Homa 11:36 - Deoso-ka Yama Hani

³⁶ Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Homa 11:36 ပူးပေါင်းရင်းမြစ်များ

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Roka 19:38

“Oda‑ka hidi webote amatini. Deoso tiwa‑ya yose, tiwa‑ya kasomayaho, oda ati nineni. Deoso ati somane, Deoso neme‑ke ai kahiyarineni.” Mai ati nameteni.

Roka 2:14

“Deoso neme‑ya wine, Deoso amosabote amane. Bofe‑ya dai wi‑wina, Deoso dai‑ya nofe, dai ya‑yainahi.” Mai ati nameteni.

Yeso‑ka yo‑yose mai tamine 17:28

Deoso ene ai hasina, ai toka, ai winateni. Deoso awire‑mana, ai hasira neni, ai aba neni. ‘Deoso bidi ai amani.’ Dai owa ati ne. Fara amani. Deoso bidi ai amani.

Homa 16:27

Deoso yama nafi‑ya wato, Yeso Kirisito ene Deoso‑ya dai kahiyaranadiya, dai kahiyari fawarayaho. Feye amani.

Korito daidi 11:12

Hibati‑ya maki fowari bodi tone‑ya fana‑bone‑ya Deoso wamanematane. Hibayata maki‑bona fana dori‑ya foyatene. Mai fanawi awira‑mani, ai wadara neni. Deoso ene ai nafi toha, mai makidi, mai fanawi, ai nineni.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Karatiya 1:5

Deoso‑ya ai kahiyarahi. Makobote Deoso tabaro‑ya ai winiya, Deoso‑ya ai kahiyara. Deoso‑ya ai kahiyari fawariyahi.

Efesiyo 3:21

Kirisito‑ka ai toha Yeso Kirisito ai‑ka Hidi amane. Deoso‑ya ai nafi kahiyarahi. Mahi‑nima Deoso ai kahiyara, ai kahiyari fawaterayaho, Deoso amosabote amane. “Fara amani.” Ai ati nahi.

Firibo 4:20

“Ai‑ka Abi i‑di Deoso amosabote amane.” Ai ati na. Ai ati fawariyahi. Neme‑ya ai kobona, “Ai‑ka Abi i‑di Deoso amosabote amane.” Ai ati nabone, Hini ai ati tohabone, ai ati tohahi.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Timoti yoto‑ke 4:18

Ai‑ka Ayo i‑di Yeso ene yama sibaraboneni. Owa‑ya mai nanahabiya, Yeso owa‑ya nakitamebonane. Deoso tabaro‑ya owinawahaboneni. Deoso ai kahiyari fawateraboneni. Feye amani.

Ebereo 13:21

Deoso dai‑ya kasomane, ati dai tokadabebonaha. Yeso ene ai ene amosa, Deoso ai ene‑ya aweya, ya‑yainebonane. Yeso‑ya ai kahiyari fawateriyahi. Feye amani.

Ebereo 2:10

Yama nafi‑ya Deoso wamanemata, hika yama toha, ai ene amosara manakone‑ya ai‑ka Hidi‑bona nanahabebona, Deoso ene amose ene Yeso komene kitematane, amosabote tohebonaha. Yeso ene Deoso bidi mai dodamawahani.

Bedoro daidi 4:11

Mai‑ya hi‑hiyara dai wa‑wato toha, Deoso ati dai kaminahi. Mai‑ya ka‑kasoma dai wa‑wato toha, mai‑ya dai kasomahi. Deoso ene dai kita toha, mai‑ya yama kita‑ya dai kasomahi. Dai ene Deoso, Yeso Kirisito ne‑ya mai kahiyaraboneni. Deoso kitabote tohe, kiti fawaterebona, ai kahiyari fawarinahi.

Bedoro daidi 5:11

Ai nafi‑ka Hidi i‑di Deoso tohe, kite, kiti fawaterebonane. Deoso ati‑nima yama naboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.

Yeso Kirisito ene‑bona 19:1

Yama hawa tohi‑ya neme‑ya mai dama mai ati kita, mai ati omita, “Yehowa dai kahiyarahi. Ai‑ka Deoso ati ene ai hasineni. Ai‑ka Deoso amosabote amane. Ai‑ka Deoso kitabote amane.

Yeso Kirisito ene‑bona 21:6

Oka yama a‑ani hawa tohineni. Aofa ama·oni. Omeka ama·oni. Yama yanakani‑ke ama·oni. Faina ama·oni. Mai baki hoka mai‑ya oka faha daa·onabone, manakone haa·orabone, mai hifi‑ya mai abaraboneni.

Yeso Kirisito ene‑bona 7:10

Tabora dami‑ka mai ati kita yanana, “Hidi Webote Kaneiro Bidi dai fama oda‑ya dai ka‑kasoma dai amani. Oda‑ya dai kasomi‑nima mai one oda‑ya kasomaterani.” Mai ati nani.

Yeso Kirisito ene‑bona 7:12

Mai ati yanana, “Fara amatini. Amosabote amatini. Oda nafi tiwa‑ya nofa, oda nafi tiwa‑ya kahiyara, tiwa ene oda nafi ya‑yaiteni. Yama wato tinafe, yama nafi‑ka hidi tiha, tiwa oda kahiyari fawateraboneni. Ti·abateraboneni.” Mai ati nani.