Homa 12:1 - Deoso-ka Yama Hani

¹ Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 12:1 ပူးပေါင်းရင်းမြစ်များ

Roka 7:47

Hibati‑ya fana ihi towe dama, ihi towe manakone wadamarani. Owa‑ya nofi nafineni. Mai ihi amosamone mai ati na, owa‑ya mai nofi nafirani.” Yeso ati nematane.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Homa 15:30

Oka soho dai toha, Yeso Kirisito ai‑ka ayo toha ne, Deoso‑ka Doni ene ai ibi nofa, owa‑ya dai kasoma, owa tamine Deoso‑ya dai hiyarahi.

Homa 2:4

Deoso‑ya dai nayawariyahi. Dai‑ya nofi nafi, dai ene‑ya kakatome, dai ene‑ya kadika kanibote re, dai ene‑maro‑nima dai ene namarabone, dai ene‑maro dai nofamarabone‑ya Deoso nimanane.

Homa 6:13

Hibati‑ka dai aba, dai yati tohawaha, dai abano kobobona dai daanahi, Deoso‑ya. Dai abano kobobona ene amosaramaro‑nima dai riyahi. Deoso ati kobohina‑nima dai abano kobobona nawahabisahi.

Homa 6:16

Owati dai mitahi. Ai owa ati‑ya ai tokadaba, fare ai‑ka hidi tohatene. Fara‑nima dai na, dai atibodi bote ati‑ya dai tokadabatebone dai ati na, dai atibodi bote dai‑ka hidi tohateni. Dai atibodi bote dai‑ka hidi toha, dai ene amosateraboneni. Dai abiya, Deoso eyehe dai winateraboneni. Deoso ati‑ya dai tokadababisabone dai atibodi ati na, Deoso dai‑ka hidi tohatene. Deoso dai‑ka hidi tohe, dai ene amosawamawahaboneni.

Homa 6:19

Yama‑ya dai watabone dai‑ya ohiyaraboneni. Hibati‑ya dai atibodi bote dai‑ka hidi toha, dai abano kobobona ene amosara tonafemaroni. Hibayata dai abano kobobona Deoso ati‑ya tokadabahi, dai ene amosi ba‑basi nabonehe.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 4:1

Deoso ati oda kaminebona ati ne. Ati oda kamine, oda habo siitora, oda ati fawaterani.

Korito yoto‑ke 4:16

Oda abano kiti fawani yanatona, kiti fawanaba awineni. Oda atibodi kiti fawarabone, mahi‑nima oda atibodi‑ya Deoso nakitamatene. Oda atibodi kita ene oda ya‑yaiteni.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Efesiyo 4:1

Ai‑ka Ayo i‑di Yeso Kirisito ati okamine, kadeya‑ya owa‑ya mai nawaa, owati dai mitahi. Deoso dai‑ya haanemata, Yeso‑ka dai toha, ati dai tokadabaho.

Efesiyo 5:10

Dai ene Deoso ya‑yainebona tamine dai watohi.

Firibo 1:20

Owa‑ya mai nanahabiya, sibarihi, owa‑ya mai nanahabi awiriya, sibarihi naboneni. Owati ihi Yeso ati‑ya mai nofawahaba awineni. Mai ihi owa habo siitoraboneni. Owa ene‑ya mai awiya, Kirisito ati‑ya mai nofabone owatibodi ati nofateni.

Firibo 2:17

Hibayata o·aba yama sibaraboneni. Owa emene‑ya Deoso aweya, Deoso ati dai no‑nofa dai ene amosa na‑ya Deoso kayafe, ai ya‑yainamatahi.

Firibo 4:18

Oka yinero‑bona dai daaneya, i‑di Bafodito kakame ene oka yama damawahineni. Deoso‑ka yama‑bone‑ya ai daana, Deoso ya‑yaitene. Deoso‑ka yinero‑bona‑ya owa‑ya dai daana, dai ene Deoso ya‑yainebonane.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Tesaronika daidi 4:10

Masedoni‑kaya dai wi‑wina Deoso ati‑ya mai no‑nofa, mai nafi dai nofa, mai dai nofi ba‑basi nahi.

Tesaronika daidi 5:12

Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Timoti daidi 2:3

Mai nafi tamine ai hiyariya, ai‑ya Ka‑kasoma i‑di Deoso ya‑yainebonane.

Timoti daidi 5:4

Mai fanawi one kahiwa, mai‑ka ewe hasine, yobote‑ta abemari, ami‑ya ewe mai kasomahi. Fana‑ka nodi mai toha, aki‑ya mai kasomahi. Ai‑ka ami mai‑ya ai kasoma Deoso nofatene. Hibati‑ya ai‑ya mai kasoma, ai‑ya mai nayana, mai bote toha mai ai kasomiya, Deoso ya‑yainebonane.

Firimo 1:10

I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.

Firimo 1:9

Tiwa oyose awiraboneni. Tiwa onofi nafe, hiniya tiwa haa·onaboneni. Bote ama·oni. Yeso ati okamine ene kadeya‑ya owa‑ya mai nawaamaroni.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Bedoro daidi 2:20

Dai ene amosariya, dai‑ka hidi dai‑ya bisineya, dai manakone amosa wadaraboneni. Dai ene amosa, dai‑ka hidi dai‑ya bisineya, dai yawariya, dai manakone wadaboneni, Deoso dai‑ya kasomeya.

Bedoro daidi 2:5

Deoso‑ka yobe kote Yeso Kirisito tohane. Yati hasikana‑nima Yeso tohe, dai tohaharineni. Yeso ene yama amosa‑ya dai daanaboneni, Deoso‑ya.