Homa 11:20 - Deoso-ka Yama Hani

²⁰ Fara dai ati‑nima yama nineni. Yeso ati‑ya Yodeo mai nofaramaro, hini mai ihi orifera ino‑nima mai na, Deoso mai‑ya bakanakose. Dai‑ta Yeso ati‑ya dai nofa, orifera amose ede‑ya dai‑ya Deoso nawaane. Dai‑ya dai nofi nafiriyahi. Deoso ene dai ya‑yaina, Deoso dai kahiyarahi.

Homa 11:20 ပူးပေါင်းရင်းမြစ်များ

Roka 18:14

Ene manakone Deoso haahinamarebonane. Fariseo ene manakone wadanasa nane. Hini mai‑ya mai kahiyara, Deoso ati ene mai mai hinofaraboneni. Hini ai‑ya ai nokotoniriya, Deoso ati ene ai‑ya mai kahiyarawahaboneni.” Yeso ati nematane.

Yeso‑ka yo‑yose mai tamine 18:6

Yodeo mai ati yawa, Baoro tamine‑mona‑ya keyehe‑ya mai hirina, Baoro‑ya mai weena, mai ati ihi, Baoro ati yawe, hika bora hibakori‑ya nanahabene, hibakori aba‑nima mai ababone mai awabonehe. “Hini dai ene dai ababoneni. Owa ene toharaboneni. Bara mai‑ya ohiyarawahaboneni.” Baoro ati nemonane.

Homa 11:18

Yodeo mai‑ya Deoso bakanakose, dai‑ya nawaane, mai‑ya dai weeriyahi. Dai amosawaha, hini dai ene tohara, orifera amose ede‑ya Deoso dai‑ya nawaane hini Deoso ene‑bisa amane.

Homa 11:21

Yeso ati‑ya Yodeo mai one nofara, orifera ino‑nima mai na, mai‑ya Deoso bakanakose, Yeso ati dai nofamara, dai‑ya bakanakosamaki neba awane.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Homa 3:3

Deoso ati‑ya Yodeo mai one nofara, ati mai hikadabarihi hine, Deoso ati‑nima yama ni awirabone dai ati na awineni.

Korito daidi 10:12

Yama‑ya dai watamone dai ati na, dai noko wadahi. Dai noko wadariya, Satanasi dai‑ya keyehe‑ya hirikanebonane.

Korito daidi 15:1

Oka soho dai amani, owati dai mitamatasahi. Hibati‑ya Deoso Ati Amosabote dai‑ya okamine, ati dai nofemari, ati‑nima dai teni.

Korito daidi 16:13

Dai noko wadahi. Yeso tamine‑ya keyehe‑ya mai hirinabone, Yeso ati‑ya dai nofahi. Dai‑ya mai we‑wee, dai eme kita, dai habo siitoriyahi.

Korito yoto‑ke 1:24

Dai‑ka hidi oda tohara, hiniya dai oda kasomabone, Yeso ati‑ya dai nofi ba‑basi naboneni. Yeso ati dai nofi ba‑basi niya, dai ya‑yaina, dai habo siitoraboneni.

Korito yoto‑ke 10:5

Keyehe‑ya mai nofamaro Deoso ati oda kamine, ati‑ya mai mita, keyehe‑ya mai nofami awira. Satanasi mai atibodi‑ya barikanemari, Deoso ati‑ya mai mita, mai atibodi seekawahani. Kirisito atibodi ati‑nima oda atibodi ati nabone oda nofateni.

Firibo 2:12

Hibati‑ya dai‑ya osawe, owati‑ya dai nofamaroni. Hibayata dai‑ya osawira, owati‑ya dai nofasa nahi. Owati abariyahi. Yama‑ya Deoso nofare‑ya yama dai nofahaririyahi. Dai habo siitoniya, ai‑ka Abi i‑di Deoso ati dai tokadabahi, yawarebonaha.

Koroso 2:7

Awa habi bodi‑ya toka, sona kanibote terani. Fara‑nima Yeso ati ai tokadaba, Satanasi ati ai nofa kanibote terani. Kirisito ati‑ya dai‑ya mai kanawata, ati dai nofi ba‑basi naho. “Abi Deoso, amosabote amatini. Oda‑ya tikasoma, tiwa ene oda ya‑yaineni.” Dai ati nahi.

Tesaronika yoto‑ke 2:4

Satanasi‑ka owa koboneya, hini‑ya kahiyare, Deoso‑ka mai‑ya kakotebona, “Mai one dai kahiyarariyahi. Owa‑ta owa dai kahiyarabisahi.” Ati nebonane. Deoso‑ka yobe‑ya itariya, “Deoso yokana ama·oni.” Ati nebonane.

Timoti daidi 6:17

Mai‑ka yinero dame, mai tihiyara, “Dai‑ya dai kahiyarariyahi. Dai‑ka yinero dai nokotoniriyahi. Deoso ati‑ta dai nofabisahi. Deoso ati dai nofiya, dai‑ka yamata‑bone‑ya dai‑ya daanebonane.” Tinahi.

Ebereo 3:12

Dai noko wadahi. Dai atibodi amosa, Satanasi dai‑ya keyeheya, ati dai nofarayaho. Deoso ati dai tokadababisabonehe.

Ebereo 3:19

Deoso ati‑ya mai nofara, hini mai ihi Deoso tabaro‑ya mai koborameteni.

Ebereo 4:11

Mose‑ka mai Deoso tabaro‑ya mai winabone mai ati na, Deoso ati‑ya mai tokadabara, Deoso tabaro‑ya mai winaramete, mai‑nima ai riyahi. Deoso ati ai kadika, Deoso ati ai tokadababisahi.

Ebereo 4:6

Mai one Deoso tabaro‑ya winaboneni. Mai one Deoso Ati Amosabote‑ya mai mita, Deoso ati‑ya mai nofara, Deoso tabaro‑ya mai winateraboneni.

Tiyako 2:19

“Deoso oharine.” Dai ati na, Dai ati‑nima madi towe mai ati na, Deoso ene mai habi siitoteni. Dai ati ohare sibara, yama one hasinineni.

Tiyako 4:6

Deoso ai‑ya kasomemarine, ati ai tokadabebonaha. “Hini mai‑ya mai nokotonihe, Deoso mai‑ya kasomi awirebonane. Ai‑ya ai tonanafira, Deoso ai‑ya kasomatebonane.” Deoso‑ka yama hani ati nineni.

Bedoro daidi 1:17

Deoso dai‑ka abi‑mona dai ati na, dai atibodi ati yokana‑ya Deoso kadikebona, dai ene‑nima dai manakone‑ya daanebonane. Hibayata bofe‑ya dai wi‑wina dai noko wadahi, dai atibodi ati amosabonehe.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Bedoro daidi 5:9

Satanasi ati tinofariyahi. Yeso ati‑ta tinofabisahi. Deoso ati‑ya dai no‑nofa dai nafi‑ya Satanasi keyehe‑ya hiri kitine. Kirisito‑ya mai ka‑kako mai yahi kome dai awabone, tabora dami‑ya mai wi‑wina Yeso ati‑ya mai nofa, Satanasi mai‑ya keyehe‑ya hirikitine.

Yeso Kirisito ene‑bona 18:7

Babironi‑ya hini mai‑ya mai kahiyara, ‘Hidi ai amani. Fana ohariwama‑nima ai ni awiraboneni. Ai ohiteraboneni.’ Mai atibodi ati nani. Hini mai‑ya mai kahiyara, hini mai ihi mai dai weeni kitahi. Mai‑ka yama dama toha, mai‑ka yama nafi abahi, mai ohinabonehe.

Yeso Kirisito ene‑bona 3:17

‘Yinero nafi okihe, owa yehe honene dama, oka yama nafi hawa tohineni.’ Dai ati neni. Yama dai wato awirini. Towebisa dai amani. Dai amosi awira, yama nafi dai kihara, mai noki wadara‑nima dai na, dai bodi toha‑nima dai nineni.