Homa 11:7 - Deoso-ka Yama Hani

⁷ Isara·eo‑ka nodi mai dami‑ya Deoso kadikare, mai fa‑famaraba na mai‑ya kadike, Isara·eo‑ka nodi Deoso‑ka mai dami toha‑mone mai ati na, Deoso mai‑ya kadikemata, Deoso ati‑ya mai nofa, Deoso‑ka mai tohabisa. Mai one Deoso ati‑ya nofara mai atibodi ai teme ataro baye‑nima mai atibodi tokitameteni.

Homa 11:7 ပူးပေါင်းရင်းမြစ်များ

Maroko 6:52

Yeso ene kite‑ya mai awi baha, baho dodama‑ya mai awa, Yeso‑ya mai watomi awirameteni, mai habi kitaro.

Roka 13:24

“Nokobi bide dai nokotonibisahi. Nokobi one‑ya mai dama mai tokiyoma, Deoso‑ya mai tokiyomaraboneni.

Yowaho 12:40

“Yama‑ya mai awa, Deoso hini ati ene yama‑ya mai watora, tamine mai himite, Deoso hini ati ene tamine mai hiwatorane. Mai ihi‑maro‑nima mai ihi namariya, mai‑ya Deoso kasomane.” Isa·iya ati nematamonane.

Homa 10:3

Yeso ati‑ya mai nofa‑mani, Deoso mai‑ya ati somawame nane. Hini mai ihi Deoso mai‑ya ati somawamebona mai atibodi ati na. Ai ene Deoso ai‑ya ati somawamatere‑ya mai watorani.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 11:5

Hibati‑ya i‑di Eriya wineya, Deoso ati‑ya mai one nofamete, fara‑nima hibayata mai fa‑famaraba na mai‑ya Deoso kadikemata, mai‑ya kasomane.

Homa 3:9

Yodeo ai toha, ai ene amosabisa‑mone dai one ati na awineni. Ai ene amosi awirini. Yodeo ai toha, Bara mai toha mai na, ai nafi ene amosarani.

Homa 6:15

Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.

Homa 9:18

Deoso hini hinofa‑nima ene ne, mai one‑ya kasoma, mai one‑ya kasomarene. Deoso ene mai one habi kiti ba‑basi nineni.

Homa 9:23

Deoso yawe‑ya mai kayafiya, mai‑ya ai awa, Deoso ati‑nima yama nabone ai watoneni. Ai‑ya Deoso kadikemata, ati ai nofe, ai‑ya kasomi na‑nafi nebona ati ne, mai one‑ya Deoso ati amosare‑nima‑ya mai kayafa, ai‑ya ati amose‑nima nebona ai watoneni. Deoso tabaro‑ya ai winaboneni.

Korito daidi 10:19

Owati dai mitahi. Yama‑ya dai watowahaboneni. Mai‑ka deoso bare wadaterene. Mai‑ka deoso hiniya wamane‑ka bani‑bona mai daahineya, towe tonire, hika bani kote ai kabiya, ai‑ya nakomaterene.

Korito yoto‑ke 3:14

Deoso ati‑ya Mose kamine, noko‑ya barikanematane, noko mai hiawi nafirebonaha. Mose noko‑ya barikanemata‑nima mai na, mai atibodi‑ya mai bari kiteni, yama‑ya mai watorabonehe. Deoso ati i‑di Mose hikanahanomata‑ya hibayata mai kadika, mai atibodi barikana‑nima mai na, yama‑ya mai wato i‑isi nineni. Yeso Kirisito ati‑ya mai no‑nofa mai atibodi barikani fawana, yama‑ya mai watowahani.

Korito yoto‑ke 4:4

Deoso yokana ati‑ya mai nofara, madi mai‑ka deoso i‑di Satanasi ati‑ya mai nofabisa, Satanasi ene mai atibodi noki wadara, Deoso Ati Amosabote mai mitara, Kirisito amosabote‑ya mai awara, Deoso yokana‑nima Kirisito ne amane.

Efesiyo 1:4

Hibati‑ya yama‑ya Deoso wamani awisareya, ai‑ya kadike, Yeso Kirisito‑nima ai nawahabone, Yeso Kirisito‑ka ai toha, ai ene amosawama ai‑ya awebona ati nematane.

Efesiyo 4:18

Yama‑ya mai atibodi wato nofara, yama‑ya mai watora, mai atibodi kita ihi Deoso hawine toki‑ya mai nofara, Deoso tabaro‑ya mai koboni awiraboneni.

Firibo 1:18

Sibarini. Kirisito ati‑ya mai kamina, ya‑yai·oneni. Owa‑ya mai nofara Kirisito ati‑ya mai kamina, owa‑ya mai nofa Kirisito ati‑ya mai kamina, mai na, mai ihi ya‑yai·oneni.

Ebereo 12:17

Makobote Deoso hikasomebona Esa ati ne, Deoso hikasomare, fara ohinawahane, Deoso hikasomebonaha. Hibati‑ya Deoso ati‑ya Esa nofare, hini ene Deoso hikasomarematane.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.