Homa 12:12 - Deoso-ka Yama Hani

¹² Deoso‑ka yama dai kayafabone ati ne, yama‑ya dai nimana, dai ya‑yainahi. Dai‑ya mai bisina, dai yawarihi. Deoso‑ya dai hiyaranadihi.

Homa 12:12 ပူးပေါင်းရင်းမြစ်များ

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Roka 10:20

Dai ati ene madi towe mai kananamone, dai ya‑yaini nafiriyahi. Neme‑ya dai oni‑ya Deoso kanahano ene dai ya‑yaini nafibisahi.” Yeso ati nematane.

Roka 21:19

Owa oni dai saatonakosi awiriya, ai abarabone‑kaya dai saweboneni.

Roka 8:15

Bodo‑ya yamata noki sona, Deoso ati‑ya mai mita, Deoso ati‑ya mai atibodi nofi kita, mai atibodi amosa, mai maakarani. Mai ihi amosani.

Yeso‑ka yo‑yose mai tamine 1:14

Yeso‑ka yo‑yose mai toha, Yeso madi i‑di Mariya toha, Yeso sori mai toha, mai fanawi one toha na, mai yorotokana, Deoso‑ya mai hiyaranademoneni.

Yeso‑ka yo‑yose mai tamine 12:5

Kadeya‑ya i‑di Bedoro waiya sodado mai dabineni, tokarebonaha. Yeso‑ka mai Bedoro tamine‑ya mai hiyari nafineni, Deoso‑ya.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Yeso‑ka yo‑yose mai tamine 6:4

Deoso‑ya oda hiyara, Yeso tamine oda kamina, oda naboneni.” Yeso‑ka yo‑yose mai ati namoneni.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 15:4

Ai‑ya mai kanawatabone, Deoso ati‑ya mai kanahanameteni. Yeso hawine‑ya ai yakana, Deoso ati‑ya ai kadika, Deoso tabaro‑ya ai koboni awisariya, ai kobonabone ai atibodi ati na, ai ya‑yaiteni.

Homa 2:7

Deoso ati‑ya mai no‑nofa, Deoso ati‑ya mai tokadaba, mai ihi amosa, Deoso tabaro‑ya mai nokotoni fawara, mai manakone amosa‑ya Deoso daanebonane. Deoso tabaro amosabote‑ya mai winiya, mai ya‑yainaboneni. Deoso ene mai abamateraboneni.

Homa 8:25

Yama amosa ai kayafabone ai atibodi ati na, yama ai nimana, fara ai habo kita, ai ya‑yaiteni.

Korito daidi 13:13

Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Korito yoto‑ke 12:8

“Ayo Kirisito, owa tinakitamahi. Atiwa‑nima yama na fawanaboneni.” Ona, Owati yanani 3 tohamaroni.

Firibo 3:1

Oka yama hani hawa tohi yananineni. Ai‑ka Ayo Yeso ati dai no‑nofa dai ya‑yainaboneni. Hibati‑ya mai tamine okanahanamaro, mai tamine okanahanomatasabone, yama dai watowahaboneni.

Firibo 4:4

Ai‑ka Ayo i‑di Yeso dai‑ya sawi, dai ya‑yainahi. Owati dai mitamake, dai ya‑yaini fawariyahi.

Koroso 1:11

“Abi Deoso, tiwa ene kitabisa, tiwati ihi mai habi siitoriyahi. Mai‑ya mai bisi, mai‑ya mai we‑wee, mai na, mai habi siitoriyahi. Mai habi siitoriya, mai ya‑yainibisahi.” Oteni.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Koroso 4:2

Deoso dai hiyaranadiya, dai ya‑yainahi. “Deoso, amosabote amatini.” Dai ati nahi.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika daidi 5:8

Yama tehe‑ka ai toha, ai noko wadateni. Sodado mai‑ya mai nawadabone, mai baki‑ya yama kita waana, mai tati‑ya sabewa kita itariteni, wati, yima na, mai‑ya koborabonehe. Sodado mai‑nima ai nawadabone, ai‑ya ai nawada, Yeso, Yeso ati ne, ai nofi nafi, Deoso tabaro‑ya ai kobonabone ai wato, Satanasi ai‑ya keyeheya, ati ai nofaraboneni.

Tesaronika yoto‑ke 1:4

Mai tabori one‑ya oda toka, Deoso‑ka mai toha mai‑ya oda yorotokana, dai tamine oda hiyarineni. “Tesaronika‑ya mai wi‑wina mai mai bisihina, mai mai hinakoma, mai ati sibawarini. Yeso ati‑ya mai nofi nafiwahineni.” Oda ati teni.

Tesaronika yoto‑ke 3:5

Deoso ai‑ya nofi nafi, ai‑ka Ayo i‑di Yeso dai‑ya kanawatowahebonane. Yeso‑ya mai kakamaro, mai‑ya kakoterene. Fara ai‑ka Ayo ene dai kadikiya, ene‑nima dai ene nawahaboneni.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Tito 3:7

Ai manakone abawaha, Deoso bidi ai tohawaha, ai abateraboneni. Deoso tabaro‑ya ai winabisaboneni.

Ebereo 10:32

Hibati‑ya Yeso ati dai nofi yanakani‑ya dai‑ya mai wee, dai‑ya mai ati kosi na, dai habo siitoramaroni.

Ebereo 10:36

Deoso ati‑nima dai nabone dai ati na, ati‑nima dai na, dai maakara, yama amosa‑ya Deoso daanebona ati ne, yama dai kayafaboneni.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 5:7

Yeso bofe‑ya wine, Deoso‑ya hiyare, hini mahi‑nima badi‑ya hiyare, hini ati koboni‑ka yama‑ya haane, ohinawahe, Yeso Badi ati‑ya tokadabi nafi, Badi ati‑ya nofi nafine. Badi‑ya weere, Deoso ati‑ya Yeso tokadabe, Yeso ati‑ya Deoso tokadabahari, Yeso‑ya nakitamemarine.

Ebereo 6:12

Dai refo tohariyahi. Deoso ati‑ya mai nofamete, Deoso mai‑ya kasomebona ati ne, Deoso‑ya mai nimanameteni. Mai ihi amosamete mai ihi‑nima dai ene niya, yama amosa‑ya Deoso dai‑ya daanebonane. Yama amosa dai kayafabone, dai ene amosahi.

Ebereo 6:15

Abaraho amoni dameya, Deoso ati‑mata‑nima bidi wadawahematane. Hibati‑ya Abaraho Deoso ati‑ya mite, “Oka dao‑bona‑ya Deoso daanebona ati ne, daahinebonane.” Abaraho atibodi ati ne. Deoso ati‑nima yama nabone‑ya Abaraho nimane, ati‑nima nawahematane.

Tiyako 5:7

Soho, owati dai mitahi. Dai anina, dai‑ka yinero‑ba‑ya mai daara dai yawara. Dai‑ka Ayo Yeso kamebona dai ene amosa manakone‑ya daanebona, mai ihi amosara manakone daanahari nebonane. Yamata‑ya mai ka‑kama, yamata hawa toha kanibote ra‑ya hidi mai nimana, faha kake ihi yamata yana, makobote hadabone, faha kakitasa teni.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro yoto‑ke 1:6

Deoso ati‑ya dai wato ba‑basi na, dai atibodi yama hinofa dai nokotonihi, yama amosara dai nofarabonehe. Yama dai nofa‑ya Deoso dai‑ya daa kanibote ni awire, dai yawarihi, Deoso yama hinofa‑nima dai ene nahi.

Yeso Kirisito ene‑bona 13:10

Deoso hawine bai‑ya dai maanamariyahi. Hawi‑ya dai yakani oharibisahi. Ai one‑ya mai wata, fara mai‑ya mai watahareboneni. Yima‑ya ai one‑ya mai nanahaba, fara yima‑ya mai‑ya mai nanahabahareboneni.