ya dai ya‑yainahi.

Yowaho daidi 3:17

Tika yamata dama toha, ai one‑ka yamata awira, hika yamata‑ba daatiyahi. Yamata daatira‑mani, tiwa‑ya Deoso nofe‑ya mai awaraboneni.

Yowaho faina 1:5

Tiwa ene amosa, Deoso‑ka mai tikasoma, hibati‑ya mai tiwatora, Deoso ati‑ya mai ka‑kamina mai tikasoma titeni.